ຂ່າວສານຫວຽດນາມລາຍງານວ່າ: ຫວຽດນາມ ໄດ້ບັນລຸໝາກຜົນການສົ່ງອອກ ແລະ ນຳເຂົ້າສິນຄ້າສູງ ໃນໄຕມາດທຳອິດຂອງປີນີ້, ໃນນັ້ນບັນດາຂໍ້ຕົກລົງການຄ້າເສລີ (FTA) ແມ່ນໜຶ່ງໃນການຜັກດັນ ເພື່ອສະໜັບສະໜູນກິດຈະກຳນີ້ຢ່າງຈິງຈັງ.

ຂ່າວລະບຸວ່າ: ຍອດມູນຄ່າການນຳເຂົ້າ-ສົ່ງອອກສິນຄ້າ ໃນໄຕມາດທຳອິດຂອງປີ 2021 ເພີ່ມຂຶ້ນຫຼາຍກວ່າ 24% ທຽບໃສ່ໄລຍະດຽວກັນຂອງປີຜ່ານມາ, ໃນນັ້ນ ການສົ່ງອອກສິນຄ້າ ເພີ່ມຂຶ້ນ 22% ແລະ ການນຳເຂົ້າສິນຄ້າ ເພີ່ມຂຶ້ນ 26,3%. ວົງເງິນການຄ້າເກີນດຸນຄາດວ່າ: ບັນລຸກວ່າ 2 ຕື້ໂດລາ.

ນີ້ແມ່ນສັນຍານທີ່ດີທີ່ ຫວຽດນາມ ບັນລຸໄດ້ໃນໄຕມາດທຳອິດຂອງປີ ແລະ ສະແດງໃຫ້ເຫັນການຟື້ນຟູຢ່າງແຂງແຮງຂອງການຜະລິດ ແລະ ການຄ້າຂອງຫວຽດນາມ. ເຖິງແມ່ນວ່າການແຜ່ລະບາດຂອງພະຍາດໂຄວິດ-19 ແມ່ນຍັງມີຄວາມສັບສົນໃນຫຼາຍປະເທດທົ່ວໂລກ.