ຫົວ​ຂໍ້ : ຈີນ-ມຽນມາ ເສີມຂະຫຍາຍການພົວພັນສອງຝ່າຍ ທີ່ປະດິດສ້າງໃໝ່

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 21/01/2020 09:08:33 ຈຳ​ນວນ​ຜູ້​ເຂົ້າ​ຢ້ຽມ​ຊົມ 329 ຄັ້ງ

ຮຽບຮຽງ​ໂດຍ: ສີ​ວັນ

      ໃນ​ພິທີ​ສະເຫຼີມສະໜອງ​ວັນ​ສ້າງຕັ້ງ​ສາຍ​ພົວພັນ​ທາງ​ ການ​ທູດ ຈີນ​-​ມຽນ​ມາ ຄົບຮອບ 70 ປີ ແລະ ​ພິທີ​ເປີດ​ປີ​ວັດທະ ນະທຳ ແລະ ທ່ອງ​ທ່ຽວ ຈີນ​-​ມຽນ ​ມາ ເມື່ອ​ວັນ​ທີ 17 ມັງກອນ​ຜ່ານ​ມາ, ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ທີ່​ດໍາ​ເນີນ​ການ​ຢ້ຽມ ຢາມ​ມຽນ​ມາ ກ່າວ​ຄຳ​ປາ​ໄສ​ໂດຍ​ເນັ້ນ​ວ່າ: ການ​ຊຸກຍູ້​ການ​ຂະຫຍາຍຕົວ​ຂອງ​ການ​ພົວພັນ ລະຫວ່າງ ຈີນ - ມຽນ​ມາ ໃນ​ຍຸກ​ໃໝ່, ຕ້ອງ​ສືບ​ທອດ​ອັນ​ເກົ່າ ແລະ ເສີມ​ຂະຫຍາຍ​ອັນ​ໃໝ່, ທັງ​ຮັກສາ​ມູນເຊື້ອ​ອັນ​ດີງາມ​ໃນ​ປະຫວັດສາດ, ທັງ​ມີ​ການ​ປະດິດ​ສ້າງ​ໃໝ່ ຊຶ່ງ​ໄດ້​ຊີ້​ນຳ​ທິດ​ທາງ​ຢ່າງ​ຈະແຈ້ງ​ຕໍ່​ການ​ພົວພັນ ຈີນ​-​ມຽນ​ມາ ໃນ​ຍຸກ​ໃໝ່.
       ຈີນ ແລະ ມຽນ​ມາ​ເປັນ​ປະເທດ​ບ້ານ​ໃກ້​ເຮືອນ​ຄຽງ, ປະຊາຊົນ​ສອງ​ປະເທດ​ໄດ້​ມີ​ການ​ໄປມາຫາສູ່​ກັນ​ເປັນ​ເວລາ 1.000 ກວ່າ​ປີ​ມາ​ນີ້ ໂດຍ​ສະ ເພາະ​ນັບ​ແຕ່ ສປ ຈີນ ສະຖາ ປະນາ​ເປັນຕົ້ນ​ມາ, ການ​ໄປ ມາຫາສູ່​ກັນ ລະຫວ່າງ ຈີນ - ມຽນ​ມາ ໄດ້​ກາຍເປັນ​ແບບຢ່າງ​ທີ່​ດີ​ທາງ​ດ້ານ​ການ​ຢູ່​ຮ່ວມ​ກັນ​ຢ່າງ​ປອງ​ດອງ​ກັນ ແລະ ຮ່ວມ​ມື​ແບບ​ຕ່າງ​ຝ່າຍ​ຕ່າງ​ມີ​ຜົນ​ປະ ໂຫຍດ ລະຫວ່າງ ປະເທດ​ໃຫຍ່ ແລະ ປະເທດ​ນ້ອຍ. ທ່ານ ສີ​ຈິ້ນ​ຜິງ ໄດ້​ເນັ້ນ​ວ່າ: “ບຸນ​ວາດ​ສະໜາ” ເພື່ອ​ຫວນ​ຄືນ​ພື້ນຖານ​ປະຫວັດສາດ​ອັນ​ເລິກເຊິ່ງ​ໜັກ​ແໜ້ນ, ມີ​ມູນເຊື້ອ​ອັນ​ດີງາມ ແລະ ລ້ຳ​ຄ່າ ລະຫວ່າງ ການ​ພົວ ພັນ​ຂອງ​ສອງ​ປະເທດ, ທັງ​ໄດ້​ຊີ້​ອອກ​ວ່າ: ສອງ​ປະເທດ​ເປັນ​ປະເທດ​ບ້ານ​ໃກ້​ເຮືອນ​ຄຽງ, ປະຊາຊົນ​ສະໜິດສະໜົມ​ກັນ, ວັດທະນະທຳ​ຄ້າຍຄື​ກັນ, ຄວາມ​ຮັກແພງ​ຖານ​ອ້າຍ​ນ້ອງ​ໄດ້​ສືບ​ທອດ​ກັນ​ມາ​ເປັນ​ເວລາ​ພັນ​ປີ ຊຶ່ງ​ເປັນ​ພະລັງ​ແມ່​ແຮງ ແລະ ແຫຼ່ງ​ກຳເນີດ​ໃນ​ການ​ຂະຫຍາຍ​ການ​ພົວພັນ ລະຫວ່າງ ສອງ​ປະ​ເທດ.
      ຈີນ ແລະ ມຽນ​ມາ ເປີດ ຍຸກ​ໃໝ່​ໃຫ້​ແກ່​ສາຍ​ພົວພັນ ລະຫວ່າງ ສອງ​ປະເທດ​ເນື່ອງ​ໃນ​ໂອກາດ​ທີ່​ສອງ​ປະເທດ​ສ້າງ ຕັ້ງ​ສາຍ​ພົວພັນ​ທາງ​ການ​ທູດ​ຄົບຮອບ 70 ປີ ທີ່​ມີ​ຄວາມ​ໝາຍ​ສຳຄັນ​ຫຼາຍ. ທ່ານ ສີ​ຈິ້ນ​ຜິງ ກ່າວ​ຕື່ມ​ວ່າ: ການ​ພົວພັນ ລະຫວ່າງ ຈີນ ກັບ ມຽນ​ມາ ໄດ້​ກ້າວ​ເຂົ້າ​ສູ່​ຍຸກ​ໃໝ່​ແລ້ວ, ຕ້ອງ​ເຄົາລົບ​ຕ້ອງ​ປະຕິບັດ​ຕາມ​ການ​ສ້າງ​ປະຊາ​ຄົມ​ຮ່ວມ​ຊາຕາກຳ ຈີນ​-​ມຽນ​ມາ. ທ່ານ ຍັງ​ເນັ້ນ​ວ່າ: ການ​ພົວພັນ ລະຫວ່າງ​ສອງ​ປະເທດ​ກ້າວ​ເຂົ້າ​ສູ່​ຍຸກ​ໃໝ່, ຕ້ອງ​ຖື​ສຳຄັນ​ຜົນ​ປະໂຫຍດ​ພື້ນ ຖານ​ຂອງ​ປະຊາຊົນ​ສອງ​ຊາດ.
      ໃນ​ສະຖານະ​ການ​ໃໝ່, ທ່ານ ສີ​ຈິ້ນ​ຜິງ ກ່າວ​ວ່າ: ຈີນ ແລະ ມຽນ​ມາ ຄວນ​ສືບຕໍ່​ນຳ​ໜ້າ​ສົ່ງເສີມ​ແລະ ປະຕິບັດຫຼັກ 5 ປະການ ທີ່ຢູ່​ຮ່ວມ​ກັນ​ໂດຍ ​ສັນຕິ, ສືບຕໍ່​ໃຫ້ການ​ສະ ໜັບສະ ໜູນ​ແກ່​ກັນ​ໃນ​ອົງການ​ສະຫະ​ປະຊາຊາດ, ການ​ຮ່ວມ​ມື​ອາຊີ​ຕາເວັນ​ອອກ ແລະ ກາລະ​ໂອກາດ​ຕ່າງໆ; ປົກ​ປັກ​ຮັກສາ​ສັນຕິພາບ​ຂອງ​ໂລກ, ຊຸກຍູ້​ການ​ພັດທະນາ​ຮ່ວມ​ກັນ. ຈີນ ແລະ ມຽນ​ມາ ບໍ່​ພຽງ​ແຕ່​ຈະ​ບຸກເບີກ​ສະພາບ​ການ​ໃໝ່​ແຫ່ງ​ການ​ພັດທະນາ​ຂອງ​ປະເທດ​ຕົນ​ເທົ່າ​ນັ້ນ, ແຕ່​ຈະ​ເພີ່ມ​ກຳລັງ​ທາງ​ບວກ​ເຂົ້າ​ໃນ​ການ​ຊຸກຍູ້​ການ​ສ້າງ​ປະຊາ​ຄົມ​ຮ່ວມ​ຊາຕາກຳ​ຂອງ​ມວນ​ມະນຸດ ແລະ ຊຸກຍູ້​ໃຫ້​ໂລກ​ມີ​ສັນຕິພາບ ແລະ ຄວາມ​ຈະເລີນ​ຮຸ່ງເຮືອງ​ອີກ​ດ້ວຍ.
       ໃນ​ການ​ຢ້ຽມຢາມ​ຄັ້ງ​ນີ້, ຜູ້ນຳ​ຈີນ ແລະ ມຽນ​ມາ ໄດ້​ບັນລຸ​ຄວາມ​ເຫັນ​ເປັນ​ເອກະ​ພາບ​ກັນ​ທີ່​ສຳຄັນ​ອັນ​ໃໝ່​ກ່ຽວ​ກັບ​ການ​ຊຸກຍູ້​ການ​ຮ່ວມ​ກັນ​ສ້າງ “ໜຶ່ງ​ແລວ​ໜຶ່ງ​ເສັ້ນທາງ” ດ້ວຍ​ຄຸນ​ນະ​ພາບ​ສູງ. ວົງ​ການ​ພາຍ​ນອກ​ໄດ້​ສັງເກດ​ເຫັນ​ວ່າ: ທ່ານ ສີ​ຈິ້ນ​ຜິງ ກ່າວ​ຕື່ມ​ວ່າ: ໂຄງການ​ຮ່ວມ​ມື ຈີນ​-​ມຽນ​ມາ ຕ້ອງ​ສ້າງ​ຂຶ້ນ​ເພື່ອ​ຕອບ​ສະໜອງ​ຜົນ​ປະໂຫຍດ​ໃຫ້​ແກ່​ປະຊາຊົນ​ທ້ອງຖິ່ນ​ຫຼາຍ​ກວ່າ​ເກົ່າ, ເຮັດ​ໃຫ້​ປະຊາຊົນ​ມີ​ ຄວາມ​ຮູ້ສຶກ​ວ່າ​ໄດ້​ຮັບ​ຜົນ​ປະ ໂຫຍດ ແລະ ມີ​ຄວາມ​ຮູ້ສຶກ​ມີ​ຄວາມສຸກ​ຫຼາຍ​ກວ່າ​ເກົ່າ.
      ຂະນະ​ດຽວ​ກັນ​ນັ້ນ, ທ່ານ ວິນ​ມິນ ປະທານາທິບໍດີ​ມຽນ​ມາ ເຊື່ອ​ວ່າ: ການ​ຢ້ຽມຢາມ ມຽນ​ມາ ຂອງ​ທ່ານ ສີ​ຈິ້ນ​ຜິງ ຄັ້ງ​ນີ້ ເປັນ​ການ​ຢ້ຽມຢາມ​ຄັ້ງ​ປະຫວັດສາດ ແລະ ເປັນ​ການ​ເປີດ​ໜ້າ​ໃໝ່​ແຫ່ງ​ການ​ພົວພັນ​ຈີນ​-​ມຽນ​ມາ. ທ່ານ ວິນ​ມິນ ສະແດງ​ຄວາມ​ຊົມເຊີຍ​ຕໍ່​ຜົນ ສຳເລັດ​ອັນ​ຍິ່ງ​ໃຫຍ່​ຂອງ​ຈີນ ນັບ​ແຕ່​ສະຖາປະນາ ສປ ຈີນ ໃນ 70 ປີ​ມາ​ນີ້, ພ້ອມ​ທັງ​ຫວັງ​ວ່າ: ຈີນ ສາມາດ​ແບ່ງປັນ​ບົດຮຽນ​ການ​ປົກຄອງ​ປະເທດ ແລະ ການ​ຄຸ້ມ​ຄອງ​ລັດ​ຂອງ​ຈີນ ໃຫ້​ປະເທດ​ພວມ​ພັດທະນາ ຊຶ່ງ​ລວມ​ທັງ​ມຽນ​ມາ. ບົດຮຽນ​ສຳເລັດ​ຜົນ​ຂອງ​ຈີນ​ຈະ​ສາມາດ​ຊ່ວຍເຫຼືອ​ມຽນ​ມາ​ໃນ​ການ​ພັດທະນາ​ເສດຖະກິດ, ປັບປຸງ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃຫ້​ດີ​ຂຶ້ນ ແລະ ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ. ທ່ານ ກ່າວ​ຕື່ມ​ວ່າ: ມຽນ​ມາ ສະແດງ​ຄວາມຊົມ ເຊີຍ​ຕໍ່​ຈີນ ທີ່​ໄດ້​ເສີມ​ຂະຫຍາຍ​ບົດບາດ​ຢ່າງ​ສ້າງສັນ​ຂະບວນ​ການ​ສັນຕິພາບ​ພາຍ​ໃນ​ປະເທດ​ມຽນ​ມາ. ມຽນ​ມາ ຢຶດ​ໝັ້ນ​ຫຼັກ ການ​ປະເທດ​ຈີນ​ດຽວ, ເຄົາລົບ ​ທິດ​ທາງ “ປະເທດ​ດຽວ​ສອງ​ ລະບອບ” ທີ່​ຈີນ​ປະຕິບັດ​ຢູ່​ຮົງ​ ກົງ ແລະ ມາ​ກາວ ຊຶ່ງ​ມີ​ຈຸດ​ຢືນ​ ຢ່າງ​ສະເໝີ​ຕົ້ນ​ສະເໝີ​ປາຍ, ໄຕ້​ຫວັນ ເປັນ​ດິນແດນ​ພາກ ສ່ວນ​ໜຶ່ງ​ຂອງ​ຈີນ ທີ່​ຕັດ​ແຍກ​ອອກ​ຈາກ​ກັນ​ບໍ່​ໄດ້, ມຽນ​ມາ ສະໜັບສະໜູນ​ປະຊາ​ຄົມ​ຮ່ວມ​ຊາຕາກຳ​ມວນ​ມະນຸດ​ທີ່ ທ່ານ ສີ​ຈິ້ນ​ຜິງ ເປັນ​ຜູ້​ລິ​ເລີ່ມ ແລະ ຍິນດີ​ຮ່ວມ​ກັນ​ກັບ​ຈີນ​ສ້າງ​ຄູ່​ຮ່ວມ​ຊາຕາກຳ ມຽນ​ມາ​-​ຈີນ ຢ່າງ​ຕັ້ງໜ້າ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110