ຫົວ​ຂໍ້ : ສປຊ ຕໍ່ເວລາການເຄື່ອນໄຫວ ຢູ່ໂກລົມເບຍ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/01/2020 10:36:44 ຈຳ​ນວນ​ຜູ້​ເຂົ້າ​ຢ້ຽມ​ຊົມ 396 ຄັ້ງ

ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 13 ມັງກອນ​ຜ່ານ​ມາ, ຢູ່ສຳນັກ ງານ ສປຊ, ພາຍ​ໃຕ້​ການ​ເປັນ​ປະທານ​ຂອງຫວຽດນາມ, ສະພາ​ຄວາມ​ໝັ້ນຄົງ ສປຊ ໄດ້​ຮັບຮອງ​ເອົາ ມະຕິ​ເລກ​ທີ 2505 ວ່າ​ດ້ວຍ​ການ​ຕໍ່​ກຳນົດ​ການເຄື່ອນໄຫວ​ຂອງ ຄະນະ​ປະຕິບັດ​ງານ ສປຊ ໜູນ​ຊ່ວຍ​ການ​ປະຕິບັດ​ຂໍ້​ຕົກລົງ Hodeidah ຢູ່ ເຢ​ແມນ (UNMHA) ຮອດ​ວັນ​ທີ 15 ກໍລະກົດ 2020 ດ້ວຍ​ຄວາມ​ເຫັນ​ດີ​ເປັນ​ເອກະ​ພາບ​ຂອງ 15 ປະເທດ ສະມາຊິກ​ທັງ​ໝົດ. 
ຂ່າວ​ລະບຸ​ວ່າ: ກອງ​ປະຊຸມ​ໄດ້​ຮັບ​ຟັງ​ບົດ​ລາຍ​ງານ​ກ່ຽວ​ກັບ​ການເຄື່ອນໄຫວ​ຂອງ ຄະນະ​ປະຕິບັດງານ ສປຊ ໃນ​ການ​ຕິດຕາມ​ກວດກາ​ການ​ປະຕິບັດ​ຂໍ້​ຕົກລົງ​ສັນຕິພາບ​ປະຈຳ ໂກ​ລົມ​ເບຍ, ທ່ານ ຄາ​ລອສ ຣູ​ອິສ ມາ​ສ​ຊີ ຜູ້ຕາງໜ້າ​ພິເສດ​ຂອງ ເລຂາທິການ​ໃຫຍ່ ສປຊ, ຫົວໜ້າ​ຄະນະ​ປະຕິບັດ​ງານ, ໄດ້​ສະເໜີ​ບົດ​ລາຍ​ງານ​ຂອງ ທ່ານເລຂາທິການ​ໃຫຍ່ ສ​ປ​ຊ ກ່ຽວ​ກັບສະພາບ​ການ ໂກ​ລົມ​ເບຍ ແລະ ການເຄື່ອນ​ໄຫວ​ຂອງຄະນະ​ປະຕິບັດ​ງານ​ພາຍ​ໃນ 3 ເດືອນ​ທີ່​ຜ່ານ​ມາ, ບັນດາ​ຂໍ້​ສະເໜີ ທີ່​ສະເໜີ​ຕໍ່ ສປຊ.
    ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ ດັ້ງ​ດິ່ງ​ກຸ໊ຍ ເອກ​ອັກ​ຄະ​ລັດ​ຖະ​ທູດ, ຫົວໜ້າ​ຄະນະ​ຜູ້ຕາງໜ້າ ຫວຽດນາມ ປະຈຳ ສປຊ, ປະທານ ສະພາ​ຄວາມ​ໝັ້ນຄົງ ສປຊ ເດືອນ​ມັງກອນ 2020, ເນັ້ນ​ໜັກ​ວ່າ: ຫວຽດນາມ ສະເໜີ​ສຸມ​ໃສ່​ບຸລິມະສິດ​ແຖວ​ໜ້າ​ໃຫ້​ແກ່​ການ​ຮັບປະກັນ​ຄວາມ​ໝັ້ນຄົງ ແລະ ພັດທະນາ​ສຳລັບ​ປະຊາຊົນ ໂກ​ລົມ​ເບຍ ທັງ​ໝົດ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110