ໜັງສືພິມ ປະຊາຊົນ

ການສົນທະນາກ່ຽວກັບທະເລຕາເວັນອອກ

ເຜີຍແຜ່ໂດຍ: ທ່ານ ຈັນທະໄມຕຣີ ເທບສີເມືອງ ເວລາ: 16/01/2020 10:38:28 ຈຳນວນຢ້ຽມຊົມ 725 ຄັ້ງ

ວິທະຍຸກະຈາຍສຽງຫວຽດນາມລາຍງານວ່າ: ທ່ານ ຄາລີ ທາເຢ ນັກວິຊາການວິ ທະຍາຄານປ້ອງກັນຊາດອົສຕຣາລີ ຕີລາຄາສູງບັນດາຝ່າຍໄດ້ສ້າງຖະແຫຼງການ ວ່າດ້ວຍການປະພຶດຂອງບັນດາຝ່າຍ ຢູ່ທະເລຕາເວັນອອກ (DOC).
ຂ່າວລະບຸວ່າ: ວັນທີ 13 ມັງກອນຜ່ານມາ, ຢູ່ນະຄອນ ຫຼວງ ກົວລາລຳເປີ ປະເທດ ມາເລເຊຍ, ອົງການ World Future TV ໄດ້ດຳເນີນການໂອ້ລົມສົນທະນາດ້ວຍຫົວຂໍ້; “ທະເລຕາເວັນອອກ: ກົດແຫ່ງການປະພຶດຢູ່ທະເລຕາເວັນອອກ (COC) ແມ່ນເຄື່ອງມືເພື່ອແກ້ໄຂການປະທະກັນ”. ຄະນະຈັດຕັ້ງອົງການດັ່ງກ່າວລະບຸວ່າ: ຄຳຕັດສິນຂອງສານ ອະນຸຍາໂຕຕຸລາກາ ນ (PCA) ໃນການຮ້ອງຟ້ອງ ຂອງຟີລິບປິນ ໄດ້ຊ່ວຍແຈ້ງພື້ນຖານ ນິຕິກຳໃຫ້ແກ່ການແກ້ໄຂການຂັດແຍ້ງອະທິປະໄຕ ຢູ່ທະເລ ຕາເວັນ ອອກ, ຊ່ວຍ ໃຫ້ບັນດາປະເທດອາຊຽນ ມີກຳລັງໜູນໃນການຕໍ່ສູ້ປົກປັກຮັກສາອະ ທິປະໄຕຂອງຕົນ.
ທ່ານ ຄາລີ ທາເຢ ຕີລາຄາສູງບັນດາຝ່າຍໄດ້ສ້າງຖະແຫຼງການວ່າດ້ວຍການປະ ພຶດຂອງບັນດາ ຝ່າຍຢູ່ທະເລ ຕາເວັນອອກ (DOC) ພ້ອມກັນນັ້ນຄັດຄ້ານບັນດາການເຄື່ອນໄຫວຂອງປະເທດມະຫາອໍານາດ ຊຶ່ງເຮັດໃຫ້ສະພາບການສັບສົນຂຶ້ນຕື່ມ, ການປ່ຽນ ແປງສະພາບເດີມຢູ່ທະເລຕາເວັນອອກ.
ທ່ານ ຄາລີ ທາເຢ ໃຫ້ຂໍ້ສັງເກດວ່າ: ອາຊຽນ ຈະແມ່ນກຳລັງໜູນຊຸກຍູ້ຂະບວນວິວັດ ການເຈລະຈາ COC, ໃນນັ້ນອາຊຽນ ຄວນເພີ່ມທະວີຄວາມສາມັກຄີພາຍໃນກຸ່ມ. ພ້ອມກັນນັ້ນ, ຈີນ ແລະ ອາຊຽນ ຄວນເພີ່ມທະວີບັນດາມາດຕະການສ້າງຄວາມໄວ້ເນື້ອເຊື່ອໃຈ, ຊຸກຍູ້ບັນດາມາດຕະການທາງການທູດ ແລະ ສ້າງກົນໄກແກ້ໄຂການປະທະກັນບົນພື້ນຖານກົດໝາຍສາກົນ ກໍຄືຄວນອົດກັ້ນ, ບໍ່ມີການກະທຳ ເຮັດໃຫ້ສະພາບການຢູ່ທະເລຕາເວັນອອກສັບສົນຂຶ້ນຕື່ມ.
ພ້ອມກັນນັ້ນ, ບັນດາຜູ້ແທນທີ່ເຂົ້າຮ່ວມປະຊຸມ ຕ່າງກໍກ່າວວ່າ: ເພື່ອບັນລຸໄດ້ COC, ຄວາມເຫັນດີເຫັນພ້ອມ, ຄວາມສາມັກຄີພາຍໃນກຸ່ມອາຊຽນ ຄວນໄດ້ຮັບການເພີ່ມທະວີ ແລະ ຕີລາຄາສູງບົດບາດ, ອິດທິພົນຊື່ສຽງຂອງ ຫວຽດນາມ ຊຶ່ງເປັນປະທານອາຊຽນ ປີ 2020.

ຕ້ອງການລົງໂຄສະນາ ຄລິກເພື່ອເບິ່ງລາຍລະອຽດ

ສະໜັບສະໜູນໂດຍ:

ກຸ່ມບໍລິສັດພອນສັກ ຈຳກັດ

ຕ້ອງການລົງໂຄສະນາ ຄລິກເພື່ອເບິ່ງລາຍລະອຽດ