ວິທະຍຸກະຈາຍສຽງຫວຽດນາມລາຍງານ ຫວ່າງບໍ່ດົນມານີ້, ສະຫະພາບ ເອີລົບ (EU) ໄດ້ປະກາດແຜນການເພີ່ມທະວີການມີໜ້າຢູ່ພາກພື້ນ ມະຫາສະມຸດອິນເດຍ-ປາຊີຟິກ. ໃນຖະແຫຼງການໄດ້ຍົກອອກມາ ທີ່ກອງປະຊຸມທາງອອນລາຍ, ລັດຖະມົນຕີກະຊວງການຕ່າງປະເທດ ບັນດາປະເທດສະມາຊິກ ໄດ້ຊີ້ແຈ້ງວ່າ: EU ພວມຊັ່ງຊາ “ຄວນປັບປຸງຈຸດສຸມຍຸດທະສາດ, ການມີໜ້າ ແລະ ບັນດາການກະທຳຢູ່ ມະຫາສະມຸດອິນເດຍ-ປາຊີຟິກ. ບົນພື້ນຖານເສີມຂະຫຍາຍອະທິປະໄຕ, ອຳນາດກົດໝາຍ, ສິດທິມະນຸດ ແລະ ກົດໝາຍສາກົນ”. ບັນດາລັດຖະມົນຕີການຕ່າງປະເທດ ໄດ້ເຫັນດີເປັນເອກະພາບຈະພະຍາຍາມຮ່ວມມືກັບ “ບັນດາຄູ່ຮ່ວມມືທີ່ມີຈຸດມຸ່ງໝາຍດຽວກັນ” ເພື່ອແນໃສ່ຮັກສາບັນດາສິດພື້ນຖານໃນພາກພື້ນ ມະຫາສະມຸດອິນເດຍ-ປາຊີຟິກ. ແຜນການນີ້ອາດຈະມີຄວາມໝາຍດຽວກັນກັບ EU ຈະເພີ່ມທະວີການເຄື່ອນໄຫວທາງການທູດ ໃນບັນດາບັນຫາທີ່ກ່ຽວຂ້ອງເຖິງ ມະຫາສະມຸດອິນເດຍ-ປາຊີຟິກ, ຜັນຂະ ຫຍາຍບຸກຄະລາກອນໃຫ້ຫຼາຍກວ່າເກົ່າ ແລະ ຍູ້ແຮງການລົງທຶນຢູ່ພາກພື້ນ, ກໍ່ຄືອາດຈະເພີ່ມທະວີການມີໜ້າໃນການຮັກສາການປ້ອງກັນຊາດ, ປ້ອງກັນຄວາມສະຫງົບ. ສິ່ງນີ້ຈະລວມມີການຮັບມືກັບບັນດາສິ່ງທ້າທາຍຕໍ່ຄວາມໝັ້ນຄົງສາກົນ, ໃນນັ້ນມີຄວາມໝັ້ນຄົງໃນການເດີນເຮືອ.