ຫົວ​ຂໍ້ : ຫວຽດນາມ ໃຫ້ບຸລິມະສິດການເຄົາລົບ ກົດບັດ ສປຊ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/01/2020 10:34:22 ຈຳ​ນວນ​ຜູ້​ເຂົ້າ​ຢ້ຽມ​ຊົມ 280 ຄັ້ງ

ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ຫວຽດ ນາມ ໄດ້​ຜັນ​ຂະຫຍາຍ​ບັນດາ​ວຽກ​ງານ​ໃນຖານະ​ຕຳແໜ່ງ​ກຳມະການ​ບໍ່​ຖາວອນສະພາ​ຄວາມ​ໝັ້ນຄົງ ສປຊ ໃນ​ອາຍຸ​ການ 2020 - 2021 ແລະ ປະທານ​ໝູນວຽນ​ຂອງສະພາ​ຄວາມ​ໝັ້ນຄົງ ສປຊ ເດືອນ​ມັງກອນ​ປີ 2020 ຢ່າງ​ເປັນ​ທາງ​ການ.
ຂ່າວ​ລະບຸ​ວ່າ: ໃນ​ຖານະ ​ການ​ເປັນ​ເຈົ້າພາບ ຫວຽດ ນາມ ໄດ້​ດໍາ​ເນີນ​ວາລະ​ກອງ​ປະຊຸມ​ປຶກສາ​ຫາລື​ຂັ້ນ​ລັດຖະມົນຕີ​ຂອງ ສະພາ​ຄວາມ ​ໝັ້ນຄົງ ສປຊ ໂດຍທ່ານ  ຟາ​ມ​ ບິ່ງ​ມິງ ລັດຖະມົນຕີ​ການຕ່າງ ປະເທດ​ຫວຽດນາມ ເປັນ​ປະ ທານ ດ້ວຍ​ຫົວຂໍ້; “ສະເຫຼີມ ສະຫຼອງ 75 ປີ ແຫ່ງ​ວັນສ້າງຕັ້ງ​ສະຫະປະຊາຊາດ (ສປຊ), ເຄົາລົບ​ກົດ​ບັດ ສປຊ ເພື່ອ​ຮັກ                                                            ສາສັນຕິພາບ ແລະ ຄວາມໝັ້ນ ຄົງ​ສາກົນ”, ຫວຽດນາມ ບຸລິມະ ສິດ​ເຄົາລົບ​ກົດ​ບັດ ສປຊ ໃນ​ ການ​ທູດ​ປ້ອງ​ກັນ,  ປົກ​ປ້ອງປະ ຊາຊົນ​ໃນ​ການ​ປະ​ ທະ​ກັນ, ການ​ປ່ຽນແປງ​ຂອງ​ດິນຟ້າ​ອາກາດ​ເປັນ​ສຳ​ຄັນ.
ກອງ​ປະຊຸມ​ປຶກສາ​ຫາລື​​ຄັ້ງ​ນີ້ ເປັນ​ຄັ້ງ​ທຳອິດໃນ​ປະ ຫວັດສາດ ສປຊ ໄດ້​ອອກຖະ ແຫຼງການກ່ຽວກັບການປຶກ ສາ​ຫາລື​​ກ່ຽວຂ້ອງ​ເຖິງ​ກົດ​ບັດ ສປຊ. ສິ່ງ​ດັ່ງກ່າວ​ເວົ້າເຖິງ​ ຄວາມ​ສຳຄັນ​ກໍຄືຜົນສຳເລັດ ຂອງ​ການ​ປຶກສາ​ຫາລື​ ພ້ອມ ​ທັງ​ແມ່ນ​ຂໍ້​ລິ​ເລີ່ມ​ຂອງຫວຽດ ນາມ ນັບ​ແຕ່​ຕົ້ນ​ເດືອນ​ທຳອິດ ຫວຽດນາມ ແມ່ນ​ສະມາຊິກ​ຂອງ​ ສະພາ​ຄວາມ​ໝັ້ນຄົງ ສປຊ ກໍຄື​ ເດືອນ​ທຳອິດ​ທີ່ ຫວຽດນາມ ເປັນ​ປະທານສະພາ​ຄວາມ​ໝັ້ນຄົງ ສປຊ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110