Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ລ້ຽງສັດໃຫຍ່ສ້າງລາຍຮັບ ໃຫ້ຄອບຄົວພົ້ນທຸກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/01/2020 10:30:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 589 ຄັ້ງ

ການ​ລ້ຽງສັດ​ເປັນ​ກິດຈະ ກຳ​ໜຶ່ງ​ທີ່​ຄວບ​ຄູ່​ກັບ​ການ​ປູກຝັງ​ຂອງ​ຊາວ​ກະສິກອນ ແລະ ໄດ້​ກາຍເປັນ​ແຫຼ່ງ​ລາຍ​ຮັບ​ເຂົ້າ​ຄອບຄົວ ສາມາດ​ເຮັດ​ໃຫ້​ຄອບຄົວ​ຂອງ​ທ່ານ ນາງ ໂຍ​ທອງ ແພງ​ສຸ​ລິດ ບ້ານ​ໂສດ ເມືອງ​ແອດ ແຂວງ​ຫົວພັນ ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ.
ທ່ານ ນາງ ໂຍ​ທອງ ແພງ​ສຸ​ລິດ ໄດ້​ຮັບ​ກຽດ​ຕາງໜ້າ​ຄອບຄົວ​ຕົວ​ແບບ​ໃນ​ການ​ລ້ຽງສັດ​ໃຫຍ່​ລາຍ​ງານ​ຕໍ່​ກອງ​ປະຊຸມ​ໃຫຍ່​ ຄັ້ງ​ທີ V ຂອງ​ອົງຄະ​ນະ​ພັກ​ເມືອງ​ແອດ ໃນ​ທ້າຍ​ເດືອນ​ທັນວາ 2019 ຜ່ານ​ມາ​ໃຫ້​ຮູ້​ວ່າ: ຄອບຄົວ​ຂອງ​ຕົນ​ມີ​ສະມາຊິກ​ທັງ​ໝົດ 5 ຄົນ, ໃນ​ນັ້ນ​ມີແຮງ​ງານ​ຕົ້ນຕໍ 2 ຄົນ  ໂດຍ​ໄດ້​ຢຶດ​ຖື​ອາຊີບ​ເຮັດ​ໄຮ່​-​ເຮັດ​ນາ ແລະ ລ້ຽງສັດ​ໃຫຍ່​ປະເພດ​ຄວາຍ​ຈຳນວນ​ໜຶ່ງ​ ເພື່ອ​ໄວ້​ໃຊ້​ແຮງ​ງານ​ແກ່​ໄຖ ແລະ ຂາຍ​ແລກປ່ຽນ​ສິນ​ຄ້າ ໃນ​ໄລຍະ​ຜ່ານ​ມາ​ຂັ້ນ​ຕອນ​ການ​ລ້ຽງ​ແມ່ນ​ແບບ​ປະຖົມ​ປະ​ຖານ, ປ່ອຍປະ​ຕາມ​ທຳ​ມະ​ຊາດ,  ບໍ່​ໄດ້​ຮັບ​ການ​ສັກ​ຢາ​ກັນ​ພະຍາດ​  ຈຶ່ງ​ເຮັດ​ໃຫ້​ສັດ​ລົ້ມ​ຕາຍ​ ຍ້ອນ​ພະຍາດ​ລະບາດ​ຕະຫຼອດ​ມາ.
ຕົກ​ມາ​ຮອດ​ປີ 2010 ຄອບ ຄົວ​ຂອງ​ຕົນ​ເອງ​ໄດ້​ຕັດສິນ​ໃຈ​ຊື້​ງົວ​ຈຳນວນ 5 ແມ່ ແລະ ລູກນ້ອຍ 1 ໂຕ ມາ​ລ້ຽງ​ຕາມ​ທຳ​ມະ​ຊາດ ພ້ອມ​ທັງ​ທົດ​ລອງ​ໃຊ້​ຢາ​ກັນ​ພະຍາດ ແຕ່​ເຫັນ​ວ່າ​ຍັງ​ມີ​ສັດ​ຕາຍ​  ຍ້ອນ​ຂາດ​ປະສົບ​ການ​ໃນ​ການ​ນຳ​ໃຊ້​ຢາ ພຽງ​ແຕ່​ອາໄສ​ຖອດ​ຖອນ​ບົດຮຽນ​ນຳ​ຜູ້​ທີ່​ມີ​ປະສົບ​ການ​ແລ້ວ​ຊື້​ມາ​ສັກ​ເອງ. ພຽງ​ເທົ່າ​ນັ້ນ, ຮອດ​ປີ 2012 ເຫັນ​ວ່າ​ສັດລ້ຽງ​ມີ​ການ​ແ​ຜ່​ຂະຫຍາຍ​ຈຳນວນ 11 ໂຕ ລວມ​ທັງ​ຕົ້ນ​ທຶນ​ລວມ​ເປັນ​ງົວ 17 ໂຕ, ຄວາຍ 10 ໂຕ ແລະ ໄດ້​ຂາຍ​ອອກ​ປີ​ລະ 2 ໂຕ ເຮັດ​ໃຫ້​ມີ​ລາຍ​ຮັບ​ປະມານ 5 ລ້ານ​ກີບ​ຕໍ່​ປີ, ເຮັດ​ໃຫ້​ຄອບຄົວ​ຄ່ອຍໆ​ມີ​ຊີວິດ​ທີ່​ດີ​ຂຶ້ນ​ໃນ​ລະດັບ​ໜຶ່ງ.
ຮອດ​ປີ 2013 ໄດ້​ມີ​ກອງ​ທຶນ​ສິນ​ເຊື່ອ​ຂອງ​ໂຄງການ​ປັບປຸງ​ຊີວິດ​ການ​ເປັນ​ຢູ່​ຂອງ​ຊາວ​ກະສິກອນ​ເຂດ​ພາກ  ເໜືອ ສປປ ລາວ ໂດຍ​ແມ່ນ​ສະຫະພັນ​ແມ່ຍິງ​ເປັນ​ຜູ້​ຈັດ​ຕັ້ງ​ປະຕິບັດ ທາງ​ໂຄງການ​ໄດ້​ສະໜອງ​ແກ່ນ​ຫຍ້າ​ເພື່ອ​ມາ​ປູກ​ໃຫ້​ສັດ​ກິນ ແລະ ຄອບຄົວ​ກໍ​ໄດ້​ກູ້​ຢືມ​ເງິນ​ຈຳນວນ​ໜຶ່ງ ເພື່ອ​ຊື້​ແນວ​ພັນ​ສັດ​ຈຳນວນ 2 ໂຕ​ປ່ຽນ​ແທນ​ແນວ​ພັນ​ເກົ່າ​ທີ່​ມີ​ອາຍຸ​ແກ່.
ໃນ​ປີ  2015 ໄດ້​ມີ​ໂຄງການ​ລ້ຽງສັດ​ເພື່ອ​ເປັນ​ສິນຄ້າ​ໃນ​ເຂດ​ພາກ​ເໜືອ​ຂອງ ສປປ ລາວ ເຂົ້າ​ມາ​ຈັດ​ຕັ້ງ​ກຸ່ມ​ລ້ຽງສັດ​ໃຫຍ່​ຢູ່​ບ້ານ​ຂອງ​ຕົນ ຈຶ່ງ​ໄດ້​ອາສາ​ສະໝັກ​ເຂົ້າ​ເປັນ​ສະມາຊິກ​ກຸ່ມ ແລະ ໄດ້​ຮັບ​ການ​ຝຶກອົບຮົມ​ທາງ​ດ້ານ​ເຕັກນິກ​ໃນ​ການ​ລ້ຽງ, ພ້ອມ​ທັງ​ໄດ້​ຮັບ​ການ​ສະໜອງ​ແນວ​ພັນ​ຫຍ້າ​ປູກ​ເພື່ອ​ລ້ຽງສັດ​ໃຫຍ່​ໃນ​ເບື້ອງ​ຕົ້ນ​ໄດ້​ບຸກເບີກ​ເນື້ອທີ່​ດິນ​ປູກ​ຫຍ້າ​ຈຳນວນ 0,5 ເຮັກຕາ, ຄຽງ​ຄູ່​ກັບ​ການ​ລົງ​ຕິດຕາມ, ແນະນຳ​ວິທີ​ລ້ຽງ​ເດືອນ​ລະ​ເທື່ອ​ຈາກ​ວິຊາ​ການ​ໂຄງການ ເຮັດ​ໃຫ້​ຈຳນວນ​ສັດ​ຕາຍ​ຫຼຸດ​ລົງ ແລະ ມີ​ສັດ​ເພີ່ມ​ຂຶ້ນ ພ້ອມ​ຂາຍ​ອອກ​ປະເພດ​ງົວ​ປີ​ລະ 2 ໂຕ, ຄວາຍ 2 ໂຕ ມີ​ກຳໄລ 13 ລ້ານ​ກີບ/ປີ.
ໃນ​ປີ 2018-2019 ໂດຍ​ ໄດ້​ຮັບ​ໂອກາດ​ເຂົ້າ​ຮ່ວມ​ຝຶກ ອົບຮົມ​ເຕັກນິກ​ການ​ລ້ຽງ​ງົວ​ທອມ​ນຳ​ໂຄງການ ຈຶ່ງ​ໄດ້​ຂະຫຍາຍ​ເນື້ອທີ່​ປູກ​ຫຍ້າ​ເພີ່ມ​ຕື່ມ​ເປັນ 1,5 ເຮັກ​ຕາ ຊຶ່ງ​ເລີ່ມ​ຈາກ​ຊື້​ງົວ​ຈາກ​ບ່ອນ​ອື່ນ​ມາ​ທອມ​ຄັ້ງ​ລະ 2 ໂຕ ໂດຍ​ປະຕິບັດ​ຕາມ​ຂັ້ນ​ຕອນ​ຢ່າງ​ເຄັ່ງ​ຄັດ​ເປັນຕົ້ນ​ແມ່ນ ກ່ອນ​ເອົາ​ງົວ​ເຂົ້າ​ຄອກ​ຂັງ​ຕ້ອງ​ໄດ້​ຮັບ​ການ​ສັກ​ຢາ​ກັນ​ພະຍາດ ແລະ ສັກ​ຢາ​ຂ້າ​ແມ່​ທ້ອງ​​ກ່ອນ ຈາກ​ນັ້ນ, ​ຈຶ່ງ​ເຂົ້າ​ສູ່​ການ​ລ້ຽງ​ໂດຍ​ຕັດ​ຫຍ້າ​ໃຫ້​ກິນ​ມື້​ລະ 2 ຄັ້ງ, ເອົາ​ເຂົ້າໜຶ້ງ​ໃຫ້​ກິນ​ເປັນ​ອາຫານ​ເສີມ​ປະມານ 200 ກຣາມ/ມື້; ບົດ​ຮຳ​ ຫຼື​ ສາລີ​ປະສົມ​ຕົ້ນກ້ວຍ​ທີ່​ຖອນ​ແລ້ວ, ​ຟັກ​ມັນຕົ້ນ​ປະສົມ​ເກືອ​ໃຫ້​ກິນ​ມື້​ລະ 1 ກິ​ໂລ ຜ່ານ​ການ​ລ້ຽງ, ໃຊ້​ເວລາ​ພຽງ 3 ເດືອນ​ສາມາດ​ຂາຍ​ອອກ​ໄດ້​ກຳໄລ 3 ລ້ານ​ກີບ​ຕໍ່​ຄັ້ງ ຮູບ​ການຈຳໜ່າຍ​ແມ່ນ​ສະໜອງ​ໃຫ້​ຕະຫຼາດ​ພາຍ​ໃນ​ເມືອງ.
ທ່ານ ນາງ ໂຍ​ທອງ ແພງ​ສຸ​ລິດ ກ່າວ​ຕື່ມ​ອີກ​ວ່າ: ການ​ລ້ຽງ​ງົວ​ທອມ​ຂອງ​ຕົນ​ເອງ​ຖື​ວ່າ​ປະສົບ​ຜົນສຳເລັດ​ຍ້ອນ​ອຳນາດ​ການ​ປົກຄອງ​ບ້ານ​ໄດ້​ແບ່ງ​ເຂດ​ລ້ຽງສັດ​ອອກ​ຈາກ​ເຂດ​ເຮັດ​ການ​ຜະລິດ ເຮັດ​ໃຫ້​ມີ​ຄວາມ​ສະດວກ​ຫຼາຍ​ຂຶ້ນ; ມີ​ສວນ​ຫຍ້າ​ພຽງພໍ​ກັບ​ຈຳນວນ​ສັດ ແລະ ມີ​ຕົ້ນ​ທຶນ​ໃນ​ການ​ລ້ຽງ; ໄດ້​ຮັບ​ການ​ແນະນຳ​ຈາກ​ວິຊາ​ການ ແລະ ສັດ​ໄດ້​ຮັບ​ການ​ສັກ​ຢາ​ກັນ​ພະຍາດ​ຢ່າງ​ເປັນ​ປົກ​ກະ​ຕິ. ຄຽງ​ຄູ່​ກັນ​ນັ້ນ, ກໍມີ​ບາງ​ບັນຫາ​ທີ່​ຍັງ​ທ້າ​ທາຍ​ເປັນຕົ້ນ​ແມ່ນ ສວນ​ຫຍ້າ​ຢູ່​ໄກ​ບ້ານ​ເຮັດ​ໃຫ້​ໃຊ້​ເວລາ​ດົນ​ໃນ​ການ​ໄປ​ຕັດ​ຫຍ້າ​ມາ​ໃຫ້​ສັດ​ກິນ​ແຕ່​ລະ​ຄັ້ງ ແລະ ການ​ລະບາດ​ຂອງ​ພະຍາດ​ມີ​ຫຼາຍ​ຊະນິດ​ເຮັດ​ໃຫ້​ພົບ​ຄວາມ​ຫຍຸ້ງຍາກ​ໃນ​ການ​ປ້ອງ​ກັນ.
ດ້ວຍ​ເຫດຜົນ​ຕ່າງໆ​ທີ່​ກ່າວ​ມາ​ຂ້າງ​ເທິງ, ມາ​ຮອດປັດ ຈຸບັນ​ຄອບຄົວ​ຂອງ​ທ່ານ ນາງ ໂຍ​ທອງ ແພງ​ສຸ​ລິດ ມີ​ສັດລ້ຽງ​ປະເພດ​ງົວ 16 ໂຕ, ຄວາຍ 6 ໂຕ ແລະ ໃນ​ປີຜ່ານມາ​ສາມາດ​ຂາຍ​ງົວ​ທອມ​ໄດ້ 6 ໂຕ, ງົວ​ລ້ຽງ​ທຳ​ມະ​ຊາດ 3 ໂຕ ແລະ ຄວາຍ 3 ໂຕ ລວມ​ເປັນ​ເງິນ​ທັງ​ໝົດ 36 ລ້ານ​ກີບ, ສະເລ່ຍ​ລາຍ​ຮັບ​ສະເພາະ​ລ້ຽງສັດ​ໄດ້ 7 ລ້ານ​ກວ່າ​ກີບ​ຕໍ່​ຄົນ​ຕໍ່​ປີ ເຮັດ​ໃຫ້​ຄອບຄົວ​ຂອງ​ຕົນ​ສາມາດ​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ ພ້ອມ​ທັງ​ມີ​ເງິນ​ສົ່ງ​ລູກ​ຮຽນ​ຢູ່​ພາຍ​ໃນ ແລະ ຕ່າງປະເທດ, ມີ​ເຄື່ອງມື​ຮັບ​ໃຊ້​ຄົວ​ເຮືອນ​ເຊັ່ນ: ລົດຈັກ, ໂຮງສີ​ເຂົ້າ, ລົດ​ໄຖ​ນາ​ເດີນ​ຕາມ, ຈັກ​ປັ່ນ​ເຂົ້າ, ຈັກ​ຕັດ​ຫຍ້າ, ຕູ້​ເຊື່ອມ​ຈອດ​ໂລຫະ, ມີ​ເຮືອນ​ຢູ່​ຖາວອນ​ຈຳນວນ 1 ຫຼັງ ແລະ ເຮືອນ​ກຳລັງ​ສ້າງ​ໃໝ່ 1 ຫຼັງ.
ປັດຈຸບັນ, ຄອບຄົວ​ຂອງ​ທ່ານ ນາງ ໂຍ​ທອງ ແພງ​ສຸ​ລິດ ໄດ້​​ຢຶດ​ຖື​ອາຊີບ​ລ້ຽງສັດ​ເປັນຕົ້ນ​ຕໍ ແລະ ເຮັດ​ນາ​ປູກ​ເຂົ້າ​ເປັນ​ສຳຮອງ, ຢຸດຕິ​ການ​ຖາງ​ປ່າ​ເຮັດ​ໄຮ່​ຢ່າງ​ສິ້ນ​ເຊີງ. ພ້ອມ​ທັງ​ວາງ​ແຜນ​ລ້ຽງ​ງົວ​ທອມ​ເພື່ອ​ຕອບ​ສະໜອງ​ຊີ້ນ​ໃຫ້​ແກ່​ສັງຄົມ​ຢູ່​ທ້ອງ​ຕະຫຼາດ​ພາຍ​ໃນ​ເມືອງ​ຂອງ​ຕົນ ແລະ ຕ່າງ​ເມືອງ​ໃຫ້​ໄດ້​ປີ​ລະ 4 ຊຸດ ຫຼຶື 8 ໂຕ​ຕໍ່​ປີ ຄາດ​ວ່າ​ຈະ​ມີ​ກຳໄລ​ປະມານ 12 - 15 ລ້ານ​ກີບ/ປີ. ຄຽງ​ຄູ່​ກັນ​ນັ້ນ, ຈະ​ເອົາໃຈໃສ່​ບົວລະບັດ​ສັດລ້ຽງ​ໃຫ້​ມີ​ການ​ຈະເລີນ​ເຕີບ​ໂຕ ແລະ ແຜ່ພັນ​ດີ, ວາງ​ແຜນ​ບໍລິຫານ​ສວນ​ຫຍ້າ​ໃຫ້​ເໝາະ​ສົມ​ໂດຍ​ຈະ​ຈັດ​ແບ່ງ​ເປັນ​ລັອກ​ແລ້ວ​ປ່ອຍ​ສັດ​ເຂົ້າ​ກິນ​ແບບ​ໝູນວຽນ​ ເພື່ອ​ຫຼຸດຜ່ອນ​ແຮງ​ງານ​ໃນ​ການ​ຕັດ​ຫຍ້າ ແລະ ຈະ​ປັບປຸງ​ການ​ລ້ຽງສັດ​ຂອງ​ຕົນ​ເປັນ​ສູນ​ຮຽນ​ຮູ້​ໃຫ້​ແກ່​ຜູ້​ທີ່​ສົນໃຈ​ໄດ້​ມາ​ຖອດ​ຖອນ​ບົດຮຽນ​ນຳ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110