Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ສະຫຼຸບການຄົ້ນຄວ້າແນວຄິດ ໄກສອນ ພົມວິຫານ ໄລຍະທີ 1

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 13/04/2021 10:01:23 ຈຳ​ນວນ​​ຢ້ຽມ​ຊົມ 5283 ຄັ້ງ

ຄະນະ​ຮັບຜິດຊອບ​ການ​ຄົ້ນຄວ້າ​ແນວ​ຄິດ​ໄກສອນ ພົມວິຫານ ໄດ້​ຈັດ​ກອງ​ປະຊຸມ​ສະຫຼຸບ​ການຈັດຕັ້ງ​ປະຕິບັດ​ວຽກ​ງານ​ການ​ຄົ້ນຄວ້າ​ແນວ​ຄິດ ໄກສອນ ພົມວິຫານ ໄລຍະ​ທີ 1 (2019-2020) ແລະ ທິດ​ທາງ​ແຜນການ​ປະ​ຈໍາ​ປີ 2021 ຂຶ້ນ​ເມື່ອບໍ່​ດົນ​ມານີ້ ທີ່​ສະ​ຖາ​ບັນ​ການ​ເມືອງ​-​ການ​ປົກຄອງ​ແຫ່ງ​ຊາດ (ສມປຊ) ພາຍ​ໃຕ້​ການ​ເປັນ​ປະທານ​ຂອງ​ທ່ານ ຄໍາ​ພັນ  ພົມ​ມະ​ທັດ  ກໍາ​ມະ​ການ​ກົມ​ການເມືອງ​ສູນ​ກາງ​ພັກ  ຄະນະ​ເລຂາທິການ​ສູນ​ກາງ​ພັກ ປະທານ​ກວດກາ​ສູນ​ກາງ​ພັກ ປະທານ​ທິດ​ສະ​ດີ​ສູນ​ກາງ​ພັກ ຫົວໜ້າ​ຄະນະ​ຮັບຜິດຊອບ​ການ​ຄົ້ນຄວ້າ​ແນວ​ຄິດ​ໄກສອນ ພົມວິຫານ, ເປັນ​ກຽດ​ເຂົ້າ​ຮ່ວມ ທ່ານ ສົມ​ສະຫວາດ ເລັ່ງ​ສະ​ຫວັດ ອະ​ດີດ​ກໍາ​ມະ​ການ​ກົມ​ການເມືອງ​ສູນ​ກາງ​ພັກ ທີ່​ປຶກສາ​ຄະນະ​ຮັບຜິດຊອບ​ການ​ຄົ້ນຄວ້າ ແນວ​ຄິດ​ ໄກສອນ ພົມ​ວິ​ຫານ, ມີ​ພາກສ່ວນ​ກ່ຽວຂ້ອງ​ເຂົ້າ​ຮ່ວມ.
ກອງ​ປະຊຸມ​ຄັ້ງ​ນີ້ ເພື່ອ​ຕີ​ລາຄາ​ຄືນ​ສະພາບ​ການຈັດຕັ້ງ​ປະຕິບັດ​ວຽກ​ງານ ແລະ ຜົນ​ສໍາ​ເລັດ​ຂອງ​ການ​ຄົ້ນຄວ້າ ໃນ​ໄລຍະ​ທີ່​ຜ່ານ​ມາ.  ພ້ອມ​ທັງ​ປຶກສາ​ຫາລື​ທິດ​ທາງ​ແຜນການ ເຄື່ອນ​ໄຫວ​ຄົ້ນຄວ້າ​ໃນຕໍ່ໜ້າ ໂດຍ​ວາງ​ຄາດໝາຍ ເລີ່ມ​ແຕ່ 2022-2024 ຊຶ່ງ​ຈະ​ສຸມ​ໃສ່ ການ​ປະ​ກອບ​ຄໍາ​ເຫັນ​ຕໍ່​ກັບ​ບົດ​ວິພາກ​ຂອງ​ສູນ​ຄົ້ນຄວ້າ ໃນ​ໄລຍະ​ປີ 2020-2023 ພ້ອມ​ທັງ​ຄົ້ນຄວ້າ​ລົງ​ເລິກ 3 ຂົງເຂດ ຄື: ຄົ້ນຄວ້າ, ຮິບ​ໂຮມ​ເອກະສານ, ຂໍ້​ມູນ​ຕ່າງໆ ເພື່ອ​ສ້າງ​ເປັນ ນິພົນ​ຄົບ​ຊຸດ ໄກສອນ ພົມວິຫານ ຊຶ່ງ​ໄດ້​ວາງ​ຄາດໝາຍໃຫ້​ສໍາ​ເລັດ ຈໍາ​ນວນ 9 ເຫຼັ້ມ; ຄົ້ນຄວ້າ​ຫົວຂໍ້​ສະເພາະ ໂດຍ​ສຸມ​ໃສ່​ຄົ້ນຄວ້າ ກ່ຽວ​ກັບ​ຊີວິດ ແລະ ພາລະກິດ​ປະຕິວັດ ຂອງ​ປະທານ ໄກສອນ ພົມວິຫານ ຊຶ່ງ​ວາງ​ຄາດໝາຍ​ໃຫ້​ສໍາ​ເລັດ 2 ຫົວຂໍ້​ໃຫຍ່.
ທ່ານ ດາວ​ສະຫວັນ ເຄືອ​ມີ​ໄຊ ຫົວໜ້າ​ສູນ​ຄົ້ນຄວ້າ​ແນວ​ຄິດ ໄກສອນ ພົມວິຫານ ຫົວໜ້າ​ກອງ​ເລຂາ​ຄະນະ​ຮັບຜິດຊອບ​ການ​ຄົ້ນຄວ້າແນວ​ຄິດ ໄກສອນ ພົມວິຫານ ໄດ້​ລາຍ​ງານວ່າ: ໄລຍະ​ຜ່ານ​ມາ ໄດ້​ຄົ້ນຄວ້າ ບົດ​ວິທະຍາສາດ ໃນ​ຫົວຂໍ້: “ແນວ​ຄິດ ໄກສອນ ພົມວິຫານ ກ່ຽວ​ກັບ ການ​ປ່ຽນ ແປງ​ໃໝ່​ຢູ ສປປ ລາວ, ໃນ​ນັ້ນ ໄດ້​ແບ່ງ​ອອກ​ເປັນ​ຫົວຂໍ້​ລົງ​ເລິກ​ຄົ້ນຄວ້າ​ໃນ 6 ຂົງເຂດ;  ຊຶ່ງ​ມາ​ຮອດ​ປັດຈຸບັນ ແມ່ນ​ສໍາ​ເລັດການ​ຄົ້ນຄວ້າ, ຂຽນ​ເນື້ອ​ໃນ​ໂດຍ ​ພື້ນຖານ ແລະ ໄດ້​ຈັດ​ສໍາມະ​ນາ ​ວິທະຍາ​ສາດ​ສໍາ​ເລັດ​ແລ້ວ​ທຸກ​ຂົງເຂດ ແລະ ກໍາ​ລັງ​ສຸມ​ໃສ່​ການ​ປັບປຸງ ເພື່ອ​ຮັບຮອງ​ຄຸນ​ນະ​ພາບ ແລະ ຈັດ​ພິມ​ເປັນ​ຜະລິດ​ຕະ​ພັນ​ຂອງ​ການ​ຄົ້ນ​ຄວ້າ.
ສໍາ​ລັບ​ຫົວຂໍ້: “ຄຸນສົມບັດ, ສິນ​ທໍາ​ປະຕິວັດ​ອັນ​ສູງ​ສົ່ງ​ຂອງ​ປະທານ​ໄກສອນ ພົມວິຫານ”  ແມ່ນ​ໄດ້​ແບ່ງ​ອອກ​ເປັນ 7 ຫົວຂໍ້​ຍ່ອຍ,  ນອກຈາກ​ນີ້ ຍັງ​ໄດ້​ສ້າງ​ແຜນ​ຈັດ​ພິມ​ນິພົນ​ຄົບ​ຊຸດ ໄກສອນ ພົມວິຫານ ຈໍາ​ນວນ 13 ເຫຼັ້ມ, ສາມາດ​ເກັບ​ກໍາ​ເອກະ ສານ​ທີ່​ເປັນ​ບົດ​ຂຽນ, ບົດ​ໂອ້​ລົມ, ບົດ​ປາ​ໄສ ຂອງ​ປະທານ ໄກສອນ ພົມວິຫານ  ໄດ້​ຈໍາ​ນວນ 500 ກວ່າ​ລາຍ​ການ.
ໃນ 6 ເດືອນ​ຕໍ່ໜ້າ ກະ​ກຽມ​ສໍາ​ມະ​ນາ​ວິທະຍາສາດ​ລະດັບ​ຊາດ ຈໍາ​ນວນ 6 ຫົວຂໍ້, ເພື່ອ​ປະກອບສ່ວນ​ສະເຫຼີມສະຫຼອງ ວັນ​ສະຖາປະນາ ສປປ ລາວ ຄົບຮອບ 46 ປີ ແລະ ວັນ​ເກີດ​ປະທານ​ໄກສອນ ພົມວິຫານ ຄົບຮອບ 101 ປີ, ກຽມ​ພິມ​ຈໍາ​ໜ່າຍ​ຜະລິດ​ຕະ​ພັນ​ຈໍາ​ນວນ​ໜຶ່ງ ເພື່ອ​ສະເຫຼີມສະຫຼອງ ວັນ​ເກີດ​ປະທານ​ໄກສອນ ພົມວິ ຫານ ຄົບຮອບ 101 ປີ ແລະ ວຽກ​ງານ​ອື່ນໆ.
ກອງ​ປະຊຸມ ທ່ານ ຄໍາ​ພັນ ພົມ​ມະ​ທັດ, ໄດ້​ສະແດງ​ຄວາມ​ຊົມເຊີຍ​ຕໍ່​ຄະນະ​ຮັບ ຜິດຊອບ​ທີ່​ໄດ້​ກະກຽມ​ຈັດ​ຕັ້ງ​ກອງ​ປະຊຸມ​ສະຫຼຸບ ແລະ ຕີ​ລາຄາ​ສູງ ຕໍ່​ກັບ​ສະພາບ​ການ ຈັດຕັ້ງ​ແຜນການ​ຄົ້ນຄວ້າວິທະ ຍາສາດ​ໃນ​ໄລ​ຍະ​ຜ່່ານ​ມາ.  ພ້ອມ​ທັງ​ເນັ້ນ​ໃຫ້​ສູນ​ຄົ້ນຄວ້າ​ແນວ​ຄິດ ໄກສອນ ພົມວິຫານ ໃນ​ຖານະ​ເປັນ​ກອງ​ເລຂາ​ຂອງ​ຄະນະ​ຮັບຜິດຊອບ ການ​ຄົ້ນຄວ້າ​ແນວ​ຄິດ​ໄກສອນ ປັບປຸງ​ຄືນ ເນື້ອ​ໃນ​ເອກະສານ ຕາມ​ເນື້ອ​ໃນ​ການ​ປະ​ກອບ​ຄໍາ​ເຫັນ​ຂອງ​ຜູ້​ເຂົ້າ​ຮ່ວມ, ສະເໜີ​ໃຫ້​ຄະນະ​ຮັບຜິດຊອບການ​ຄົ້ນຄວ້າ​ແນວ​ຄິດ ໄກສອນ ພົມ ວິຫານ ຂອງ​ບັນດາ​ກະຊວງ, ອົງການ, ຍົກ​ສູງ​ຄວາມ​ຮັບ ຜິດຊອບ ໃນ​ການ​ຄົ້ນຄວ້າ​ຫົວ​ຂໍ້​ຈໍາ​ນວນ​ໜຶ່ງ ເປັນຕົ້ນ​ແມ່ນ ຂົງເຂດ​ການ​ສຶກສາ, ສາທາ ລະນະ​ສຸກ, ແຮງ​ງານ, ຂົງເຂດ​ວຽກ​ງານ​ຖະແຫຼງ​ຂ່າວ ແລະ ຂົງເຂດ​ອື່ນໆ.
 ( ຂ່າວ: ແສງ​ຈັນ)
 


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com