ຂ່າວສານຊີອາໄອລາຍງານວ່າ: ໃນລະຫວ່າງວັນທີ 15-16 ເມສາຜ່ານມ, ຢູ່ກຳແພງນະຄອນຊຽງໄຮ້, ຈີນ ແລະ ອາເມຣິກາ ໄດ້ຈັດການເຈລະຈາເພື່ອຫາລືບັນຫາວິກິດການດິນຟ້າອາກາດ. ຫຼັງການເຈລະຈາ, ສອງຝ່າຍໄດ້ປະກາດຖະແຫຼງການຮ່ວມ.

ຖະແຫຼງການຮ່ວມລະບຸວ່າ: ຈີນ ແລະ ອາເມຣິກາ ຈະສຸມໃສ່ການຮ່ວມມືກັນ ພ້ອມທັງຮ່ວມກັບປະເທດອື່ນໆ ເພື່ອແກ້ໄຂວິກິດການດິນຟ້າອາກາດ ໂດຍຈະຮັບມືຕາມຄວາມຮຽກຮ້ອງຕ້ອງການຢ່າງຂ້ຽວຂາດ ແລະ ຄວາມຮີບດ່ວນ, ລວມທັງການເພີ່ມທະວີການເຄື່ອນໄຫວຂອງໃຜລາວ ແລະ ການຮ່ວມມືກັນຢູ່ພາຍໃຕ້ສົນທິສັນຍາຂອບການປ່ຽນແປງດິນຟ້າອາກາດຂອງອົງການສະຫະປະຊາຊາດ, ສັນຍາປາຣີ ແລະ ຂະບວນການຫຼາຍຝ່າຍອື່ນໆ.

ນອກນີ້, ສອງຝ່າຍ ຍັງຈະໃຊ້ການເຄື່ອນໄຫວໄລຍະໃກ້ ເພື່ອປະກອບສ່ວນເຂົ້າໃນການແກ້ໄຂວິກິດການດິນຟ້າອາກາດຕື່ມອີກ ຊຶ່ງລວມການຈັດວາງຍຸດທະສາດໄລຍະຍາວຂອງແຕ່ລະຝ່າຍ ເພື່ອບັນລຸການປອດການລະບາຍກາກບອນດີອອກຊິດ ຫຼື ອາຍອຸ່ນເຮືອນແກ້ວ, ທຳຄວາມພະຍາຍາມສຸດຂີດໃນການເພີ່ມທະວີການລົງທຶນ ແລະ ການລະດົມທຶນ ເພື່ອສະໜັບສະໜູນປະເທດພວມພັດທະນາ ຫັນປ່ຽນຈາກການນຳໃຊ້ພະລັງງານຊາກຫີນທີ່ມີກາກບອນສູງ ໄປສູ່ພະລັງງານທີ່ລະບາຍກາກບອນຕ່ຳ, ພະລັງງານໝູນວຽນ ແລະ ອື່ນໆ.

ພາຍຫຼັງຈີນ - ອາເມຣິກາ ປະກາດຖະແຫຼງການຮ່ວມ, ທ່ານ ຊິດດາສ ຈັດເຕີຈີ ຜູ້ປະສານງານຂອງອົງການສະຫະປະຊາຊາດ ປະຈຳ ສປຈີນ ກ່າວວ່າ: ຈີນ-ອາເມຣິກາ ຮ່ວມມືກັນຮັບມືກັບການປ່ຽນແປງຂອງດິນຟ້າອາກາດນັ້ນແມ່ນເລື່ອງສຳຄັນທີ່ສຸດຕໍ່ປະຊາຄົມໂລກ. ທ່ານ ກ່າວຕື່ມວ່າ: ໃນຖານະທີ່ເປັນ 2 ກຸ່ມເສດຖະກິດຕົ້ນຕໍທີ່ໃຫຍ່ສຸດໃນໂລກ, ຈີນ ແລະ ອາເມຣິກາ ຮ່ວມມືກັນໃນດ້ານການປ່ຽນແປງຂອງດິນຟ້າອາກາດນັ້ນ ຈະປ່ຽນແປງອະນາຄົດໃນທົ່ວຂົງເຂດການປ່ຽນແປງຂອງດິນຟ້າອາກາດ. ລະບົບອົງການສະຫະປະຊາຊາດ ສາມາດສະໜອງເວທີຫຼາຍຝ່າຍທີ່ດີທີ່ສຸດ ໃຫ້ແກ່ການຊຸກຍູ້ການເຈລະຈາໃນດ້ານການປ່ຽນແປງຂອງດິນຟ້າອາກາດ, ການຮ່ວມມື ຈີນ ອາເມຣິກາ ສາມາດເຮັດໃຫ້ໂລກຈົບງາມກວ່າເກົ່າໄດ້. ໂລກພວມປະເຊີນໜ້າກັບວິກິດການດ້ານດິນຟ້າອາກາດ, ການຮ່ວມມື ລະຫວ່າງ ຈີນ ກັບ ອາເມຣິກາ ຈະເສີມຂະຫຍາຍບົດບາດອັນໃຫຍ່ຫຼວງໃນດ້ານການຊົມໃຊ້ເຕັກນິກ, ຊົມໃຊ້ຄວາມຮູ້, ການຖອດຖອນບົດຮຽນ ແລະ ດ້ານອື່ນໆ.