ຂ່າວສານຫວຽດນາມລາຍງານວ່າ: ການຫັນເປັນດີຈີຕອນ ແລະ ເຕັກໂນໂລຢີ ກໍ່ຄືການປະຕິວັດອຸດສາຫະກຳ ຄັ້ງທີ 4 ໄດ້ມີຜົນກະທົບຢ່າງໃຫຍ່ຫຼວງຕໍ່ເສດຖະກິດ, ອຸດສະຫະກຳ ແລະ ວຽກເຮັດງານທຳໃນທົ່ວອາຊຽນ.

ຂ່າວລະບຸວ່າ: ວັນທີ 20 ເມສາ, ຄະນະເລຂາອາຊຽນ ໄດ້ຮ່ວມມືກັບສະຖາບັນຄົ້ນຄວ້າເສດຖະ ກິດອາຊຽນ ແລະ ອາຊີຕາເວັນອອກ (ERIA) ແລະ ກະຊວງສຶກສາຟີລິບປິນ - ປະທານກອງປະຊຸມເຈົ້າໜ້າທີ່ອາວຸໂສອາຊຽນກ່ຽວກັບການສຶກສາ (SOMED) ໄດ້ຈັດກອງປະຊຸມສຳມະນາທີ່ມີຫົວຂໍ້ວ່າ "ການກະກຽມກຳລັງແຮງງານອາຊຽນ ສຳລັບໄລຍະຫຼັງ COVID -19."

ກອງປະຊຸມສຳມະນານີ້ແມ່ນນອນໃນຂອບເຂດກອງປະຊຸມສຳມະນາດ້ວຍຫົວຂໍ້ກ່ຽວກັບອາຊຽນ, ຊຶ່ງຮ່ວມກັນ ໂດຍກອງເລຂາອາຊຽນ ແລະ ERIA ເພື່ອປຶກສາຫາລື ແລະ ແລກປ່ຽນຄວາມຮູ້, ປະສົບການ ແລະ ສະເໜີນະໂຍບາຍຕ່າງໆ ເພື່ອຊຸກຍູ້ການຊຸກຍູ້ການຟື້ນຟູຫຼັງໂຣກລະບາດ COVID-19.

ໃນບົດກ່າວປາໄສເປີດກອງປະຊຸມ, ທ່ານ ຄຸງ ພົວກາກ ຮອງເລຂາທິການໃຫຍ່ອາຊຽນຮັບຜິດ ຊອບປະຊາຄົມວັດທະນະທຳ-ສັງຄົມ ໄດ້ເນັ້ນໜັກວ່າ ໃນສະພາບການຂອງໂຣກລະບາດ COVID-19 ມີຜົນກະທົບໃນບັນດາປະເທດ, ການຮ່ວມມືໃນພາກພື້ນແມ່ນສຳຄັນຂຶ້ນກວ່າເກົ່າ. ອາຊຽນ ຄວນໃຊ້ປະ ໂຫຍດຈາກໂອກາດນີ້ໃນການແກ້ໄຂບັນຫາຊອງຫວ່າງຄວາມສາມາດ ແລະ ການຫວ່າງງານ ໂດຍຜ່ານຫຼາຍວິທີການ.

ຕໍ່ບັນຫານີ້, ບັນດາຜູ້ນຳອາຊຽນ ໄດ້ຕົກລົງທີ່ຈະສົ່ງເສີມການສຶກສາ ແລະ ການຝຶກອົບຮົມດ້ານວິຊາການ (TVET). ໂດຍຮັບຮູ້ເຖິງຄວາມສຳຄັນຂອງການຮ່ວມມືແບບຕ່າງຝ່າຍຕ່າງມີຜົນປະໂຫຍດໃນການສົ່ງເສີມ TVET, ອາຊຽນໄດ້ສ້າງຕັ້ງສະພາ TVET ໃນເດືອນມິຖຸນາປີ 2020 ເພື່ອອຳນວຍຄວາມສະດວກໃຫ້ແກ່ການປະສານງານ, ການຄົ້ນຄວ້າ ແລະ ການພັດທະນາກ່ຽວກັບການປະດິດສ້າງໃໝ່ ແລະການຕິດຕາມກວດກາຂອງໂຄງການ TVET ໃນພາກພື້ນ.