ຫົວ​ຂໍ້ : ເອີຣົບ ຮຽກຮ້ອງໃຫ້ ອີຣານ ຮັກສາ ຂໍ້ຕົກລົງນິວເຄລຍ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/01/2020 10:37:39 ຈຳ​ນວນ​ຜູ້​ເຂົ້າ​ຢ້ຽມ​ຊົມ 394 ຄັ້ງ

ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 12 ມັງກອນ​ຜ່ານ​ມາ, ບັນດາການ​ນຳ​ອັງກິດ, ຝຣັ່ງ ແລະ ເຢຍ​ລະ​ມັນ  ໄດ້​ອອກ​ຖະແຫຼງ ການ​ຮ່ວມ​ຮຽກຮ້ອງ​ໃຫ້ອີ​ຣານ ປະຕິບັດ​ຂໍ້​ຕົກລົງ​ນິວ​ເຄ​ລຍ ປີ 2015 ຄືນໃໝ່ກັບ​ບັນດາ​ປະເທດ​ມະຫາ​ອຳນາດ ຢ່າງ​ຄົບ​ຖ້ວນ ແລະ ອົດ​ກັ້ນ.
ຂ່າວ​ລະບຸ​ວ່າ: ທ່ານ ວະ​ລາ​ດີ​ເມຍ ປູ​ຕິນ ປະທານາທິບໍດີ ຣັດ​ເຊຍ ແລະ ທ່ານ ເອັມ​ມາ​ນູ​ແອວ ມາ​ຄຣອງ ປະທານາທິບໍດີ ຝຣັ່ງ ກໍໄດ້​ເຫັນ​ດີ​ເປັນ​ເອກະ​ພາບ​ສືບຕໍ່​ພະຍາຍາມ​ເພື່ອ​ຟື້ນ​ຟູ​ຂໍ້​ຕົກລົງ​ນິວເຄ​​ລຍ ປີ 2015 ກັບ​ອີ​ຣານ ຫຼື ເອີ້ນ​ວ່າ “ແຜນ ການເຄື່ອນໄຫວ​ຢ່າງຮອບ ດ້ານ” (JPCOA). 
ພ້ອມ​ກັນ​ນັ້ນ, ການ​ນຳ​ສອງ​ທ່ານ ກໍໄດ້​ຮຽກຮ້ອງ​ໃຫ້​ ທຸກໆ​ຝ່າຍ​ທີ່​ກ່ຽວຂ້ອງ​ເຖິງ ບັນ ຫາ​ຕາເວັນອອກ​ກາງ ໂດຍ​ ສະເພາະ​ຄວາມ​ເຄັ່ງ​ຕຶງ ລະ ຫວ່າງ ອີ​ຣານ ແລະ ອາ​ເມ​ຣິ​ກາ ໃຫ້​ມີ​ຄວາມ​ອົດ​ກັ້ນ. ບັນດາ​ຖະແຫຼງການ​ໄດ້​ວາງ​ອອກ​ໃນ​ເວລາ​ທີ່ ເອີ​ຣົບ ພວມ​ອອກແຮງ​ພະຍາຍາມ​ຟື້ນ​ຟູ​ຂໍ້​ຕົກລົງ​ນິວ​ເຄ​ລຍ ປະຫວັດສາດ ຊຶ່ງ​ໄດ້​ຮັບ​ການ​ລົງ​ນາມ​ກັບ ອີ​ຣານ ໃນ​ປີ 2015, ທີ່​ມີ​ຄວາມ​ອ່ອນແອ​ລົງ​ຢ່າງ​ແຮງ ພາຍຫຼັງອາ​ເມ​ຣິ​ກາ ຖອນ​ຕົວ​ອອກ​ຈາກ​ຂໍ້​ຕົກລົງ​ແບບ​ລຳພັງ​ພຽງ​ຝ່າຍ​ດຽວ​ໃນ​ປີ 2018.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110