Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວໜ້າ ຄຕພ ຂອງສອງພັກ ລາວ ແລະ ຫວຽດນາມ ພົບປະຮູບແບບທາງໄກ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 02/04/2021 10:52:20 ຈຳ​ນວນ​​ຢ້ຽມ​ຊົມ 2007 ຄັ້ງ

ໂດຍ​ອີງ​ຕາມ​ແຜນການ​ຮ່ວມ​ມື ລະຫວ່າງ ພັກ ປະຊາຊົນ ປະຕິວັດ​ລາວ ແລະ ພັກ​ກອມ​ມູ​ນິດ​ຫວຽດນາມ ປະຈຳ​ປີ 2021, ໃນ​ຕອນ​ບ່າຍ ວັນ​ທີ 1/4/2021, ສະຫາຍ ນາງ ສູນ​ທອນ ໄຊ​ຍະ​ຈັກ ຄ​ະ​ນະເລຂາທິການ​ສູນ​ກາງ​ພັກ ຮອງ​ປະທານ​ສະພາ​ແຫ່ງ​ຊາດ ຫົວໜ້າ​ຄະນະ​ພົວພັນ​ຕ່າງ ປະເທດ​ສູນ​ກາງ​ພັກ (ຄຕພ) ປປ ລາວ ພ້ອມ​ດ້ວຍ ບັນດາສະຫາຍ ຕາງໜ້າ ອົງການ​ອ້ອມ​ຂ້າງສູນ​ ກາງ ໄດ້​ຕາງໜ້າ​ການ​ນຳຂອງ ​ພັກ ປປ​ລາວ ເຂົ້າ​ຮ່ວມ​ກອງປະ ຊຸມ​ພົບ​ປະ​ຜ່ານ​ວິ​ດີ​ໂອ​ທາງໄກ ກັບ ສະຫາຍ ເລ ຮວ່າຍ ຈຸງ ກຳ ມະການ​ສູນ​ກາງ​ພັກ ຫົວໜ້າ​ຄະນະ​ພົວພັນ​ຕ່າງປະເທດ​ສູນ​ກາງ​ພັກ ກອມ​ມູ​ນິດ​ຫວຽດນາມ, ຕາງໜ້າ​ໃຫ້ການ​ນຳ​ພັກ​ກອມ​ມູ​ນິດ​ຫວຽດນາມ.

ໃນ​ກອງ​ປະຊຸມ, ສະຫາຍ ເລ ຮວ່າຍ ຈຸງ ໄດ້​ແຈ້ງ​ໃຫ້​ຄະນະ​ ຝ່າຍ​ລາວ​ຊາບ ກ່ຽວ​ກັບ​ຜົນສຳ ເລັດ​ຂອງ ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະເທດ ຄັ້ງ​ທີ XIII ຂອງ​ພັກ​ກອມ​ມູ​ນິດ​ຫວຽດນາມ ທີ່​ໄດ້​ດຳເນີນ​ມາ​ໃນ​ທ້າຍ​ເດືອນ ມັງກອນ ຫາ​ຕົ້ນ​ເດືອນ​ກຸມພາ 2021 ທີ່​ຜ່ານ​ມາ ຊຶ່ງ​ໄດ້​ຍົກ​ໃຫ້​ເຫັນ​ຄວາມ​ໝາຍ​ຄວາມ​ສຳຄັນ ແລະ ຈຸດປະສົງ​ຂອງ​ກອງ​ປະຊຸມ ໂດຍ​ສະເພາະ​ແມ່ນ​ການ​ຕີ​ລາຄາ​ຜົນສຳເລັດ ໃນ​ການຈັດຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ XII ຂອງ​ພັກ​ກອມ​ມູ​ນິດ​ຫວຽດນາມ​ແຜນ​ພັດທະນາ​ເສດ​ຖະ​ກິດ​-​ສັງຄົມ 5 ປີ ຄັ້ງ​ທີ XIV ໄລຍະ 2016-2020 ​ຊຶ່ງ​ເປັນ​ຂີດ​ໝາຍ​ແຫ່ງ​ການ​ພັດທະນາ ທີ່​ເຂັ້ມແຂງ​ຂອງ​ການ​ປະຕິວັດ​ຫວຽດນາມ​ໃນ​ໄລຍະ​ໃໝ່​ຕາມ​ທິດ ສາມັກຄີ, ປະຊາທິປະໄຕ, ເດັດດ່ຽວ, ປະດິດ​ສ້າງ, ພັດທະນາ ດ້ວຍ​ການ​ສືບຕໍ່​ເພີ່ມ​ທະວີ​ການ​ກໍ່ ສ້າງ, ປັບປຸງ​ພັກ ແລະ ລະບົບ​ການເມືອງ​ໃຫ້ ເຂັ້ມແຂງ; ເສີມ​ຂະຫຍາຍ​ຄວາມ​ມຸ່ງ​ຫວັງ ໃນ​ການ​ພັດທະນາ​ປະເທດ​ຊາດ, ເສີມ​ຂະຫຍາຍ​ມານະ​ຈິດ​ປະ ຕິວັດ, ເຫງົ້າ​ພະລັງ ແຫ່ງ​ມະຫາ​ສາມັກຄີ​ທົ່ວ​ທັງ​ຊາດ​ໄປ​ຄຽງ​ຄູ່​ກັບ​ການ​ສົມທົບ​ແໜ້ນ​ກັບ​ກຳລັງ​ແຮງ​ຂອງ​ຍຸກ​ສະໄໝ; ສືບຕໍ່​ຊຸກຍູ້​ພາລະກິດ​ປ່ຽນແປງ​ໃໝ່​ຢ່າງຮອບດ້ານ, ເປັນ​ລະບົບ; ສ້າງສາ ແລະ ປົກ​ປັກ​ຮັກສາ ປະເທດ​ຊາດ​ໃຫ້​ໜັກ​ແໜ້ນ; ຮັກ ສາ​ສະພາບ​ແວດ​ລ້ອມ​ສັນຕິ ພາບ, ສະຖຽນ​ລະ​ພາບ; ສູ້​ຊົນ​ເພື່ອ​ໃຫ້​ປະເທດ​ກາຍເປັນ​ປະເທດ​ພັດທະນາ​ຕາມ​ທິດ​ສັງຄົມ​ນິຍົມ​ໃນ​ກາງ​​ສະຕະວັດ​ທີ XXI. ສະຫາຍ ເລ ຮວ່າຍ ຈຸງ ໄດ້​ເນັ້ນ​ໜັກ​ເຖິງ​ເນື້ອ​ໃນ​ບັນດາ​ເອກະສານ​ທີ່​ໄດ້​ສະເໜີ​ຜ່ານ​ກອງ​ປະຊຸມ​ໃຫຍ່​ເປັນ​ໝາກຜົນ​ ແຫ່ງການ​ປະສານ​ສົມທົບ​ລະ ຫວ່າງ ທິດ​ສະ​ດີ ແລະ ພຶດຕິ​ກຳ​ຕົວ​ຈິງ, ລະຫວ່າງ ທັດສະນະ​ແຫ່ງ​ການ​ຢຶດໝັ້ນ ແລະ ການ​ປ່ຽນແປງ​ໃໝ່, ລະຫວ່າງ ການ​ສືບ​ທອດ ແລະ ການ​ພັດທະນາ ຢ່າງ​ກົມ​ກຽວ. ກອງ​ປະຊຸມ​ໃຫຍ່​ໄດ້​ສ່ອງ​ແສງ​ໃຫ້​ເຫັນ ບັນດາ​ຜົນສຳເລັດ​ທີ່​ຍາດ​ມາ​ໄດ້​ຢ່າງ​ພາວະ​ວິໄສ ຮອບດ້ານ, ບັນດາ​ຂໍ້ຄົງຄ້າງ ແລະ ຈຸດ​ອ່ອນ, ຊີ້​ໃຫ້​ເຫັນ​ເຖິງ​ສາເຫດ ແລະ ບົດຮຽນ​ທີ່​ຖອດ​ຖອນ​ໄດ້; ກອງ​ປະຊຸມ​ໃຫຍ່​ສືບຕໍ່​ຢືນຢັນ ຢຶດໝັ້ນ​ລັດທິ ມາກ​-​ເລ​ນິນ, ແນວ​ຄິດ​ໂຮ່​ຈິ​ມິນ ມາ​ໝູນ​ໃຊ້​ຢ່າງ​ປະດິດ​ສ້າງ ໂດຍ​ສອດຄ່ອງ​ກັບ​ພຶດຕິ​ກຳ​ຕົວ​ຈິງ​ຂອງ​ຫວຽດນາມ; ຢຶດໝັ້ນ​ຈຸດໝາຍ​ເອກະລາດ​ແຫ່ງ​ຊາດ ຕິດ​ພັນ​ກັບ ລັດທິ​ສັງຄົມ​ນິຍົມ; ເປັນ​ເຈົ້າ​ການ​ສືບຕໍ່​ຍູ້​ແຮງພາ ລະກິດ​ການ​ປ່ຽນແປງ​ໃໝ່​ຮອບ ດ້ານ, ຄົບ​ຊຸດ, ຕັ້ງໜ້າ​ເຊື່ອມ​ໂຍງ​ກັບ​ສາກົນ, ນຳ​ເອົາ​ປະເທດ​ຊາດ​ກ້າວ​ຂຶ້ນ​ມີ​ການ​ພັດທະນາ​ດ້ວຍ​ຈັງຫວະ​ໄວ ແລະ ໝັ້ນທ່ຽງ ​ກວ່າ​ເກົ່າ​ໃນ​ໄລຍະ​ໃໝ່. ສະ ຫາຍ ເລ ຮ່​ວາຍ ຈຸງ ຍັງ​ໄດ້​ຢືນ ຢັນຄືນ​ແນວທາງ​ການ​ຕ່າງ ປະ ເທດ​ເອກະລາດ, ເອກະລາດ​ເປັນ​ເຈົ້າ​ຕົນ​ເອງ, ຫຼາຍ​ຮູບ​ຫຼາຍ​ສີ, ຕັ້ງໜ້າ​ເປັນ​ເຈົ້າ​ການ​ໃນ​ການ​ເຊື່ອມ​ໂຍງ​ກັບ​ພາກ​ພື້ນ ແລະ ສາກົນຮັກສາ​ສະພາບ​ແວດ​ລ້ອມ​ສັນຕິພາບສະຖຽນ​ລະ​ພາບ, ສືບຕໍ່​ຍົກ​ສູງ​ພາລະ​ບົດບາດ​ໃນ​ເວທີ​ພາກ​ພື້ນ ແລະ ສາ​ກົນ.

ສະຫາຍ ເລ ຮວ່າຍ ຈຸງ ໄດ້​ຢືນຢັນ​ວ່າ ພັກ, ລັດຖະບານ ຫວຽດນາມ​ໃຫ້​ບຸລິ​ມະ​ສິດ​ແກ່​ການ​ເສີມ​ຂະຫຍາຍ​ສາຍ​ພົວ ພັນ​ພິເສດ ຫວຽດນາມ​-​ລາວ ແລະ ໄດ້​ສະແດງ​ຄວາມ​ຂອບ ໃຈ ມາ​ຍັງ​ຄະນະ​ບໍລິຫານ​ງານ​ສູນ​ກາງ​ພັກ ປປ​ ລາວ.

ບັນດາ​ການ​ນຳ​ພັກ, ລັດ, ຄະນະ​ອ້ອມ​ຂ້າງ​ສູນ​ກາງ​ພັກ, ກະຊວງ, ຂະແໜງການ, ແນວ ລາວ​ສ້າງ​ຊາດ ແລະ ບັນດາອົງ ການ​ຈັດ​ຕັ້ງມະຫາຊົນຂອງລາວ ທີ່​ໄດ້​ສົ່ງໂທລະເລກອວຍພອນ ເຖິງ​ກອງ​ປະຊຸມ​ໃຫຍ່ ກໍຄື​ບັນ ດາຄູ່ຮ່ວມຕຳແໜ່ງຂອງ​ຫວຽດ ນາມ ຊຶ່ງ​ເປັນ​ການສະແດງໃຫ້​ ເຫັນ​ເຖິງ​ການພົວພັນພິເສດ​ລະ ຫວ່າງ ຫວຽດນາມ ແລະ ລາວ.

ສະຫາຍ ນາງ ສູນ​ທອນ ໄຊ​ຍະ​ຈັກ ໄດ້​ຕີ​ລາຄາ​ສູງ​ຕໍ່​ຜົນສຳເລັດ​ການ​ດຳເນີນ​ກອງ ​ປະຊຸມ​ໃຫຍ່​ຜູ້​ແທນ​ທົ່ວ​ປະ ເທດ​ຄັ້ງ​ທີ XIII ຂອງ​ພັກ​ກອມ​ມູ​ນິດ​ຫວຽດນາມ ຊຶ່ງ​ແມ່ນ ໝາກຜົນ​ແຫ່ງ​ການ​ສັງ​ລວມ​ສະຕິປັນຍາ​ອັນ​ຍອດ​ຍິ່ງ​ຂອງ​ທົ່ວ​ພັກ, ທົ່ວ​ປວງ​ຊົນ, ເປັນ​ການສະແດງ​ເຖິງ​ຄວາມ​ເປັນ​ເອກະ​ພາບ ແລະ ການ​ຕັດສິນ​ໃຈ​ອັນ​ສູງ​ສົ່ງ​ຂອງ​ພັກ​ກອມ​ມູ​ນິດ​ຫວຽດນາມ ໃນ​ການ​ສືບຕໍ່​ພາລະກິດ​ປົກ​ປັກ​ຮັກສາ ແລະ ພັດທະນາ​ປະເທດ ຕາມ​ທິດ​ສັງຄົມ​ນິຍົມ; ພ້ອມ​ທັງ​ສະແດງ​ຄວາມ​ເຊື່ອ​ໝັ້ນ​ວ່າ ພາຍ​ໃຕ້​ການ​ນຳພາ​ຂອງ​ພັກ​ກອມ​ມູ​ນິດ​ຫວຽດນາມ, ປະຊາຊົນ​ຫວຽດນາມ​ອ້າຍ​ນ້ອງ ຈະ​ສືບຕໍ່​ຍາດ​ໄດ້ຜົນ​ສຳ ເລັດ​ໃໝ່​ໃຫຍ່​ຫຼວງ ກວ່າ​ເກົ່າ​ໃນ​ພາລະກິດ​ປ່ຽນແປງ​ໃໝ່, ປະຕິບັດ​ມະຕິ​ກອງ​ປະຊຸມໃຫຍ່​ ຄັ້ງ​ທີ XIII ຂອງ​ພັກ ຢ່າງ​ມີ​ໄຊ, ສ້າງສາ​ປະເທດ​ຊາດ​ຫວຽດນາມ ກາຍ ເປັນ​ປະເທດ​ເຂັ້ມແຂງ ແລະ ວັດທະນາ​ຖາວອນ​ໃນ​ສະຕະ ວັດ​ທີ XXI. ສອງ​ຝ່າຍ​ໄດ້​ເອກະ​ພາບ​ກັນ​ແລະ ຕີ​ລາຄາ​ສູງ​ຕໍ່​ສາຍ​ພົວພັນ​ມິດຕະພາບ​ທີ່​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ ແລະ ປະຊາຊົນ​ສອງ​ຊາດ ລາວ​-​ຫວຽດນາມ ທີ່​ໄດ້​ຮັບ​ການ​ຖະ​ນຸ​ຖະ ໜອມ ແລະ ເສີມ​ຂະຫຍາຍ​ນັບ​ມື້​ເຂົ້າ​ສູ່​ລວງ​ເລິກ, ມີ​ຄວາມ​ສະໜິດສະໜົມ, ໄວ້​ເນື້ອ​ເຊື່ອ​ໃຈ​ເຊິ່ງ​ກັນ ແລະ ກັນ, ເປັນ​ການ​ພົວພັນ​ທີ່​ເປັນ​ແບບຢ່າງ, ຊື່ສັດ​ບໍລິສຸດ ທີ່​ຫາ​ຍາກ, ເປັນ​ໜື່ງ​ໃນ​ປັດໃຈ​ຕັດສິນ​ໄຊຊະນະ​ຂອງ​ພາລະກິດ​ປະຕິວັດ​ຂອງ​ສອງ​ປະເທດ ລາວ ແລະ ຫວຽດນາມ. ສອງ​ຝ່າຍ​ຢືນຢັນ​ຈະ​ເຮັດ​ສຸດ​ຄວາມ​ສາມາດ​ຂອງ​ຕົນ​ເພື່ອ​ປົກ​ປັກ​ຮັກສາ ແລະ ເພີ່ມ​ພູນ​ຄູນ​ສ້າງ​ສາຍ​ພົວພັນ​ມິດຕະພາບ ທີ່​ຍິ່ງ​ໃຫຍ່, ຄວາມ​ສາມັກຄີ​ພິເສດ ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ປະເທດ ລາວ- ​ຫວຽດນາມ ໃຫ້​ນັບ​ມື້​ໄດ້​ຮັບ​ການ​ ຂະຫຍາຍຕົວ ແລະ ຂຽວ​ສົດ​ງົດ​ງາມ​ຕະຫຼອດ​ການ​ລະ​ນານ.

ສອງ​ຝ່າຍ​ໄດ້​ຢືນຢັນ​ຈະ​ຮ່ວມ​ກັນ​ຜ່ານ​ຜ່າ​ທຸກ​ຄວາມ​ຫຍຸ້ງຍາກ, ສິ່ງ​ທ້າ​ທາຍ ແລະ ປະສານ​ສົມທົບ​ກັນ​ຢ່າງ​ແໜ້ນ ​ແຟ້ນ​ໃນ​ການຈັດຕັ້ງ​ຜັນຂະ ຫຍາຍ​ມະຕິ​ກອງ​ປະຊຸມ​ໃຫຍ່​ຂອງ​ແຕ່​ລະ​ພັກ ແລະ ປະຕິບັດ​ບັນດາ​ບົດ​ບັນທຶກ​ຂໍ້​ຕົກລົງ​ລະ ຫວ່າງ​ການ​ນຳ​ຂັ້ນ​ສູງ​ຂອງ​ສອງ​ພັກ, ສອງ​ລັດ ຢ່າງ​ມີ​ປະສິດ​ທິ​ຜົນ.

(ຂ່າ​ວ: ຄ​ຕ​ພ, ພາບ: ສຸກ​ສະ​ຫວັນ​)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com