ຫົວ​ຂໍ້ : ບ້ານໄຊສີ ສຳເລັດການປັກດຳເຂົ້ານາແຊງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 15/01/2020 09:40:56 ຈຳ​ນວນ​ຜູ້​ເຂົ້າ​ຢ້ຽມ​ຊົມ 4214 ຄັ້ງ

ມາ​ຮອດ​ປັດຈຸບັນ​ການ​ປັກ​ດໍາ​ເຂົ້ານາແຊງ​ຂອງ​ປະຊາຊົນ​ບ້ານ​ໄຊ​ສີ ເມືອງ​ໄຊ​ເສດ​ຖາ ແຂວງ​ອັດ​ຕະ​ປື ແມ່ນ​ສໍາ​ເລັດ​ແລ້ວ 100% ສ່ວນ​ການ​ປູກ​ພືດ​ລະດູແລ້ງ​ອື່ນໆ​ກໍ​ໄດ້​ຮັບ​ການຈັດຕັ້ງ​ປະຕິບັດ​ຢ່າງ​ມີ​ຜົນ​ສໍາ​ເລັດ​ໄດ້​ຕາມ​ແຜນການ​ທີ່​ວາງ​ໄວ້, ທ່ານ ສຸ​ພີ ໄຊ​ຍະ​ແສງ ຮອງ​ນາຍບ້ານ​ໄຊ​ສີ ທັງ​ເປັນ​ຫົວໜ້າ​ກຸ່ມ​ຜະລິດ​ຂອງ​ບ້ານ ໄດ້​ໃຫ້​ສໍາ​ພາດ​ວ່າ: ປັດຈຸບັນ​ການ​ປູກ​ພືດ​ລະດູແລ້ງ​ຂອງ​ພໍ່​ແມ່​ປະຊາຊົນ​ຢູ່​ບ້ານ​ໄຊ​ສີ​ແມ່ນ​ດໍາ​ເນີນ​ໄປ​ຢ່າງ​ເປັນ​ຂະບວນ​ກວ້າງຂວາງ ແລະ​ ຟົດຟື້ນ ໂດຍ​ສະເພາະ​ການ​ຜະລິດ​ເຂົ້ານາແຊງ​ແມ່ນ​ສໍາ​ເລັດ​ການ​ປັກ​ດໍາ​ໄປ​ແລ້ວ 100% ສ່ວນ​ພືດ​ລະດູແລ້ງ​ອື່ນໆ ກໍມີ​ຄວາມ​ຄືບ​ໜ້າ ແລະ​ສຳ​ເລັດ​ຕາມລຳ​ດັບ ທັງ​ນີ້​ ກໍຍ້ອນ​ຄວາມ​ເອົາໃຈໃສ່ຂອງອຳນາດ​ການ ປົກຄອງ​ເມືອງ ແລະ ບ້ານໃນ​ການ​ຊຸກຍູ້​ສົ່ງເສີມ​ໃຫ້​ປະຊາຊົນ​ເຮັດ​ການ​ຜະລິດ ເພື່ອ​ສ້າງ​ລາຍ​ຮັບ​ເຂົ້າ​ຄອບ​ຄົວ.
ທ່ານ ສຸ​ພີ ໄຊ​ຍະ​ແສງ ໄດ້​ກ່າວ​ຕື່ມ​ວ່າ: ບ້ານ​ໄຊ​ສີມີ​ ເນື້ອທີ່​ນາແຊງ​ທັງ​ໝົດ 62 ​ກວ່າເຮັກຕາ, ໃນ​ນັ້ນ​ເນື້ອທີ່​ນາ​ຢອດ​ມີ 48 ​ກວ່າເຮັກຕາ, ເນື້ອທີ່​ນາ​ດຳ 13 ກວ່າເຮັກຕາ, ແນວພັນ​ທີ່​ໃຊ້​ແມ່ນ​ພັນ​ເຂົ້າ​ປັບປຸງຄາດ​ວ່າ​ສະມັດ​ຖະ​ພາບ​ຜົນຜະລິດ​ຈະ​ບັນລຸ 3-4 ໂຕນ​ຕໍ່​ເຮັກຕາ, ນອກຈາກ​ປູກ​ເຂົ້າ ນາແຊງ​ແລ້ວ​ທາງ​ອໍາ​ນາດ​ການ​ປົກຄອງ​ເມືອງ ແລະ ບ້ານຍັງ​ ໄດ້​ຊຸກຍູ້​ປະຊາຊົນ​ປູກ​ພືດລະ ດູແລ້ງ​ອື່ນໆ​ອີກ​ເປັນຕົ້ນໝາກ ແຕງ, ໝາກໂມ, ໝາກຖົ່ວຝັກ ​ຍາວ, ຜັກ​ກາດ, ຜັກ​ສະຫຼັດ, ຜັກຫອມ​ປະເພດ​ອື່ນໆ ຊຶ່ງໄດ້​ ປູກ​ໃນ​ເຂດ​ໂຄງການ​ຊົນ ລະປະ ທານ​ມີ 47 ຄອບຄົວ ມີ​ເນື້ອທີ່ 3 ​ເຮັກຕາກວ່າ, ປູກ​ພືດ​ນອກ​ໂຄງການ​ຊົນລະປະທານ​ມີ 180 ຄອບຄົວ, ມີ​ເນື້ອທີ່ 4 ​ເຮັກຕາ      ກ່​ວາ, ປັດຈຸບັນ​ບາງ​ຄອບຄົວ​ກໍ​ໄດ້​ຂຸ້ນຂ້ຽວ​ປູກ ແລະ ເກັບ​ກ່ຽວ​ຜົນ​ຜະລິດ​ສົ່ງ​ຂາຍ​ເປັນ​ປະ​ຈໍາ​ວັນ​ໃນ​ທ້ອງ​ຕະຫຼາດ​ພາຍ​ໃນ​ແຂວງ ແລະ ເມືອງ ເພື່ອ​ສ້າງ​ລາຍ​ຮັບ​ເສີມ​ເຂົ້າ​ຄອບຄົວ​ຕື່ມ​ອີກ.   
  (ຂ່າວ: ໄຊ​ຈະເລີນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110