Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ບໍລິສັດ ລ້ານຊ້າງ ມີເນໂຣນ ລິມິເຕັດ ໄດ້ໃບຍ້ອງຍໍຂັ້ນກະຊວງ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 01/03/2021 13:34:36 ຈຳ​ນວນ​​ຢ້ຽມ​ຊົມ 2166 ຄັ້ງ

ໂອກາດດຳເນີນກອງປະຊຸມຂະແໜງການທໍລະນີສາດ ແລະ ບໍ່ແຮ່ປະຈຳປີ 2020 ທີ່ ເມືອງວັງວຽງ ແຂວງວຽງຈັນ ເມື່ອວັນທີ 24-26 ກຸມພາ ຜ່ານມາ, ກະຊວງພະລັງງານ ແລະ ບໍ່ແຮ່ (ກະຊວງ ພບ) ໄດ້ມອບໃບຍ້ອງຍໍ ໃຫ້ແກ່ ບໍລິສັດ ລ້ານຊ້າງ ມີເນໂຣນ ລິມິເຕັດ (ລຊມລ) ບໍ່ຄຳ-ທອງເຊໂປນ ໃນການປະກອບສ່ວນສຳຄັນໃນການພັດທະນາເສດຖະກິດແຫ່ງຊາດ ໂດຍການເປັນຄູ່ຮ່ວມພັດທະນາທ້ອງຖິ່ນ ແລະ ຊຸມຊົນ ແລະ ໄດ້ຮັກສາມາດຕະຖານ ການປົກປັກຮັກສາສິ່ງແວດລ້ອມຢ່າງເຂັ້ມແຂງ. ໃຫ້ກຽດມອບໃບຍ້ອງຍໍຄັ້ງນີ້ໂດຍ ທ່ານ ຈັນສອນ ແສນບຸດຕະລາດ ຮອງລັດຖະມົນຕີ ກະຊວງ ພບ ແລະ ຜູ້ຮັບແມ່ນ ທ່ານ ຈັນທອນ ເນົາວະລາດ ຮອງອຳນວຍການໃຫຍ່ ລຊມລ.

ກະຊວງພະລັງງານ ແລະ ບໍ່ແຮ່ ໄດ້ຈັດປະເພດບັນດາບໍລິສັດ ອີງຕາມເປົ້າໝາຍ ແລະ ຫຼັກການການພັດທະນາ ຊຶ່ງບໍລິສັດ ລຊມລ ສາມາດຮັກສາຜົນງານປະເພດສູງທີ່ສຸດນີ້ ມາແຕ່ປີ 2016 ເມື່ອລັດຖະບານລາວ ໄດ້ເລີ່ມປະຕິບັດກົນໄກນີ້ ເພື່ອຮັບຮູ້ຜົນງານ ແລະ ມາດຕະຖານຂອງບັນດາບໍລິສັດ. ລຊມລ ເປັນບໍລິສັດໜຶ່ງດຽວເທົ່ານັ້ນ ໃນ ສປປ ລາວ ທີ່ໄດ້ຮັບລຳດັບຊັ້ນ ປະເພດ A+ ອັນຊົງກຽດນີ້ ຊຶ່ງໄດ້ປະຕິບັດຄົບຖ້ວນຕາມ 7 ຫຼັກການທີ່ກຳນົດຄື: ປະຕິບັດລະບຽບກົດໝາຍ; ປະຕິບັດພັນທະຄົບຖ້ວນ, ທັນເວລາ ແລະ ກວດກາໄດ້; ນັບຖືປະເທດ ແລະ ຊຸມຊົນເຈົ້າພາບ; ສົ່ງເສີມແຮງງານພາຍໃນ ແລະ ພັດທະນາທັກສະຢ່າງຕັ້ງໜ້າ; ຮັກສາຄວາມປອດໄພ-ສຸຂະພາບຕາມຫຼັກການທີ່ດີຂອງສາກົນ; ດຳເນີນທຸລະກິດມີປະສິດທິຜົນ, ໂປ່ງໃສ, ບໍ່ມີຜົນກະທົບຮ້າຍແຮງຕໍ່ສັງຄົມ ແລະ ສິ່ງແວດລ້ອມ; ມີແຜນຄຸ້ມຄອງສິ່ງແວດລ້ອມ ແລະ ແຜນປິດບໍ່.

ທ່ານ ສະໝານ ອະເນກາ ອຳນວຍການໃຫຍ່ ລຊມລ ກ່າວວ່າ: ການຍ້ອງຍໍທີ່ໄດ້ຮັບມາຢ່າງຕໍ່ເນື່ອງນີ້ ຈະເປັນສິ່ງຕັກເຕືອນພວກເຮົາໃຫ້ເປັນນັກລົງທຶນທີ່ມີຄວາມຮັບຜິດຊອບ ແລະ ເປັນອົງກອນທີ່ດີເພື່ອ ເປັນແບບຢ່າງບໍລິສັດຂຸດຄົ້ນບໍ່ແຮ່ທີ່ດີເລີດ ແລະ ສ້າງຄວາມຮັ່ງມີໃຫ້ແກ່ສັງຄົມ ທີ່ ລຊມລ ໄດ້ໝາຍໝັ້ນໃນການປະຕິບັດຕາມມາດຕະຖານປະເທດ ແລະ ສາກົນ. ຕັ້ງແຕ່ເລີ່ມດຳເນີນການຂຸດຄົ້ນ-ຜະລິດຄຳ-ທອງ ໃນປີ 2002, ໂຄງການຄຳ-ທອງເຊໂປນ ໄດ້ຜະລິດແທ່ງຄຳຫຼາຍກວ່າ 1,2 ລ້ານອອນ ແລະ ຜະລິດແຜ່ນທອງຫຼາຍກວ່າ 1 ລ້ານໂຕນ; ໄດ້ສ້າງຜົນປະໂຫຍດໂດຍກົງຫຼາຍກວ່າ 1,5 ຕື້ໂດລາ ໃຫ້ແກ່ ສປປ ລາວ ໂດຍຜ່ານການຈ່າຍພາສີ-ອາກອນ, ພາສີຊັບພະຍາກອນແຮ່ທາດ ແລະ ເງິນປັນຜົນ.

ນອກຈາກນັ້ນ, ໂຄງການຄຳ-ທອງເຊໂປນ ຍັງໄດ້ສ້າງຜົນປະໂຫຍດທາງອ້ອມ ດ້ວຍການສ້າງວຽກເຮັດງານທຳ, ຜ່ານການຝຶກອົບຮົມຕ່າງໆ, ການພັດທະນາຊຸມຊົນ ແລະ ລາຍໄດ້ໃຫ້ແກ່ຜູ້ຮັບເໝົາທ້ອງຖິ່ນ ອັນໄດ້ສ້າງຜົນປະໂຫຍດທາງບວກຢ່າງມະຫາສານໃຫ້ແກ່ການພັດທະນາເສດຖະກິດ-ສັງຄົມ. ໃນປີ 2003 ກໍຄື ໄລຍະທີ່ໄດ້ມີການນຳໃຊ້ກຳລັງແຮງງານສູງສຸດ, ໂຄງການຄຳ-ທອງເຊໂປນ ໄດ້ສ້າງວຽກເຮັດງານທຳໄດ້ຫຼາຍກວ່າ 5.000 ຄົນ ແລະ ໄດ້ລົງທຶນຫຼາຍຮ້ອຍລ້ານໂດລາ ເຂົ້າໃສ່ການພັດທະນາ ແລະ ການຝຶກອົບຮົມພະນັກງານ. ໃນຊຸມຊົນເມືອງວິລະບູລີ ໄດ້ມີປະຊາຊົນກວ່າ 40.000 ຄົນ ໄດ້ຮັບຜົນປະໂຫຍດຈາກ ໂຄງການພັດທະນາຊຸມຊົນ ຂອງໂຄງການຄຳ-ທອງເຊໂປນ ລວມມູນຄ່າ 13 ລ້ານໂດລາ ແລະ ລາຍໄດ້ຂອງກຸ່ມທຸລະກິດທ້ອງຖິ່ນກໍໄດ້ທະວີຄູນຂຶ້ນເປັນ 33 ລ້ານໂດລາ. ບໍລິສັດ ລຊມລ ໄດ້ໂຈະ ການຜະລິດຄຳໃນເດືອນ ທັນວາ 2013 ຍ້ອນ ສິນແຮ່ຄຳທີ່ຫຼຸດລົງ ແລະ ລາຄາຕົກຕ່ຳລົງ. ການກັບຄືນມາຜະລິດຄຳ ຈະຮັບປະກັນ ໃຫ້ຜົນປະໂຫຍດເຫຼົ່ານີ້ ສືບຕໍ່ເສີມຂະຫຍາຍຂຶ້ນໄປເລື້ອຍໆ ຊຶ່ງສະເພາະໃນປີ 2020 ຜ່ານມາ ໂຄງການຄຳ-ທອງເຊໂປນ ໄດ້ຜະລິດຄຳຫຼາຍກວ່າ 2 ໂຕນ.

(ຂ່າວ: ຈາກລ້ານຊ້າງມີເນໂຣນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com