Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ອິນໂດເນເຊຍ ມີຜູ້ຕິດເຊື້ອເປັນອັນດັບ 1 ຂອງອາຊຽນ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 23/02/2021 13:43:31 ຈຳ​ນວນ​​ຢ້ຽມ​ຊົມ 495 ຄັ້ງ

       ທ່ານ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະ ສຸກ ຕາງໜ້າໃຫ້ຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ໄດ້​ລາຍງານໃນ​ວັນ​ທີ 23 ກຸມ​ພານີ້​ວ່າ: ພະຍາດໂຄວິ-19 ເລີ່ມມີການລະບາດແຕ່ທ້າຍປີ 2019 ຈາກ ສປ ຈີນ ແລະ ຂະຫຍາຍໄປສູ່ບັນດາປະເທດທຸກທະວີບໃນຂອບເຂດທົ່ວໂລກ,                   ລີ່ມແຕ່ຕົ້ນປີ 2020 ທົ່ວໂລກແມ່ນ​ປະເຊີນໜ້າກັບສະພາບການແຜ່ລະບາດຂອງພະຍາດ ໂຄວິ-19 ໃນນັ້ນກໍລວມທັງ ສປປ ລາວ; ສໍ​າລັ ສປປ ລາວ ນັບແຕ່ເລີ່ມມີການລະບາດຂອງພະຍາດ COVID-19 ມາຮອດ​ປັດຈຸບັນແມ່ນມີຜູ້ຕິດເຊື້ອພະຍາດ COVID-19 ທັງໝົດ 45 ຄົນ; ບໍ່ມີຜູ້ເສຍຊີວິດ ແລະ ໃນຈຳນວນຜູ້ຕິດເຊື້ອ ໄດ້ຮັບການປິ່ນປົວຫາຍດີ 42 ຄົນ; ຍັງນອນຕິດຕາມປິ່ນປົວຢູ່ໂຮງໝໍຈຳນວນ 3 ຄົນ ຊຶ່ງ 1 ຄົນ ແມ່ນອອກໂຮງໝໍມື້​ວານນີ້ ແລະ ທັງ 3 ຄົນ ທີ່ຕິດຕາມປິ່ນປົວ ແມ່ນມີສຸຂະພາບ ຮ່າງກາຍ ແລະ ຈິດໃຈສົມບູນ ແລະ ແຂງແຮງດີ; 2 ຄົນ ຕິດຕາມປິ່ນປົວ ທີ່ແຂວງຈຳປາສັກ ແລະ ອີກ 1 ຕິດຕາມປິ່ນປົວ ຢູ່ທີ່ນະຄອນຫຼວງວຽຈັນ.

   ສຳລັບສະພາບການຕິດເຊື້ອພະຍາດໂຄວິດ-19 ຢູ່ປະເທດອ້ອມຂ້າງ ສປປ ລາວ ເຫັນວ່າປະເທດ ມຽນມາ​ມີຈຳນວນຜູ້ຕິດເຊຶ້ອພະຍາດເປັນອັນດັບ 4 ໃນອາຊຽນໃນມື້ວານນີ້ມີຈໍ​ານວນຜູ້ຕິດເຊື້ອໃໝ່ 11 ຄົນ ແລະ ເສຍຊີວິດໃໝ່  1 ຄົນ; ສຳລັບປະເທດໄທ ຖ້າທຽບໃສ່ອາທິດຜ່ານມາເຫັນວ່າຈຳນວນ ຜູ້ຕິດເຊື້ອ ໃນແຕ່ລະ ວັນແມ່ນຫຼຸດລົງ ແຕ່ກໍຍັງສືບຕໍ່ມີລາຍງານກໍລະນີໃໝ່, ສຳລັບໃນມື້ວານນີ້ມີຜູ້ຕິດເຊື້ອໃໝ່ 89 ຄົນ; ສສ ຫວຽດນາມ: ມີກໍລະນີຕິດເຊື້ອໃນມື້ວານນີ້ 9 ຄົນ; ສປ ຈີນ: ຕິດເຊື້ອໃໝ່ 11 ຄົນ; ກຳປູເຈຍ: ຕິດເຊື້ອສະສົມ 568 ຄົ (ໃໝ່ 35 ຄົນ). ສະພາບການຕິດ ເຊື້ອ ໂຄວິ-19 ໃນທົ່ວໂລກມາຮອດປັດຈຸບັນ ມີການລາຍງານ ຜູ້ຕິດເຊື້ອທັງໝົດ 112.239.390 ຄົນ (ໃໝ່ 302.353 ຄົນ ); ເສຍ​ຊີວິດ 2.484.440 ຄົນ (ໃໝ່ 7.031 ຄົນ); ສະຫະລັດອາເມຣິກາ ແມ່ນປະເທດທີ່ມີການລາຍງານຜູ້ຕິດເຊື້ອ ແລະ ເສຍຊີວິດສູງເປັນອັນ ດັບໜຶ່ງຂອງໂລກໃນມື້ວານນີ້ມີຕິດເຊື້ອ 59.373 ຄົນ ແລະ  ເສຍຊີວິດ 512.448 ຄົນ  ຮອງລົງມາກໍແມ່ນ ອິນເດຍ, ບຣຊິນ, ຣັດເຊຍ ແລະ ອັງກິດ ຕາມລຳດັບ ແລະ ສຳລັບໃນ ກຸ່ມປະເທດອາຊຽນ ກໍຍັງແມ່ນປະເທດ ອິນໂດເນເຊຍ ມີຜູ້ຕິດເຊື້ອເປັນອັນດັບ 1 ຂອງອາຊຽນ ( ແລະ ເປັນອັນດັບ 18 ຂອງໂລກ) , ການເຝົ້າລະວັງ COVID-19 ຢູ່ ສປປ ລາວ ວັນທີ 22 ກຸມພາ ທົ່ວປະເທດມີຜູ້ເດີນທາງເຂົ້າມາ ມີທັງໝົດ 2.294 ຄົນ: ໃນນັ້ນຈຸດຜ່ານດ່ານ ລາວ - ໄທ ທັງໝົດ 1.279 ຄົນ; ຈຸດຜ່ານດ່ານ ລາວ - ຈີນ ທັງໝົດ 19 ຄົນ;​ ຈຸດຜ່ານດ່ານ ລາວ - ຫວຽດນາມ ທັງໝົດ 839 ຄົນ; ຈຸດຜ່ານດ່ານ ສະໜາມບິນສາກົນວັດໄຕ ທັງໝົດ 157 ຄົນ; ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນໄດ້ຜ່ານການວັດແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນໄຂ້ ໄດ້ເກັບຕົວຢ່າງທຸກຄົນມາກວດ ຊອກຫາເຊື້ອໂຄວິດ19 ຊຶ່ງຜົນກວດວິເຄາະໃນມື້ວານນີ້ ວັນທີ 22 ກຸມພາ ແມ່ນໃຫ້ຜົນ (-) ທັງໝົດ, ບໍ່ພົບຜູ້ຕິດເຊື້ອໃໝ່; (ສໍາລັບການກວດວິເຄາະ ​ເລີ່ມແຕ່ ເດືອນມັງກອນ ປີ 2020 ຮອດ​ປັດຈຸບັນ ສປປ ລາວ ເກັບຕົວຢ່າງກວດຊອກຫາເຊື້ອ ໂຄວິດ-19 ທັງໝົດ 111.498 ຕົວຢ່າງ) ນຳສົ່ງໄປຫາສະຖານທີ່ ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14 ວັນ ຈຶ່ງໃຫ້ອອກໄປເຄື່ອນໄຫວປົກກະຕິໄດ້ (ຊຶ່ງ​ປັດ​ຈຸບັນ ທົ່ວປະເທດມີສູນຈໍາກັດບໍລິເວນທີ່ຍັງເປີດ ນຳໃຊ້ຢູ່ທັງໝົດ 27 ສູນ, ມີຜູ້ຖືກຈຳກັດບໍລິເວນຢູ່ສູນ 2.263 ຄົນ) ຕາມສະພາບສະຖານະການປັດຈຸບັນ ເຫັນໄດ້ວ່າ ປະເທດເຮົາ ຍັງມີຜູ້ທີ່ໄດ້ຮັບອະນຸຍາດຈາກຄະນະສະເພາະກິດ ເດີນທາງເຂົ້າມາ ສປປ ລາວ ຈາກປະເທດໃກ້ຄຽງທີ່ກຳລັງມີສະພາບການລະບາດຂອງພະຍາດພາຍໃນປະເທດໃນແຕ່ລະວັນ ຊຶ່ງກໍຖືວ່າ  ຄວາມສ່ຽງທີ່ຈະມີການນຳເຂົ້າພະຍາດໂຄວິດ-19 ເຂົ້າມາໃນປະເທດ; ຕໍ່ກັບສະພາບການດັ່ງກ່າວ ລັດຖະບານ ສປປ ລາວ ກໍຄືຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂຣກສາຍພັນໃໝ່ COVID-19 ຂັ້ນສູນກາງ ແລະ ຂັ້ນແຂວງ ແມ່ນໄດ້ເອົາໃຈໃສ່ ຕິດຕາມເຝົ້າລະວັງສະພາບການຢ່າງໃກ້ຊິດ ແລະ ໄດ້ວາງມາດຕະການເພື່ອສະ ກັດກັ້ນ ແລະ ແກ້ໄຂ ສະພາບການລະບາດຂອງພະຍາດ ໃຫ້ສອດຄ່ອງ ແລະ ເໝາະສົມ ກັບໃນແຕ່ລະໄລຍະ ໂດຍໃນສະພາບປັດຈຸບັນ ກໍແມ່ນ ເອົາໃຈໃສ່ ແລະ ປະຕິບັດມາດຕະການຢ່າງ ເຂັ້ມງວດ ຕໍ່ຜູ້ເດີນທາງຜ່ານຈຸດຜ່ານດ່ານຊາຍແດນ ​ຊຶ່ງແມ່ນຈຸດທຳອິດທີ່ຜູ້ເດີນທາງຈາກຕ່າງປະເທດ ຜ່ານເຂົ້າມາປະເທດເຮົາ, ພ້ອມດຽວກັນ ກໍປະຕິບັດມາດຕະການເຂັ້ມງວດ ແລະ ເຄັ່ງຄັດຢູ່ສະຖານທີ່ຈຳ ກັດບໍລິເວນ ແຕ່ຂັ້ນສູນກາງ ຮອດ ຂັ້ນແຂວງ ທຸກຄົນຕ້ອງໄດ້ຈຳກັດບໍລິເວນ ຄົບຕາມກຳນົດ ຈຶ່ງສາມາດອອກໄປເຄື່ອນໄຫວໃນສັງຄົມຕາມປົກກະຕິ;  ພ້ອມທັງ ຈັດຕັ້ງປະຕິບັດມາດຕະການທີ່ວາງອອກຕາມແຈ້ງການຫ້ອງການສຳນັກງານນາຍົກລັດຖະມົນຕີ, ສະບັບເລກທີ 111/ຫສນຍ, ລົງວັນທີ 1/02/2021; ດັ່ງນັ້ນ, ຈຶ່ງຂໍການຮ່ວມມື ມາຍັງບັນດາປະຊາຊົນ ແລະ ທຸກພາກສ່ວນ ໃນສັງຄົມຈົ່ງໄດ້ເຂົ້າໃຈ ແລະ ມີຄວາມສາມັກຄີເປັນຈິດໜຶ່ງໃຈດຽວ ຮ່ວມແຮງຮ່ວມໃຈກັນ ປະຕິບັດມາດຕະການ ຕາມຄຳແນະນຳ ຂອງຄະນະສະເພາະກິດຢ່າງຖືກຕ້ອງ, ເຂັ້ມງວດ ແລະ ຄົບຖ້ວນ ເພື່ອເຮັດແນວໃດ ຮັບປະກັນໃຫ້ທຸກຄົນທີ່ເດີນທາງເຂົ້າມາ ສປປ ລາວ ຕ້ອງໄດ້ຮັບການເກັບຕົວຢ່າງເພື່ອກວດຊອກຫາເຊື້ອພະຍາດ ໂຄວິ-19 ແລະ ໄດ້ຈໍາກັດບໍລິເວນ ຄົບ 14 ວັນ ຕາມມາດຕະການກຳນົດໄວ້;​ເພື່ອຮັບປະກັນໃນການປະຕິບັດທຸກມາດຕະການທີ່ຄະນະສະເພາະກິດຄວບຄຸມພະ ຍາດໂຄວິດ-19 ວາງອອກໄດ້ ຢ່າງຄົບຖ້ວນ ແລະ ເຂັ້ມງວດ ກໍຈະສາມາດຮັບປະກັນບໍ່ໃຫ້ມີຄວາມສ່ຽງ

 

 

ທີ່ຈະມີການນຳພະຍາດ ໂຄ​ວິ-19 ເຂົ້າມາແຜ່ລະບາດໃນປະເທດເຮົາຮອບໃໝ່ ແລະ ອີກເທື່ອ​ໜຶ່ງ ຂໍໃຫ້ ພໍ່ແມ່, ພີ່ນ້ອງ, ປະຊາຊົນບັນດາເຜົ່າ ຕິດຕາມ ແລະ ຟັງການລາຍງານຂອງຂ້າພະເຈົ້າ ຈົ່ງໄດ້ພ້ອມໃຈກັນຍົກສູງສະຕິຄວາມຮັບຜິດຊອບໃນການຈັດຕັ້ງປະຕິບັດ ມາດຕະການປ້ອງ ກັນການຕິດເຊື້ອໃນສັງຄົມ ຢ່າງເຄັ່ງຄັດ ເປັນຕົ້ນ ແມ່ນການໃສ່ຜ້າອັດ ປາກ-ດັງ ໃນເວລາອອກໄປນອກບ້ານ, ລ້າງມືເລື້ອຍໆ ດ້ວຍນ້ຳສະອາດໃສ່ສະບູ ຫຼື ເຈວລ້າງມື ຫຼື ເຫຼົ້າ 70, ຮັກສາໄລຍະຫ່າງໃນສັງຄົມໃຫ້ຫ່າງກັນຢ່າງໜ້ອຍໄລຍະ 1 ແມັດຂຶ້ນໄປ, ຖ້າບໍ່ຈຳເປັນ ແມ່ນຫຼີກລ້ຽງ ການໄປຢູ່ໃນສະຖານທີ່ມີຄົນແອອັດຫຼາຍ.

ສະພາບຂອງພະຍາດໄຂ້ຍຸງລາຍຢູ່ໃນ ສປປ ລາວ; ໃນວັນທີ 22 ກຸມພາ 2021  ສປປ ລາວ ເຮົາ ແມ່ນບໍ່ມີລາຍງານຜູ້ຕິດເຊື້ອໄຂ້ຍຸງລາຍເພີ່ມ ແລະ ບໍ່ມີຜູ້ເສຍຊີວິດ (ມີລາຍງານຈາກ ນະຄອນຫຼວງ ວຽງຈັນ ແລະ 11 ແຂວງ ) ໂຕເລກໄຂ້ຍຸງລາຍນັບແຕ່ວັນທີ 26/12/2020 ເປັນຕົ້ນມາ ຮອດວັນທີ 22/2/2021 ມີຜູ້ຕິດເຊື້ອກໍລະນີສະສົມທັງໝົດ 118 ຄົນ ແລະ ຍັງບໍ່ມີຜູ້ເສຍຊີວິດ; ນັບແຕ່ຕົ້ນປີ 2021 ກໍເຫັນວ່າມີການລາຍງານກໍລະນີໄຂ້ຍຸງລາຍຈາກບັນດາແຂວງໃນແຕ່ລະວັນ ຈຶ່ງຂໍໃຫ້ ປະຊາຊົນ, ການຈັດຕັ້ງທຸກພາກສ່ວນໃນສັງຄົມຈົ່ງໄດ້ເອົາໃຈໃສ່ ວຽກງານການສ້າງຂະບວນການ ແລະ ເຮັດສຸຂະສຶກສາ ໃຫ້ຄວາມຮູ້ ແລະ ຂໍ້ມູນຂ່າວສານກ່ຽວກັບການຈຳກັດ ແລະ ຄວບຄຸມໜອນນໍ້າຍຸງ ລາຍ ທີ່ເປັນພາຫະນຳເຊື້ອພະຍາດໄຂ້ຍຸງລາຍ ແຕ່ຫົວທີ ເລີ່ມແຕ່ຕົ້ນປີເປັນຕົ້ນໄປ ແລະ ໃຫ້ເຮັດຢ່າງເປັນປົກກະຕິ ແລະ ຕໍ່ເນື່ອງເພື່ອເປັນການສະກັດກັ້ນ ແລະ ຄວບຄຸມບໍ່ໃຫ້ເກີດມີການລະ ບາດຂອງພະຍາດໄຂ້ຍຸງລາຍ (ຮອດ​ປັດຈຸບັນ 6 ແຂວງ ຍັງບໍ່ມີການລາຍງານ ຄື : ຜົ້ງສາລີ, ບໍ່ແກ້ວ, ຫົວພັນ, ຊຽງຂວາງ, ໄຊສົມບູນ ແລະ ຈຳປາສັກ), ຖ້າເຮັດວຽກຄວບຄຸມໜອນນໍ້າໄດ້ດີປະຊາຊົນບັນດາເຜົ່າກໍຈະບໍ່ມີຄວາມສ່ຽງຕໍ່ການຕິດເຊື້ອ ແລະ ເສຍຊີວິດຍ້ອນພະຍາດໄຂ້ຍຸງລາຍໃນປີ 2021.​                       

ຂ່າວ: ບຸນ​ອູ້ມ

 

 

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com