Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເຈົ້າແຂວງອັດຕະປື ເຄື່ອນໄຫວຊຸກຍູ້ວຽກງານຢູ່ເມືອງຊານໄຊ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 26/03/2021 09:47:12 ຈຳ​ນວນ​​ຢ້ຽມ​ຊົມ 1180 ຄັ້ງ

ທ່ານ ເລັດ ໄຊຍະພອນ ກໍາມະການສູນກາງພັກ ເລຂາພັກແຂວງ-ເຈົ້າແຂວງອັດຕະປື ພ້ອມ ດ້ວຍພະແນກການທີ່ກ່ຽວຂ້ອງຂອງແຂວງ ໄດ້ລົງເຄື່ອນໄຫວຊຸກຍູ້ວຽກງານຢູ່ເມືອງຊານໄຊ ໃນວັນທີ 24 ມີນາຜ່ານມາ ໂດຍ​ການຕ້ອນຮັບຂອງທ່ານ ສຸວັນສີ ແກ້ວວີເສີດ ກໍາມະການພັກແຂວງ ເລຂາພັກເມືອງ ເຈົ້າເມືອງຊານໄຊ ພ້ອມຄະນະນໍາຂອງເມືອງ. 

ໂອກາດດັ່ງກ່າວທ່ານເຈົ້າແຂວງອັດຕະປື ກໍໄດ້ເຂົ້າຮ່ວມເຮັດວຽກກັບຄະນະນໍາຂອງເມືອງຊານໄຊ ທີ່ຫໍປະຊຸມໃຫຍ່ຂອງເມືອງ ຊຶ່ງກ່ອນອື່ນທ່ານໄດ້ຮັບຟັງການລາຍງານວຽກງານຮອບດ້ານຂອງເມືອງຊານ ໄຊ ເປັນຕົ້ນການຈັດຕັ້ງປະຕິບັດມະຕິ X ຂອງພັກ, ຂອງແຂວງ ແລະ ມະຕິ XIII ຂອງເມືອງຊານໄຊ ໄດ້ບັນລຸຜົນສໍາເລັດຫຼາຍວຽກງານ ຊຶ່ງເຮັດໃຫ້ພື້ນຖານເສດຖະກິດພາຍໃນເມືອງສືບຕໍ່ຂະຫຍາຍຕົວໄປ ຕາມທິດທາງ ແລະ ຈຸດໝາຍທີ່ວາງໄວ້, ສາມາດຮັກສາໄດ້ສະຖຽນນະພາບທາງດ້ານການເມືອງ ຮັກສາ ໄດ້ຄວາມສະຫງົບປອດໄພ ຄວາມເປັນລະບຽບຮຽບຮ້ອຍໃນສັງຄົມ, ພື້ນຖານເສດຖະກິດຂອງເມືອງໃນປີ 2020 ຜ່ານມາ ມີອັດຕາການເຕີບໂຕ 27%, ສະເລ່ຍຕໍ່ຫົວຄົນໄດ້ 3 ລ້ານກວ່າກີບ, ສໍາລັບປີ 2021 ເມືອງຊານໄຊ ມີແຜນຈຸດສຸມ ແລະ ແຜນສູ້ຊົນທີ່ສໍາຄັນ ເພື່ອສືບຕໍ່ປົກປັກຮັກສາ ແລະ ສ້າງສາພັດທະນາ ໂດຍຈະສູ້ຊົນສືບຕໍ່ຊີ້ນໍາ-ນໍາພາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານ ປີ 2021 ໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ, ໝັ້ນທ່ຽງ ສະເລ່ຍຢູ່ໃນລະດັບ 3,5% ຂຶ້ນໄປ, ຄາດຄະເນລວມຍອດຜະລິດຕະພັນພາຍໃນໃຫ້ບັນລຸ 184.668 ຕື້ກວ່າກີບຂຶ້ນໄປ ໂດຍຈະຫັນ ປ່ຽນວິທີການຜະລິດແບບເກົ່າດັ້ງເດີມ ກ້າວສູ່ການຜະລິດທີ່ເປັນສິນຄ້າ ຕິດພັນກັບຄວາມຮຽກຮ້ອງຕ້ອງ ການຂອງຕະຫຼາດ ໂດຍສະເພາະແມ່ນການຜະລິດສະບຽງອາຫານ, ຜະລິດເຂົ້າ, ພືດຜັກ, ສາລີ, ພືດມັນ, ໝາກໄມ້ຊະນິດຕ່າງໆ, ການລ້ຽງສັດ, ລ້ຽງປາ ທີ່ເປັນສິນຄ້າ, ພ້ອມທັງສຸມໃສ່ການຫັນລົງກໍ່ສ້າງ ຮາກຖານການເມືອງ ຕິດພັນກັບການແກ້ໄຂບັນຫາທີ່ຍັງຄົງຄ້າງ, ຫຼໍ່ແຫຼມ, ກໍ່ສ້າງປັບປຸງພັກ-ພະນັກງານ ແລະ ການຈັດຕັ້ງພັກໃຫ້ເຂັ້ມແຂງ, ຊອກຄົ້ນທຸກທ່າແຮງບົ່ມຊ້ອນ ແນໃສ່ສ້າງຄວາມເຂັ້ມແຂງ ໃຫ້ແກ່ວຽກ ງານຈັດເກັບລາຍຮັບເຂົ້າງົບປະມານ ແລະ ຄຸ້ມຄອງລາຍຈ່າຍ, ສຸມໃສ່ແກ້ໄຂປະກົດຫຍໍ້ທໍ້ໃນທົ່ວສັງຄົມ ຢ່າງຈິງຈັງ, ບຸກທະລຸດ້ານຈິນຕະນາການ ເພື່ອສອດຄ່ອງກັບສະໄໝໃໝ່, ສຸມໃສ່ສ້າງວຽກເຮັດງານທໍາ -ມີອາຊີບທີ່ໝັ້ນຄົງໃຫ້ແກ່ປະຊາຊົນ ໄປພ້ອມໆກັບການພັດທະນາຊັບພະຍາກອນມະນຸດ, ນັກຮຽນ-ນັກ ສຶກສາ ໄດ້ຮັບການເບິ່ງແຍງດູແລຢ່າງໃກ້ຊິດ ແລະ ແກ້ໄຂນັກຮຽນທີ່ມີບັນຫາ, ສ້າງກົມກອງຫ້ອງການ ແລະ ຈຸດສາທາລະນະຕ່າງໆ ໃຫ້ມີຄວາມສະອາດສວຍງາມ ແລະ ເປັນພື້ນທີ່ສີຂຽວ, ສຸມໃສ່ແກ້ໄຂຄວາມ ທຸກຍາກຂອງປະຊາຊົນໃຫ້ຫຼຸດລົງ, ສ້າງຄອບຄົວ ແລະ ບ້ານພັດທະນາເພີ່ມຂຶ້ນ.

      ໂອກາດດັ່ງກ່າວ ທ່ານ ເລັດ ໄຊຍະພອນ ໄດ້ມີຄໍາເຫັນຊີ້ນໍາ ໂດຍເນັ້ນໃຫ້ສືບຕໍ່ເອົາໃຈໃສ່ ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຂອງເມືອງຕົນເປັນຕົ້ນ ການຊີ້ນໍາ-ນໍາພາຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ,ແກ້ໄຂບັນຫາປະກົດການຫຍໍ້ທໍ້ຢູ່ຈຸດຫຼໍ່ແຫຼມ ໂດຍສະເພາະວຽກງານສາດ ສະໜາໃຫ້ແກ້ໄຂເກີດຜົນເປັນຈິງ, ເອົາໃຈໃສ່ເຮັດວຽກງານແນວຄິດໃຫ້ເລິກເຊິ່ງເຖິງຖອງ, ພະນັກງານ ລົງກໍ່ສ້າງຮາກຖານການເມືອງຕ້ອງເອົາໃຈໃສ່ແທ້ຕໍ່ຂອບເຂດຄວາມຮັບຜິດຊອບຂອງຕົນ, ເຮັດວຽກງານ ຢ່າງມີແບບແຜນທີ່ລະອຽດຈະແຈ້ງ ເພື່ອພັດທະນາ ແລະ ແກ້ໄຂບັນຫາທີ່ເກີດຂຶ້ນ, ເອົາໃຈໃສ່ຊຸກຍູ້ສົ່ງ ເສີມປະຊາຊົນຢ່າງໃກ້ຊິດ ເຮັດການຜະລິດກະສິກໍາ, ຫັດຖະກໍາ ແລະ ອຸດສາຫະກໍາ ເປັນສິນຄ້າ ໃຫ້ເກີດຜົນຫຼາຍຂຶ້ນ, ກໍານົດຈະແຈ້ງ, ພັດທະນາໃຫ້ດີຂຶ້ນ ແລະ ຫຼາຍຂຶ້ນ ຜະລິດຕະພັນທີ່ເປັນເອກະ ລັກຂອງເມືອງ, ມີຜູ້ຜະລິດ, ມີຜູ້ຂາຍ-ມີຜູ້ຊື້ທີ່ໝັ້ນຄົງ, ສົມທົບກັບການຄຸ້ມຄອງລັດ-ຄຸ້ມຄອງສັງຄົມ ດ້ວຍລະບຽບກົດໝາຍຢ່າງເຂັ້ມງວດ ເພື່ອນໍາພາເມືອງຊານໄຊ ໃຫ້ມີການພັດທະນາຕາມແຜນທີ່ວາງໄວ້.

    ຈາກນັ້ນທ່ານເຈົ້າແຂວງອັດຕະປື ພ້ອມດ້ວຍຫົວໜ້າພະແນກການທີ່ກ່ຽວຂ້ອງຂອງແຂວງ ແລະ ຄະ ນະນໍາຂອງເມືອງ ຍັງໄດ້ຢ້ຽມຢາມພື້ນຖານການຜະລິດກະສິກໍາປູກຜັກກະຫຼໍ່າປີ, ຜັກທຽມທີ່ເປັນອາຊີບ ຂອງປະຊາຊົນບາງຄອບຄົວ ຢູ່ບ້ານຈະເລີນໄຊ ແລະ ໄດ້ສໍາຫຼວດເບິ່ງເຂດເຊື່ອມຕໍ່ລະຫວ່າງບ້ານດາກນົງ ເມືອງຊານໄຊ ແຂວງອັດຕະປື ແລະ ບ້ານຊຽງຫຼວງ ເມືອງດາກຈຶງ ແຂວງເຊກອງ ຕື່ມອີກ.

(ຂ່າວ: ໂບ້,​ ຫ້ອງວ່າການແຂວງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com