ວິທະຍຸກະຈາຍສຽງຫວຽດນາມລາຍງານວ່າ: ເວທີປາໄສແມ່ນເຫດການປະຈຳປີ ເພື່ອແນໃສ່ເຊີດຊູບັນດາວິສາຫະກິດ ທີ່ມີເງິນລົງທຶນຈາກຕ່າງປະເທດ (FDI) ທີ່ມີການລົງທຶນຢ່າງມີປະສິດທິຜົນ, ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງພື້ນຖານເສດຖະກິດ ຫວຽດນາມ.

ຂ່າວລາຍງານວ່າ: ວັນທີ 26 ເມສາຜ່ານມາ, ຢູ່ຮ່າໂນ້ຍ, ກະຊວງການຕ່າງປະເທດ ຫວຽດນາມ ໄດ້ສົມທົບກັບ ອົງການເສດຖະກິດຫວຽດນາມ ຈັດເວທີປາໄສ ຂົວຕໍ່ພັດທະນາ ປີ 2021 ດ້ວຍຫົວຂໍ້; “ເຊື່ອມຕໍ່ທ້ອງຖິ່ນ - ວິສາຫະກິດ, ກຳແໜ້ນໂອກາດ”. ເວທີປາໄສແມ່ນເຫດການປະຈຳປີ ເພື່ອແນໃສ່ເຊີດຊູບັນດາວິສາຫະກິດ ທີ່ມີເງິນລົງທຶນຈາກຕ່າງປະເທດ (FDI) ທີ່ມີການລົງທຶນຢ່າງມີປະສິດທິຜົນ, ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງພື້ນຖານເສດຖະກິດ ຫວຽດນາມ.

ກ່າວຄຳເຫັນຊີ້ນຳການກຳນົດທິດເພື່ອດຶງດູດ FDI ໃນໄລຍະຈະມາເຖິງ, ທ່ານ ຟ້າມບິ່ງມິງ ຮອງນາຍົກລັດຖະມົນຕີ ຢັ້ງຢືນວ່າ: ລັດຖະບານ ຫວຽດນາມ ສະແດງຄວາມຊົມເຊີຍຕໍ່ບັນດານັກລົງທຶນຕ່າງປະເທດ ທີ່ມາ ຫວຽດນາມ ດຳລົງທຸລະກິດແບບຍາວນານ, ເຄົາລົບກົດໝາຍ ແລະ ປະກອບສ່ວນຢ່າງຕັ້ງໜ້າເຂົ້າການພັດທະນາຂອງຫວຽດນາມ. ລັດຖະບານ ຈະສວມບົດບາດເປັນຜູ້ສ້າງເງື່ອນໄຂພັດທະນາ ເພື່ອສ້າງສະພາບແວດລ້ອມແຫ່ງການລົງທຶນດຳເນີນທຸລະກິດ ຢູ່ ຫວຽດນາມ ໃຫ້ນັບມື້ນັບມີຄວາມດຶງດູດໃຈ.

ເວທີປາໄສປີນີ້ ຈະສືບຕໍ່ພາລະກິດຊຸກຍູ້ການເຊື່ອມຕໍ່, ລາຍງານ ແລະ ແລກປ່ຽນຂໍ້ມູນ, ເປີດກວ້າງການຮ່ວມມືພ້ອມກັນຜ່ານຜ່າສິ່ງທ້າທາຍ, ມຸ່ງໄປສູ່ບັນດາເປົ້າໝາຍວັດທະນາຖາວອນ ແລະ ການພັດທະນາແບບຍືນຍົງ.