ຫົວ​ຂໍ້ : ການສົນທະນາກ່ຽວກັບທະເລຕາເວັນອອກ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 16/01/2020 10:38:28 ຈຳ​ນວນ​ຜູ້​ເຂົ້າ​ຢ້ຽມ​ຊົມ 428 ຄັ້ງ

ວິທະຍຸ​ກະຈາຍສຽງ​ຫວຽດນາມ​ລາຍ​ງານ​ວ່າ: ທ່ານ ຄາ​ລີ ທາ​ເຢ ນັກວິຊາການວິ ທະຍາຄານປ້ອງ​ກັນຊາດ​ອົສ​ຕຣາ​ລີ ຕີ​ລາຄາ​ສູງ​ບັນດາ​ຝ່າຍ​ໄດ້​ສ້າງ​ຖະແຫຼງການ ​ວ່າດ້ວຍ​ການ​ປະພຶດຂອງ​ບັນດາຝ່າຍ​ ຢູ່​ທະເລ​ຕາເວັນ​ອອກ (DOC).
ຂ່າວ​ລະບຸ​ວ່າ: ວັນ​ທີ 13 ມັງກອນ​ຜ່ານ​ມາ, ຢູ່​ນະຄອນ ຫຼວງ ກົວ​ລາ​ລຳ​ເປີ ປະ​ເທດ ມາ​ເລ​ເຊຍ, ອົງການ World Future TV ໄດ້​ດຳເນີນ​ການ​ໂອ້​ລົມ​ສົນທະນາ​ດ້ວຍ​ຫົວຂໍ້; “ທະເລ​ຕາເວັນ​ອອກ: ກົດ​ແຫ່ງ​ການ​ປະພຶດ​ຢູ່​ທະເລ​ຕາເວັນ​ອອກ (COC) ແມ່ນ​ເຄື່ອງມື​ເພື່ອແກ້​ໄຂ​ການປະ​ທະ​ກັນ”. ຄະນະ​ຈັດ​ຕັ້ງ​ອົງການ​ດັ່ງກ່າວ​ລະບຸ​ວ່າ: ຄຳ​ຕັດສິນ​ຂອງ​ສານ ອະນຸ​ຍາໂຕ​ຕຸລາກາ ນ (PCA) ໃນ​ການ​ຮ້ອງ​ຟ້ອງ ຂອງ​ຟີ​ລິບ​ປິນ ໄດ້​ຊ່ວຍ​ແຈ້ງ​ພື້ນຖານ ນິຕິ​ກຳໃຫ້​ແກ່​ການແກ້​ໄຂ​ການ​ຂັດ​ແຍ້ງ​ອະທິປະ​ໄຕ ຢູ່​ທະເລ ຕາເວັນ ອອກ, ຊ່ວຍ ໃຫ້​ບັນດາ​ປະເທດ​ອາ​ຊຽນ ມີ​ກຳລັງ​ໜູນ​ໃນ​ການ​ຕໍ່ສູ້​ປົກປັກ​ຮັກສາ​ອະ ທິ​ປະ​ໄຕ​ຂອງ​ຕົນ.
ທ່ານ ຄາ​ລີ ທາ​ເຢ ຕີ​ລາຄາ​ສູງ​ບັນດາ​ຝ່າຍ​ໄດ້​ສ້າງ​ຖະແຫຼງການ​ວ່າ​ດ້ວຍ​ການ​ປະ ພຶດ​ຂອງ​ບັນດາ ຝ່າຍ​ຢູ່​ທະເລ​ ຕາເວັນ​ອອກ (DOC) ພ້ອມກັນ​ນັ້ນ​ຄັດຄ້ານ​ບັນດາ​ການເຄື່ອນໄຫວ​ຂອງ​ປະເທດ​ມະຫາອໍາ​ນາດ ຊຶ່ງ​ເຮັດ​ໃຫ້​ສະພາບ​ການ​ສັບສົນ​ຂຶ້ນ​ຕື່ມ, ການ​ປ່ຽນ ແປງ​ສະພາບ​ເດີມຢູ່​ທະເລ​ຕາເວັນ​ອອກ. 
ທ່ານ ຄາ​ລີ ທາ​ເຢ ໃຫ້​ຂໍ້​ສັງເກດ​ວ່າ: ອາ​ຊຽນ ຈະ​ແມ່ນ​ກຳລັງ​ໜູນ​ຊຸກຍູ້​ຂະບວນ​ວິວັດ ການ​ເຈ​ລະຈາ COC, ໃນ​ນັ້ນ​ອາ​ຊຽນ ຄວນ​ເພີ່ມ​ທະວີ​ຄວາມ​ສາມັກຄີ​ພາຍ​ໃນ​ກຸ່ມ. ພ້ອມ​ກັນ​ນັ້ນ, ຈີນ ແລະ ອາ​ຊຽນ ຄວນ​ເພີ່ມ​ທະວີ​ບັນດາ​ມາດ​ຕະການ​ສ້າງ​ຄວາມ​ໄວ້​ເນື້ອ​ເຊື່ອ​ໃຈ, ຊຸກຍູ້​ບັນດາ​ມາດ​ຕະການ​ທາງ​ການ​ທູດ ແລະ ສ້າງ​ກົນ​ໄກ​ແກ້​ໄຂ​ການ​ປະ​ທະ​ກັນ​ບົນ​ພື້ນຖານ​ກົດໝາຍ​ສາກົນ ກໍ​ຄື​ຄວນ​ອົດ​ກັ້ນ, ບໍ່​ມີ​ການ​ກະທຳ ເຮັດ​ໃຫ້​ສະພາບ​ການ​ຢູ່​ທະເລ​ຕາເວັນ​ອອກ​ສັບສົນ​ຂຶ້ນ​ຕື່ມ.
     ພ້ອມ​ກັນ​ນັ້ນ, ບັນດາ​ຜູ້​ແທນ​ທີ່​ເຂົ້າ​ຮ່ວມ​ປະຊຸມ ຕ່າງ​ກໍ​ກ່າວ​ວ່າ: ເພື່ອ​ບັນລຸ​ໄດ້ COC, ຄວາມ​ເຫັນ​ດີ​ເຫັນ​ພ້ອມ, ຄວາມ​ສາມັກຄີ​ພາຍ​ໃນ​ກຸ່ມ​ອາ​ຊຽນ ຄວນ​ໄດ້​ຮັບ​ການ​ເພີ່ມ​ທະວີ ແລະ ຕີ​ລາຄາ​ສູງ​ບົດບາດ, ອິດ​ທິ​ພົນ​ຊື່​ສຽງ​ຂອງ ຫວຽດນາມ ຊຶ່ງ​ເປັນ​ປະທານ​ອາ​ຊຽນ ປີ 2020.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110