Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຂະແໜງທໍລະນີສາດ ແລະ ບໍ່ແຮ່ ສະຫຼຸບການຈັດຕັ້ງປະຕິບັດວຽກງານປະຈຳປີ 2020

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 24/02/2021 14:47:37 ຈຳ​ນວນ​​ຢ້ຽມ​ຊົມ 437 ຄັ້ງ

 

--------

ກອງປະຊຸມເປີດກວ້າງ ສະຫຼຸບ - ຖອດຖອນບົດຮຽນການຈັດຕັ້ງປະຕິບັດວຽກງານ ປະຈຳປີ 2020 ແລະ ປຶກສາຫາລື ທິດທາງແຜນການໃນຕໍ່ໜ້າ ຂອງຂະແໜງທໍລະນີສາດ ແລະ ບໍ່ແຮ່ ທົ່ວປະ ເທດ ໄດ້ຈັດຂຶ້ນໃນວັນທີ 24 ມັງກອນນີ້ ທີ່ເມືອງວັງວຽງ ແຂວງວຽງຈັນ ໂດຍມີທ່ານ ຈັນສອນ ແສນບຸດຕະລາດ ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ພູວົງ ບຸນຊູ ຮອງເຈົ້າແຂວງໆວຽງຈັນ, ມີຜູ້ຕາງໜ້າຈາກພະແນກພະລັງງານ-ບໍ່ແຮ່ທົ່ວປະເທດ ແລະ ບໍລິສັດຂຸດຄົ້ນແຮ່ທາດເຂົ້າຮ່ວມ.

ທ່ານ ຈັນສອນ ແສນບຸດຕະລາດ ກ່າວວ່າ: ກອງປະຊຸມຄັ້ງນີ້ ໄດ້ຍົກໃຫ້ເຫັນການຈັດຕັ້ງປະ ຕິບັດວຽກງານຂະແໜງທໍລະນີສາດ ແລະ ບໍ່ແຮ່ ໃນໜຶ່ງປີຜ່ານມາ ບັນຫາທີ່ພົ້ນເດັ່ນ, ປະກົດການ ຫຍໍ້ທໍ້ ແລະ ຜົນກະທົບດ້ານລົບຕ່າງໆ ເປັນຕົ້ນການລະເມີດກົດໝາຍ, ການປະຕິບັດສັນຍາ; ການປະຕິບັດພັນທະທາງດ້ານການເງິນ; ການສວຍໂອກາດລັກລອບຂຸດຄົ້ນແຮ່ທາດໃນເຂດສຳປະ ທານ ແລະ ນອກເຂດສຳປະທານ; ການມອບໂອນກິດຈະການຂອງຕົນໃຫ້ຄົນອື່ນ ຫຼື ໃຫ້ຕ່າງປະເທດ ດຳເນີນການ ໂດຍບໍ່ສອດຄ່ອງກັບກົດໝາຍ ແລະ ລະບຽບການ; ການສ້າງຜົນກະທົບຕໍ່ສິ່ງແວດລ້ອມ ແລະ ສັງຄົມ; ການປະຕິບັດມາດຕະການຮັກສາຄວາມປອດໄພ, ສຸຂະພາບ, ສິ່ງແວດລ້ອມ ແລະ ອື່ນໆ ຂອງບັນດາໂຄງການ ຊອກຄົ້ນ, ສໍາຫຼວດ ແລະ ຂຸດຄົ້ນ-ປຸງແຕ່ງ ແຮ່ທາດ ຊຶ່ງມັນໄດ້ຮຽກ ຮ້ອງໃຫ້ພາກລັດ, ພາກເອກະຊົນ, ຜູ້ລົງທຶນ ແລະ ຊຸມຊົນທ້ອງຖິ່ນທີ່ກ່ຽວຂ້ອງຕ້ອງໄດ້ເອົາໃຈໃສ່ແກ້ ໄຂຮ່ວມກັນ.

ກອງປະຊຸມຍັງໄດ້ປະກອບຄໍາເຫັນກ່ຽວກັບວຽກງານຕິດຕາມ, ຄຸ້ມຄອງກິດຈະການຊອກຄົ້ນ, ສໍາຫຼວດ, ຂຸດຄົ້ນ ແລະ ປຸງແຕ່ງແຮ່ທາດຢູ່ທ້ອງຖິ່ນຂອງບັນດາພະແນກພະລັງງານ ແລະ ບໍ່ແຮ່ ປະຈໍາແຂວງ ແລະ ນະຄອນຫຼວງ; ຮັບຟັງການປະກອບຄໍາເຫັນຂອງຜູ້ຕາງໜ້າກະຊວງ, ຂະແໜງ ການກ່ຽວຂ້ອງ ທີ່ຕິດພັນກັບການອອກອະນຸຍາດ, ການຄຸ້ມຄອງ ແລະ ການປະຕິບັດພັນທະທາງດ້ານ ການເງິນ ຂອງກິດຈະການກ່ຽວກັບແຮ່ທາດ; ຮັບຟັງການແລກປ່ຽນຄໍາຄິດຄໍາເຫັນກ່ຽວກັບການປະ ສານງານ ເພື່ອແກ້ໄຂບັນຫາຕ່າງໆ ທີ່ເກີດຂຶ້ນຈາກພາກລັດ, ບັນດາຜູ້ລົງທຶນດ້ານບໍ່ແຮ່/ແຮ່ທາດ ແລະ ຊຸມຊົນທີ່ຖືກຜົນກະທົບ ດ້ວຍການຈັດຕັ້ງເວທີເສວະນາປຶກສາຫາລືຮ່ວມກັນ.

ກອງປະຊຸມຄັ້ງນີ້ ຍັງໄດ້ຄົ້ນຄວ້າກ່ຽວກັບບັນຫາຕ່າງໆ, ຂໍ້ຄົງຄ້າງ, ສິ່ງກີດຂວາງ, ປະກົດການຫຍໍ້ທໍ້ ແລະ ຄວາມທ້າທາຍຕ່າງໆ ໃນການດໍາເນີນວຽກງານ ຂອງຂະແໜງທໍລະນີສາດ ແລະ ບໍ່ແຮ່ ເຊັ່ນ: ການລະເມີດກົດໝາຍ, ການບັງຄັບໃຊ້ກົດໝາຍ, ການສວຍໂອກາດລັກລອບ ການຂຸດຄົ້ນແຮ່ທາດໃນເຂດສຳປະທານ ແລະ ນອກເຂດສຳປະທານ, ການມອບໂອນກິດຈະການ ຂອງຕົນໃຫ້ຄົນອື່ນ ຫຼື ໃຫ້ຕ່າງປະເທດດຳເນີນການ ໂດຍບໍ່ສອດຄ່ອງກັບກົດໝາຍ ແລະ ລະບຽບການ, ການບໍ່ປະຕິບັດພັນທະທາງດ້ານການເງິນ, ການສ້າງຜົນກະທົບຕໍ່ສິ່ງແວດລ້ອມ, ສັງຄົມ ແລະ ທໍາມະຊາດ, ມາດຕະການຮັກສາສຸຂະພາບ ແລະ ຄວາມປອດໄພແຮງງານ, ການປະສານງານລະຫວ່າງຂະແໜງການກ່ຽວຂ້ອງຢູ່ສູນກາງ ແລະ ທ້ອງຖິ່ນ.

ທ່ານ ແກ້ວ ຄຳຜາວົງ ຫົວໜ້າກົມທໍລະນີສາດ ແລະ ບໍ່ແຮ່ ກະຊວງພະລັງງານ ແລະ ບໍ່ແຮ່ ກ່າວວ່າ: ໃນຕົ້ນເດືອນ 1/2020 ບໍລິສັດທີ່ລົງທຶນຊອກຄົ້ນ ແລະ ສໍາຫຼວດແຮ່ທາດ ມີທັງໝົດ 85 ບໍລິສັດ 102 ກິດຈະການ; ມາຮອດທ້າຍເດືອນ 12/2020 ຈໍານວນບໍລິສັດທີ່ລົງທຶນຊອກຄົ້ນ ແລະ ສໍາຫຼວດແຮ່ທາດ ມີທັງໝົດ 94 ບໍລິສັດ 114 ກິດຈະການ ເຫັນວ່າ ຈໍານວນບໍລິສັດທີ່ລົງ ທຶນດ້ານແຮ່ທາດມີທ່າອ່ຽງເພີ່ມຂຶ້ນ, ໃນນັ້ນບໍລິສັດພາຍໃນ 39 ບໍລິສັດ; ບໍລິສັດຈາກ ສປ ຈີນ 34 ບໍລິສັດ; ບໍລິສັດຈາກ ສສ ຫວຽດນາມ 9 ບໍລິສັດ ແລະ ບໍລິສັດຈາກປະເທດອື່ນໆ 12 ບໍລິສັດ.

ໃນປີ 2020 ຈໍານວນບໍລິສັດທີ່ໄດ້ຮັບອະນຸຍາດໃຫ້ເຊັນສັນຍາໃໝ່ວ່າດ້ວຍການຊອກຄົ້ນ ແລະ ສໍາຫຼວດແຮ່ທາດ ມີທັງໝົດ 11 ບໍລິສັດ 11 ກິດຈະການ.

ກະຊວງພະລັງງານ ແລະ ບໍ່ແຮ່ (ຫ້ອງການ) ໄດ້ມີໜັງສືສະເໜີເລກທີ 1468/ຫກ, ລົງວັນທີ 27/5/2019 ເພື່ອໃຫ້ກະຊວງແຜນການ ແລະ ການລົງທຶນ ອອກແຈ້ງເຕືອນບໍລິສັດທີ່ລົງທຶນຊອກຄົ້ນ ແລະ ສໍາຫຼວດແຮ່ທາດ ທີ່ຈັດໃນປະເພດອ່ອນ ທັງໝົດ 31 ບໍລິສັດ ແລະ ສະເໜີໃຫ້ອອກ ແຈ້ງການຍົກເລີກ ຫຼື ສິ້ນສຸດສັນຍາບໍລິສັດຈັດໃນປະເພດບໍ່ເຄື່ອນໄຫວ ມີທັງໝົດ 33 ບໍລິສັດ. ອີງໃສ່ໜັງສືສະເໜີດັ່ງກ່າວມາຮອດທ້າຍປີ 2020 ລັດຖະບານ (ກະຊວງແຜນການ ແລະ ການລົງທຶນ) ໄດ້ອອກໜັງສືແຈ້ງການຍົກເລີກ ຫຼື ສິ້ນສຸດສັນຍາວ່າດ້ວຍການຊອກຄົ້ນ ແລະ ສໍາຫຼວດແຮ່ທາດແລ້ວ 28 ບໍລິສັດ.

ທ່ານ ສຸຂັນສັກ ສີສຸກ ຫົວໜ້າກົມຄຸ້ມຄອງບໍ່ແຮ່ ກະຊວງພະລັງງານ ແລະ ບໍ່ແຮ່ ກ່າວວ່າ: ໃນປີ 2020 ລັດຖະບານໄດ້ອະນຸຍາດໃຫ້ສຳປະທານເນື້ອທີ່ເພື່ອດຳເນີນການຂຸດຄົ້ນ ແລະ ປຸງແຕ່ງແຮ່ທາດທັງໝົດ 82 ບໍລິສັດ, 144 ກິດຈະການ, ໃນນັ້ນບໍລິສັດພາຍໃນ 19 ບໍລິສັດ, 36 ກິດຈະການ, ບໍລິສັດ 63 ບໍລິສັດ 108 ກິດຈະການ, ຍັງຢູ່ໃນຂັ້ນຕອນການກໍ່ສ້າງໂຮງງານປຸງແຕ່ງ 11 ບໍລິສັດ, 25 ກິດຈະການ, ດຳເນີນການຂຸດຄົ້ນ ແລະ ປຸງແຕ່ງ 71 ບໍລິສັດ, 119 ກິດຈະການ, ນອກນັ້ນຍັງຢູ່ໃນຂັ້ນຕອນການສຶກສາຄວາມເປັນໄປໄດ້ 39 ບໍລິສັດ, 56 ກິດຈະການ.

(ຂ່າວ: ຄຳປະສິດ)

 

 

 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com