ສ່ວຍສາອາກອນປະຈຳແຂວງອັດຕະປື ເປີດຂະບວນຮັບຊໍາລະຄ່າທຳນຽມທາງ

ສ່ວຍສາອາກອນປະຈຳແຂວງອັດຕະປື ຮ່ວມກັບ ທະນາຄານການຄ້າຕ່າງປະເທດລາວ ມະຫາຊົນ ສາຂາແຂວງອັດຕະປື, ທະນາຄານສົ່ງເສີມກະສິກຳ ສາຂາແຂວງອັດຕະປື ໄດ້ເຄື່ອນໄຫວເປີດຂະບວນ ການຮັບຊຳລະຄ່າທຳນຽມທາງ ແລະ ພາສີທີ່ດິນ ປະຈຳປີ 2021 ຜ່ານລະບົບທະນາຄານຂຶ້ນຢູ່ 2 ຈຸດ ຄື: ຢູ່ສຳນັກງານສ່ວຍສາອາກອນປະຈຳແຂວງ ແລະ ຢູ່ສຳນັກງານອົງການປົກຄອງແຂວງ ເມື່ອບໍ່​ດົນ​ມານີ້.

ທ່ານ ຄອນສະຫັວນ ໄຊຍະສອນ ຮອງຫົວໜ້າສ່ວຍສາອາກອນປະຈຳແຂວງອັດຕະປື ກ່າວວ່າ: ການເປີດຂະບວນການໃນຄັ້ງນີ້, ແມ່ນໄດ້ແບ່ງເປັນ 2 ຂັ້ນຕອນໃນການຈັດຕັ້ງປະຕິບັດຄື: 1. ເລັ່ງໃສ່ບັນ ດາອົງການຈັດຕັ້ງຂັ້ນຕ່າງໆ ແລະ ພະນັກງານ-ລັດຖະກອນ ຕ້ອງເປັນແບບຢ່າງນຳໜ້າ ໃນການປະກອບ ສ່ວນປະຕິບັດພັນທະຂອງຕົນໃຫ້ຖືກຕ້ອງ, ຄົບຖ້ວນ; 2. ສົມທົບກັບພາກສ່ວນກ່ຽວຂ້ອງປະຕິບັດມາດຕະ ການກວດກາຢູ່ຈຸດຕ່າງໆຕາມສາຍທາງ.

ທ່ານ ຄອນສະຫັວນ ໄຊຍະສອນ ຍັງໄດ້ກ່າວຕື່ມອີກວ່າ: ສຳລັບພາຫະນະທີ່ຖືກເສຍຄ່າທຳນຽມ ທາງປະຈຳປີ ແມ່ນພາຫະນະປ້າຍຟ້າ, ປ້າຍແດງ ປກສ, ປ້າຍແດງກອງທັບ, ປ້າຍເຫຼືອງ, ປ້າຍຂາວ. ນອກຈາກທີ່ໄດ້ຍົກເວັ້ນຢູ່ໃນມາດຕາ 6 ຂອງລັດຖະບັນຍັດ ສະບັບເລກທີ 001/ປປທ, ລົງວັນທີ 20 ກັນຍາ 2017. ທັງນີ້ກໍເພື່ອເປັນການເຮັດໜ້າທີີ່ປຸກລະດົມຊຸກຍູ້ໃຫ້ບັນດາບຸກຄົນ, ນິຕິບຸກຄົນ ແລະ ການຈັດຕັ້ງ ຕະ ຫຼອດຮອດປະຊາຊົນບັນດາເຜົ່າໃນຂອບເຂດທົ່ວແຂວງທີ່ນຳໃຊ້ຍານພາຫະນະ ແລະ ເປັນເຈົ້າຂອງກຳມະ ສິດນຳໃຊ້ທີ່ດິນ ໄດ້ມີຄວາມຕື່ນຕົວປະກອບສ່ວນພັນທະຂອງຕົນຢ່າງຕັ້ງໜ້າ ແລະ ຫັນເຂົ້າສູ່ລະບຽບ, ກົດ ໜາຍໃຫ້ດີຂຶ້ນເທື່ອລະກ້າວ.

(ຂ່າວ: ວັດທະນາ)