ຂ່າວສານຫວຽດນາມລາຍງານວ່າ: ໜ່ວຍງານບໍລິສັດ ຊຳຊຸງ C&T ກຳລັງພິຈາລະນາລົງທຶນ ການກໍ່ສ້າງໂຮງງານພະລັງງານແສງຕາເວັນໃນລັດເທັກຊັດ ປະເທດອາເມຣິກາ ໃນມູນຄ່າ 673 ລ້ານໂດລາ ເພື່ອເລີ່ມຕົ້ນການຜະລິດເປັນສິນຄ້າໃນເດືອນທັນວາປີ 2023.

ສະຖານທີ່ໂຮງງານພະລັງງານແສງຕາເວັນຈະຕັ້ງຢູ່ໃນເມືອງມິລາມ, ລັດເທັກຊັດ, ຫ່າງຈາກໂຮງງານຜະລິດຊິບເຊັດຂອງ ຊຳຊຸງ-ເອເລັກໂຕຣນິກ ໃນເຂດອາສຕິນ ໃຊ້ເວລາເດີນທາງບໍ່ຮອດ 2 ຊົ່ວໂມງ. ອາສຕິນ ແມ່ນບ່ອນທີ່ບໍລິສັດຊຳຊຸງ ກຳລັງພິຈາລະນາສ້າງໂຮງງານຜະລິດຊິບແຫ່ງໃໝ່ທີ່ມີມູນຄ່າ 17 ພັນລ້ານໂດລາ.

ໂຮງງານໄຟຟ້າພະລັງງານແສງຕາເວັນ ດ້ວຍກຳລັງການຜະລິດປະມານ 700 ເມັກກາວັດ (MW), ຈະເລີ່ມລົງມືກໍ່ສ້າງໃນເດືອນມີຖຸນາ 2022. ໜ່ວຍງານບໍລິສັດຊຳຊຸງ C&T ກ່າວວ່າ: ບໍລິສັດກຳລັງດຳເນີນຂັ້ນຕອນການຂໍອະນຸມັດກັບເຈົ້າໜ້າທີ່.