ຫົວ​ຂໍ້ : ຄູໂບຕ້າ ຈັບລາງວັນມອບໂຊກ ຄັ້ງທີ 3

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 21/01/2020 10:02:59 ຈຳ​ນວນ​ຜູ້​ເຂົ້າ​ຢ້ຽມ​ຊົມ 399 ຄັ້ງ

ບໍລິສັດ ສະຫຍາມ​ຄູ​ໂບ​ຕ້າ ຈຳກັດ ໄດ້​ຈັດ​ພິທີ​ຈັບ​ລາງວັນ​ມອບ​ໂຊກ​ໃຫ້​ແກ່​ລູກ​ຄ້າ ຄັ້ງ​ທີ 3 “Kubota ZT Lucky Draw” (ຄູ​ໂບ​ຕ້າ ແຊັດ​ທີ ລັກ​ກີ້​ດໍຣ) ຂຶ້ນ​ໃນ​ວັນ​ທີ 18 ມັງກອນ ຜ່ານ​ມາ ທີ່​ໂຮງແຮມ​ຄຣາວ​ພາ​ຊາ ນະຄອນຫຼວງ​ວຽງ​ຈັນ ໂດຍ​ມີ​ທ່ານ ບຸນ​ເກີດ ສະ​ລຽວ​ໄວ ກຳມະການ​ຜູ້​ຈັດການ ບໍລິສັດ ຄູ​ໂບ​ຕ້າ​ລາວ ພ້ອມ​ດ້ວຍ​ພາກສ່ວນ​ກ່ຽວ​ຂ້ອງເຂົ້າ​ຮ່ວມ.
ສຳລັບ​ການ​ລຸ້ນ​ໂຊກ ແມ່ນ​ສະເພາະ​ລູກ​ຄ້າ​ທີ່​ຊື້​ເຄື່ອງ​ຈັກ​ກາ​ຊວນ ຄູ​ໂບ​ຕ້າ​ແຊັດ​ທີ (Kubota ZT), ຄູ​ໂບ​ຕ້າ​ອາ​ທີ (Kubota RT) ຫຼື ໂຄງ​ສະຫຍາມ ເອັນ​ຊີ ພັສ ເອັກ (NC Plus X) ທຸກ​ແບບ ໃນ​ລະຫວ່າງ​ເດືອນ ກຸມພາ - ເດືອນ ທັນວາ 2019 ຈະ​ມີ​ສິດ​ລຸ້ນ​ຮັບ​ລາງວັນ ໂທລະພາບ​ສີຊຳ​ຊຸງ 32 ນິ້ວ ຈຳນວນ 12 ລາງວັນ ແລະ ລົດ​ຈັກຮອນ​ດ້າ​ເວັບ 100 ພ້ອມ​ໝວກ​ກັນ​ກະທົບ ຈຳນວນ 18 ລາງວັນ ລວມ​ມູນ​ຄ່າ ຫຼາຍ​ກວ່າ 270 ລ້ານ​ກີບ ຊຶ່ງ​ຜ່ານ​ມາ​ແມ່ນ​ໄດ້​ຈັບ​ລາງວັນ​ມອບ​ໂຊກ​ໄປ​ແລ້ວ 2 ຄັ້ງ ມອບ​ລາງວັນ ໂທລະພາບ​ສີຊຳ​ຊຸງ ໄປ​ແລ້ວ 8 ລາງວັນ ແລະ ມອບ​ລາງວັນ​ລົດຈັກ​ໄປ​ແລ້ວ 12 ລາງວັນ ແລະ ໃນ​ການ​ຈັບ​ລາງວັນ​ຄັ້ງ​ທີ 3 ນີ້ ແມ່ນ​ຈະ​ຈັບ​ລາງວັນ​ໃຫ້​ລູກ​ຄ້າ​ຜູ້​ໂຊກ​ດີ ເປັນ​ລາງວັນ ໂທລະພາບ​ສີ ຊຳ​ຊຸງ 4 ລາງວັນ ແລະ ລາງວັນ​ລົດຈັກ​ຮອນ​ດ້າ​ເວັບ 100 ຈຳນວນ 6 ລາງ​ວັນ.
ຜົນ​ການ​ຈັບ​ລາງວັນ​ມອບ​ໂຊກ​ມີ​ດັ່ງນີ້: ຜູ້​ໂຊກ​ດີ​ໄດ້​ຮັບ​ລາງວັນ ໂທລະພາບ​ສີຊຳ​ຊຸງ 32 ນິ້ວ ມີ ທ້າວ​ ບີ ຢູ່​ບ້ານ​ແກ ເມືອງ​ໂພນ​ທອງ ແຂວງ​ຈຳປາ​ສັກ, ແມ່​ຜົນ ຢູ່​ບ້ານ​ກະ​ຕິນ ເມືອງ​ໂພນ​ທອງ ແຂວງ​ຈຳປາ​ສັກ, ພໍ່​ເຍົາ ຢູ່​ບ້ານ​ດົງ ເມືອງ​ແກ່ນ​ທ້າວ ແຂວງ​ໄຊ​ຍະ​ບູ​ລີ ແລະ ທ້າວ​ ພູ່​ຄຳ ຢູ່​ເມືອງ​ມະຫາ​ໄຊ ແຂວງ​ຄຳ​ມ່ວນ. ຜູ້​ໂຊກ​ດີ​ໄດ້​ຮັບ​ລາງວັນ​ລົດຈັກ​ເວັບ 100 ພ້ອມ​ໝວກ​ກັນ​ກະທົບ ມີ ທ້າວ​ກູ່​ລາວ ຢູ່​ບ້ານ​ໜອງ​ຊານ ເມືອງ​ກາສີ ແຂວງ​ວຽງ​ຈັນ, ທ້າວ​ຄຳ​ສຸກ ຢູ່​ບ້ານ​ດົງ​ໝາກຄາຍ ເມືອງ​ໄຊ​ທານີ ນະຄອນຫຼວງວຽງ​ຈັນ, ນາງ​  ດ່ອນ ຢູ່​ບ້ານ​ດູ່ ເມືອງ​ໂພນ​ທອງ ແຂວງ​ຈຳປາ​ສັກ, ທ້າວ​ສີ​ນວນ ຢູ່​ບ້ານ​ດອນ​ຕານ ເມືອງ​ໂຂງ ແຂວງ​ຈຳປາ​ສັກ, ອາ​ປິງ ຢູ່​ເມືອງ​ນານ ແຂວງ​ຫຼວງ​ພະ​ບາງ ແລະ ອາ​ວີ ຢູ່​ບ້ານ​ມິດ​ສຳພັນ ເມືອງ​ສະໜາມ​ໄຊ ແຂວງ​ອັດ​ຕະ​ປື. 
ບັນດາ​ທ່ານ​ຜູ້​ໂຊກ​ດີ​ນັ້ນ ແມ່ນ​ໄດ້​ຮັບ​ການ​ຕິດຕໍ່​ຈາກ​ພາກສ່ວນ​ກ່ຽວຂ້ອງ​ແລ້ວ ແລະ ໃຫ້​ຜູ້​ໂຊກ​ດີ​ກວດ​ສອບ​ເງື່ອນໄຂ​ຖືກຕ້ອງ​ຕາມ​ບໍລິສັດ ແລະ ຕິດຕໍ່​ຮັບ​ລາງວັນ​ພາຍ​ໃນ 10 ວັນ ທີ່​ໄດ້​ຮັບ​ການ​ຕິດຕໍ່​ໄປ. ຖ້າ​ກາຍ​ເວລາ​ກຳນົດ​ຈະ​ຖື​ວ່າ​ສະຫຼະ​ສິດ ແລະ ສະຫງວນ​ສິດ​ຮັບ​ລາງວັນ​ໃຫ້​ແກ່​ຜູ້​ໂຊກ​ດີ​ສຳຮອງ​ຕາມ​ລຳດັບ ຊຶ່ງ​ໄດ້​ຈັບ​ຄູ​ປອງ​ທີ່​ສົ່ງ​ເຂົ້າ​ມາ​ຊິງ​ໂຊກ ເພື່ອ​ຫາ​ຜູ້​ໂຊກ​ດີ​ສຳຮອງ​ຄື ລາງວັນ​ໂທລະພາບ​ສີ ແມ່ນ​ຫາ​ຜູ້​ໂຊກ​ດີ​ສໍາ​ຮອງ​ໄວ້ 8 ທ່ານ, ລາງວັນ​ລົດຈັກ​ແມ່ນ​ຫາ​ຜູ້​ໂຊກ​ດີ​ສຳຮອງ​ໄວ້ 12 ທ່ານ.
 (ພາບ-ຂ່າວ: ສຸກ​ສະຫວັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110