ຫົວ​ຂໍ້ : ຜົນກອງປະຊຸມວົງແຄບ ລັດຖະມົນຕີການຕ່າງປະເທດອາຊຽນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 21/01/2020 09:19:54 ຈຳ​ນວນ​ຜູ້​ເຂົ້າ​ຢ້ຽມ​ຊົມ 333 ຄັ້ງ

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ວັນ​ທີ 17 ມັງກອນ​ຜ່ານ​ມາ, ທ່ານ ຟ້າ​ມ​ບິ່ງ​ມິງ ລັດຖະມົນຕີ​ການ​ຕ່າງ ປະເທດ ຫວຽດນາມ ໄດ້​ເປັນ​ປະທານ​ກອງ​ປະຊຸມ​ຖະແຫຼງ​ຂ່າວ​ສາກົນ ໂດຍ​ແຈ້ງ​ໃຫ້​ຊາບ​ກ່ຽວ​ກັບ​ໝາກຜົນ​ທີ່​ບັນລຸ​ໄດ້​ໃນ​ກອງ​ປະຊຸມ​ວົງ​ແຄບ ບັນດາ​ລັດຖະມົນຕີ​ການ​ຕ່າງປະເທດ ອາ​ຊຽນ (AMM Retreat) ຊຶ່ງ​ດໍາ​ເນີນ​ຢູ່​ນະຄອນ​ຍາ​ຈາງ, ແຂວງ​ແຄັງ​ຮວ່າ, ສສ ຫວຽດ ນາມ.
     ທ່ານ ຟ້າ​ມ​ບິ່ງ​ມິງ ໃຫ້​ຮູ້​ວ່າ: ໃນ​ກອງ​ປະຊຸມ​ວົງ​ແຄບ​ລັດຖະມົນຕີ​ການ​ຕ່າງປະເທດ ອາ​ຊຽນ ຄັ້ງ​ນີ້, ຄະນະ​ຜູ້​ແທນ​ຫວຽດນາມ ໄດ້​ແຈ້ງ​ໃຫ້​ຊາບ​ກ່ຽວ​ກັບ​ບັນດາ​ບຸລິມະສິດ​ໃນ​ປີ ເປັນ​ປະທານ ອາ​ຊຽນ 2020 ດ້ວຍ​ຫົວຂໍ້; “ສະໜິດ​ຕິດ​ພັນ ແລະ ເປັນ​ເຈົ້າ​ການ​ຮັບ​ມື”. ກ່ຽວຂ້ອງ​ເຖິງ​ສະພາບ​ການຢູ່​ ທະເລ​ຕາເວັນ​ອອກ, ທ່ານ ລັດ ຖະມົນຕີ​ການ​ຕ່າງປະເທດ ຫວຽດນາມ ໃຫ້​ຮູ້​ວ່າ: ບັນດາ​ຜູ້​ແທນ​ໄດ້​ໃຊ້​ເວລາ​ສ່ວນ​ຫຼາຍ ເພື່ອ​ແລກປ່ຽນ ແລະ ປຶກສາ​ຫາລື​ຢ່າງ​ເລິກເຊິ່ງ​ກວ້າງ​ຂວາງ. ໃນ​ນັ້ນ ໄດ້​ສະແດງ​ຄວາມ​ວິຕົກ​ກັງວົນ ກ່ຽວ​ກັບ​ສະພາບ​ການ​ບູລະນະ, ຖົມ​ດິນ​ເປັນ​ເກາະ​ຢູ່​ທະເລ ໂດຍ​ສະເພາະ​ແມ່ນ​ບັນດາ​ການ​ຜັນ​ແປ​ທີ່​ເກີດ​ຂຶ້ນ​ຫວ່າງ​ມໍ່ໆ​ມາ​ນີ້. ໃນ​ນັ້ນ ລວມ​ມີ​ບັນດາ​ການ​ກະ​ທໍາ​ລ່ວງ​ລໍ້າ​ອະທິປະ​ໄຕ​ເຂດ​ນ່ານ​ທະເລ​ຂອງ​ບາງ​ປະເທດ​ສະມາຊິກ ອາ​ຊຽນ ຢ່າງ​ຮ້າຍ​ແຮງ.
ກ່ຽວ​ກັບ​ບັນດາ​ເນື້ອ​ໃນ​ທີ່​ໜ້າ​ສົນໃຈ, ທ່ານ ຟ້າ​ມ​ບິ່ງ​ມິງ ໃຫ້​ຮູ້​ວ່າ: ລັດຖະມົນຕີ​ການ​ຕ່າງປະເທດ​ບັນດາ​ປະເທດ ອາ​ຊຽນ ໄດ້​ເຫັນ​ດີ​ເປັນ​ເອກະ​ພາບ, ເພີ່ມ​ທະວີ​ການ​ຮ່ວມ​ມື​ໃນ​ຂົງເຂດ​ຕ່າງໆ​ໃຫ້​ມີ​ການ​ ພັດທະນາ​ແບບ​ຍືນ​ຍົງ, ພັດທະ ນາ​ເຂດ​ອະນຸ​ພາກ​ພື້ນ​ແມ່​ນໍ້າ​ຂອງ, ເພີ່ມ​ທະວີ​ສິດ, ອໍາ​ນາດ​ໃຫ້​ແກ່​ແມ່ຍິງ ແລະ ຄວາມ​ສະ ເໝີພາບ ລະຫວ່າງ ຍິງ​-​ຊາຍ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110