Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫວຽດນາມ ຖືຄວາມອື່ມໜຳສຳລານຂອງປະຊາຊົນເປັນເປົ້າໝາຍສູ້ຊົນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ​ ເວ​ລາ: 02/03/2021 08:53:20 ຈຳ​ນວນ​​ຢ້ຽມ​ຊົມ 637 ຄັ້ງ

ໂດຍ:ສີວັນ

ມະຕິກອງປະຊຸມໃຫຍ່ ຄັ້ງທີ XIII ຂອງພັກກອມມູນິດ ຫວຽດນາມ ດ້ວຍຫຼາຍເນື້ອໃນສຳຄັນ, ກຳນົດທິດພັດທະນາປະເທດຊາດ ພວມເລີມຕົ້ນຜັນຂະຫຍາຍຢ່າງກວ້າງຂວາງໃນທົ່ວພັກ, ທົ່ວປວງຊົນ. ໃນມະຕິ, ພັກກອມມູນິດຫວຽດນາມ ສືບຕໍ່ເຊື່ອມຊຶມເລິກເຊິ່ງທຸກແຜນນະໂຍບາຍ. ນະໂຍບາຍ ແມ່ນເລີ່ມມາຈາກຄວາມມຸ່ງມາດປາຖະໜາສິດ ແລະ ຜົນປະໂຫຍດອັນຊອບທຳຂອງປະຊາຊົນຢ່າງແທ້ຈິງ, ຖືຄວາມອີ່ມໜຳສຳລານ, ຄວາມສົມບູນພູນສຸກຂອງປະຊາຊົນເປັນເປົ້າໝາຍເພື່ອສູ້ຊົນ.

ໃນວາລະອັດກອງປະຊຸມໃຫຍ່ຄັ້ງທີ XIII ຂອງພັກ ພ້ອມກັບຜົນສຳເລັດຂອງກອງປະຊຸມໃຫຍ່, ທ່ານ ຫງວຽນຝູຈ້ອງ ເລຂາທິການໃຫຍ່ ປະທານປະເທດຫວຽດນາມ ໄດ້ຢືນຢັນ ຄວາມຕັດສິນໃຈອັນໃຫຍ່ຫຼວງໃນການກະທຳຕົວຈິງ ເພື່ອນຳມະຕິກອງປະຊຸມເຂົ້າມາປະຕິບັດໃນຊີວິດປະຈໍາວັນ. ການນໍາເອົາມະຕິກອງປະຊຸມໃຫຍ່ເຂົ້າມາປະຕິບັດໃນຊີວິດ, ຫັນຄວາມຕັດສິນໃຈສໍາຄັນຂອງກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງຢ່າງມີຊີວິດຊີວາ.

ການນຳເອົາຄວາມຮັ່ງມີ, ຄວາມຜາສຸກມາໃຫ້ປະຊາຊົນ ໃນບົດລາຍງານການເມືອງ ຊຶ່ງ ທ່ານ ຫງວຽນຝູຈ້ອງ ຢືນຢັນໃນວາລະອັດກອງປະຊຸມໃຫຍ່ຄັ້ງທີ XIII ຂອງພັກ. ນີ້ກໍ່ແມ່ນເປົ້າໝາຍຫຼັກ ທີ່ພັກກອມມູນິດຫວຽດນາມ ສູ້ຊົນປະຕິບັດໃນຕະຫຼອດ 91 ປີ ຜ່ານມາ. ຜົນສຳເລັດຂອງການປະຕິວັດຫວຽດນາມ ຜ່ານບັນດາໄລຍະປະຫວັດສາດ ພິເສດແມ່ນພຶດຕິກຳຕົວຈິງ 35 ປີແຫ່ງການປ່ຽນແປງໃໝ່ ເປັນການພິສູດໃຫ້ເຫັນວ່າ: ພັກ ໄດ້ເສີມຂະຫຍາຍແຫຼ່ງກໍາລັງປະຊາຊົນໃນການປົກປັກຮັກສາ, ສ້າງສາ ແລະ ພັດທະນາປະເທດຊາດ, ນຳມາຊຶ່ງຄວາມອີ່ມໜຳສຳລານຄວາມສົມບູນພູນສຸກມາໃຫ້ປະຊາຊົນ. ສະນັ້ນ, ກອງປະຊຸມໃຫຍ່ຄັ້ງທີ XIII ຂອງພັກ ສືບຕໍ່ເຊື່ອມຊຶມທັດສະນະທີ່ວ່າ; “ຖືປະຊາຊົນເປັນກົກ” ເພື່ອສຸມໃສ່ເບິ່ງແຍງຊີວິດການເປັນຢູ່, ຜົນປະໂຫຍດຂອງປະຊາຊົນຢ່າງຄົບຖ້ວນ. ທັງໝົດເຫຼົ່ານີ້ ໄດ້ຮັບຄວາມເຫັນດີເຫັນພ້ອມຈາກປະຊາຊົນ.

ໃນມະຕິກອງປະຊຸມໃຫຍ່ຄັ້ງທີີ XIII ຂອງພັກ, ໄດ້ເພີ່ມເຕີມ 2 ບັນຫາໃຫຍ່ຄື: “ປະຊາຊົນຕິດຕາມ ແລະ ປະຊາຊົນຊົມໃຊ້” ກາຍເປັນທິດນຳສົມບູນ. ທ່ານ ຟຸ່ງຫຶວຟູ ຮອງປະທານສະພາທິດສະດີສູນກາງ ຢືນຢັນວ່າ: “ປະຊາຊົນຊົມໃຊ້” ແມ່ນສັດຈະວິພາກ. ເພາະເມື່ອເຂົ້າຮ່ວມເສດຖະກິດການຕະຫຼາດ ກຳລັງໜູນສຳຄັນແມ່ນຜົນປະໂຫຍດ. ຄວາມກົມກຽວດ້ານຜົນປະໂຫຍດແມ່ນສຳຄັນ, ເຮັດວຽກຕ້ອງໄດ້ຊົມໃຊ້, ເຮັດຫຼາຍໄດ້ຊົມໃຊ້ຫຼາຍ. ປະຊາຊົນ ແມ່ນຜູ້ນຳມາດ້ານວັດຖຸ, ປະຊາຊົນ ຕ້ອງແມ່ນຜູ້ໄດ້ຊົມໃຊ້ບັນດາຜົນງານເຫຼົ່ານັ້ນ. ນີ້ແມ່ນທາດແທ້ຂອງລະບອບສັງຄົມນິຍົມ ແລະ ແມ່ນກຳລັງໜູນເພື່ອຊຸກຍູ້ການພັດທະນາສັງຄົມ.

ການຊົມໃຊ້ ແມ່ນກຳລັງໜູນອັນຍິ່ງໃຫຍ່ສ້າງເປັນກຳລັງແຮງຂອງປະຊາຊົນ ໃນການຫັນຄວາມຄາດຫວັງຂອງພັກ, ຂອງປະຊາຊົນ ກ່ຽວກັບການພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ສັນຕິສຸກໃຫ້ປະກົດຜົນເປັນຈິງ. ການປະຕິບັດສິດຊົມໃຊ້ຂອງປະຊາຊົນ ຈະກາຍເປັນກຳລັງໜູນ ແລະ ເປົ້າໝາຍສຸດທ້າຍຂອງລັດທິສັງຄົມນິຍົມ, ທຸກສິ່ງທຸກຢ່າງ ກໍ່ແມ່ນເພື່ອຄວາມຜາສຸກຂອງປະຊາຊົນ. ເພື່ອໃຫ້ປະຊາຊົນໄດ້ຊົມໃຊ້ຢ່າງແທ້ຈິງ ຕ້ອງມີຄວາມຮັບຮູ້ຈາກຂັ້ນເທິງລົງຂັ້ນລຸ່ມ ເປັນຕົ້ນແມ່ນຂັ້ນຮາກຖານ. ການນຳແຂວງ, ເມືອງ, ຕາແສງ ຕ້ອງເຊື່ອມຊຶມ ກ່ຽວກັບວຽກງານຖືຄວາມອີ່ມໜຳສຳລານ, ຄວາມສົມບູນພູນສຸກຂອງປະຊາຊົນ ເປັນເປົ້າໝາຍເພື່ອສູ້ຊົນ.

ພາຍຫຼັງກອງປະຊຸມໃຫຍ່ແຕ່ລະຄັ້ງ, ບົດຮຽນອັນເລິກເຊິ່ງ ທີ່ອົງຄະນະພັກ ແລະ ປະຊາຊົນ ແຕ່ລະຂັ້ນ ນັບແຕ່ສູນກາງລົງຮອດທ້ອງຖິ່ນຖອດຖອນມາໄດ້ນັ້ນ ແມ່ນຕ້ອງສ້າງ, ປະກາດໃຊ້ໂຄງການ, ແຜນການລະອຽດ ເພື່ອນຳເອົາມະຕິກອງປະຊຸມໃຫຍ່ເຂົ້າປະຕິບັດໃນຕົວຈິງ. ທ່ານ ຮ່ວາງຈຸງຢູງ ເລຂາພັກແຂວງ ຮ່າຕິ້ງ ໃຫ້ຮູ້ວ່າ: ດ້ວຍບັນດາເນື້ອໃນທີ່ກອງປະຊຸມໃຫຍ່ວາງອອກ ພວກຂ້າພະເຈົ້ານຳເອົາບັນຍາກາດປະຊາທິປະໄຕ, ຄວາມປິຕິຊົມຊື່ນຂອງກອງປະຊຸມໃຫຍ່ ມາຜັນຂະຫຍາຍຢູ່ທ້ອງຖິ່ນຕົນ. ບັນດາເນື້ອໃນກອງປະຊຸມໃຫຍ່ວາງອອກ ຈະຜັນຂະຫຍາຍຢ່າງເໝາະສົມຢູ່ແຕ່ລະຂົງເຂດ, ບໍລິເວນ ເພື່ອຕອບສະໜອງຄວາມຮຽກຮ້ອງຕ້ອງການ, ຄວາມມຸ່ງມາດປາຖະໜາຂອງປະຊາຊົນ. ນຳປະເທດຫວຽດນາມ ສືບຕໍ່ມີບາດກ້າວພັດທະນາ, ເຮັດແນວໃດເພື່ອຍົກສູງຊີວິດການເປັນຢູ່ດ້ານວັດຖຸ ແລະ ຈິດໃຈຂອງປະຊາຊົນໃຫ້ດີຂຶ້ນເທື່ອລະກ້າວ. ແນວຄິດຈິດໃຈຂອງປະຊາຊົນ ແມ່ນການວັດແທກຄຸນຄ່າຂອງພັກກອມມູນິດຫວຽດນາມ. ນັ້ນກໍ່ແມ່ນກົກເຄົ້າສ້າງເປັນພະລັງຊີວິດ, ຄວາມຍືນຍົງຄົງຕົວຕະຫຼອດການຂອງພັກກອມມູນິດຫວຽດນາມ ຊຶ່ງແມ່ນກົກເຄົ້າເພື່ອໃຫ້ພັກ ແລະ ປະຊາຊົນ ຕັດສິນໃຈຫັນຄວາມຄາດຫວັງສ້າງສາປະເທດຫວຽດນາມ ໃຫ້ມີຄວາມໝັ້ນຄົງ, ເຂັ້ມແຂງ ແລະ ວັດທະນາຖາວອນ ປະກົດຜົນເປັນຈິງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com