ຫົວ​ຂໍ້ : ເສດຖະກິດແຂວງຄຳມ່ວນ ຂະຫຍາຍຕົວ ໃນລະດັບ 6,64%

ເຜີຍ​ແຜ່​ໂດຍ​: siththiphone rasphone ເວ​ລາ: 21/01/2020 10:04:06 ຈຳ​ນວນ​ຜູ້​ເຂົ້າ​ຢ້ຽມ​ຊົມ 410 ຄັ້ງ

   ຄະນະ​ສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງ​ທີ 12 ແຂວງ​ຄຳ​ມ່ວນ ໄດ້ດຳ ເນີນ​ກອງ​ປະຊຸມ​ຄົບ​ຄະນະ​ປະ ຈຳ​ປີ 2019 ທີ່​ເຮືອນ​ຮັບແຂກ ເລກ 1 ແຂວງ​ຄຳ​ມ່ວນ ໃນ​ວັນ​ທີ 20 ມັງກອນ  ໂດຍ​ການ​ເປັນ​ປະທານ​ຂອງ​ທ່ານ  ສົມ​ໃຈ  ເພັດ​ສີ​ນວນ   ປະທານຄະນະສະມາ ຊິກ​ສະພາ​ແຫ່ງ​ຊາດ ປະຈຳ​ ເຂດ​ເລືອກ​ຕັ້ງ​ທີ 12 ແຂວງຄຳ​ ມ່ວນ ທັງ​ເປັນ​ປະທານ​ສະພາ​ປະຊາຊົນ​ແຂວງ​ຄຳ​ມ່ວນ, ເປັນ​ກຽດ​ເຂົ້າ​ຮ່ວມ​ມີ​ທ່ານ  ບຸນ​ປອນ  ບຸດ​ຕະ​ນະ​ວົງ ຮອງ​ປະທານ​ສະ ພາ​ແຫ່ງ​ຊາດ ທັງ​ເປັນຄະນະ​ ສະມາຊິກ​ສະພາ​ແຫ່ງ​ຊາດ ປະ ຈຳ​ເຂດ​ເລືອກ​ຕັ້ງ​ທີ 12 ແຂວງ​ ຄຳ​ມ່ວນ, ມີ​ບັນດາ​ທ່ານການ ນຳ​ຂັ້ນ​ແຂວງ, ຂັ້ນ​ເມືອງ, ພະ ແນກການ, ອົງການ​ຈັດ​ຕັ້ງມະ ຫາຊົນ ແລະ ບັນດາຂະແໜງ ການ​ຕ່າງໆອ້ອມ​ຂ້າງແຂວງ​ ເຂົ້າ​ຮ່ວມ.
   ທ່ານ ນາງ ວຽງ​ມະນີ ຈັນ ທະນະ​ສິນ  ຄະນະ​ສະມາຊິກ​ສະພາ​ແຫ່ງ​ຊາດປະຈຳ​ເຂດ​ເລືອກ​ຕັ້ງ​ທີ 12 ທັງ​ເປັນ​ຮອງ​ປະທານ​ສະພາ​ປະຊາຊົນແຂວງ​ ຄຳ​ມ່ວນໄດ້​ຜ່ານ​ຜົນງານ​ການ ເຄື່ອນໄຫວ​ໃນ ປີ 2019 ຜ່ານ​ມາ: ຄະນະ​ສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງໄດ້​ເຂົ້າ​ຮ່ວມ​ການ​ດຳເນີນ​ກອງ​ປະຊຸມ​ສະໄໝສາມັນເທື່ອ ​ທີ 6, ເທື່ອ​ທີ 7 ຂອງ​ສະພາປະ ຊາຊົນ​ແຂວງ ເພື່ອ​ພິຈາລະນາ ແລະ ຮັບຮອງ​ເອົາ​ແຜນ​ພັດທະ ນາ​ເສດ​ຖະ​ກິດ​-​ສັງຄົມ, ແຜນ​ງົບປະມານ​ປະຈຳ​ປີ, ໄດ້​ພິຈາ ລະນາ ແລະ ຮັບຮອງ​ເອົາ​ມະຕິ​ຈຳນວນ 6 ສະບັບ ແລະ ບັນຫາ​ສຳຄັນ​ຂອງ​ທ້ອງຖິ່ນ​ຈຳນວນ 14 ເນື້ອ​ໃນ, ໄດ້​ຕິດຕາມ, ກວດກາ  ແລະ   ຊຸກຍູ້​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະ​ກິດ​-​ສັງຄົມ​ຂອງ​ແຂວງ  ຊຶ່ງ​ມີ​ການ ​ຂະຫຍາຍຕົວ ​ໃນ​ລະດັບ 6,64% ຫຼຸດ​ແຜນການທີ່​ມະຕິ​ຂອງສະ ພາ​ຮັບຮອງ​ເອົາ 0,23%, ລວມ​ຍອດ​ມູນ​ຄ່າ​ຜະລິດ​ຕະ​ພັນ GDP ບັນລຸ 8.369 ຕື້​ກີບ ໃນ​ນັ້ນ​ຂະແໜງ​ກະ​ສິ​ກຳ​-​ປ່າໄມ້​ບັນລຸ​ໄດ້ 1.395 ຕື້​ກີບ ກວມ​ເອົາ 16,67% ຂອງ GDP, ຂະແໜງ​ອຸດສາຫະກຳ 4.118 ຕື້​ກີບ ກວມ​ເອົາ 49,20% ແລະ ຂະແໜງ​ບໍລິການ 2.574 ຕື້​ກີບ ກວມ​ເອົາ 30,76%, ການຈັດຕັ້ງ​ປະຕິບັດ​ໂຄງການ​ລົງທຶນ​ຂອງ​ລັດ ມີ​ທັງ​ໝົດ 341 ໂຄງການ, ມີ​ມູນ​ຄ່າ 113 ຕື້​ກີບ, ສາມາດ​ຈັດ​ຕັ້ງ​ປະຕິບັດ​ໄດ້ 324 ໂຄງການ ລວມ​ມີ​ມູນ​ຄ່າ 107 ຕື້​ກີບ ເທົ່າ​ກັບ 94,52%, ສາມາດ​ຈັດ​ເກັບ​ລາຍ​ຮັບ​ໄດ້​ທັງ​ໝົດ 683 ຕື້​ກີບ ເທົ່າ​ກັບ 96,69% ຂອງ​ໂຕ​ເລກ​ທີ່​ມະຕິ​ສະພາ​ຮັບຮອງ​ເອົາ, ຕິດຕາມ, ກວດກາ​ບັນດາ​ໂຄງການ​ລົງທຶນ​ຂອງ​ລັດ ຈຳນວນ 41 ໂຄງການ, ມູນ​ຄ່າ 381 ຕື້​ກີບ ໃນ​ນັ້ນ​ມີ 35 ໂຄງການ ລວມ​ມີ​ມູນ​ຄ່າ 314 ຕື້​ກີບ ແລະ 6 ໂຄງການ ມູນ​ຄ່າ 67 ຕື້​ກີບ ທີ່​ບໍ່​ໄດ້​ຜ່ານ​ການ​ປະມູນ,  ໄດ້​ຮັບ​ຄຳ​ຮ້ອງ​ຂໍ​ຄວາມ​ເປັນ​ທຳ ແລະ ຄຳ​ສະເໜີ​ທີ່​ສົ່ງ​ເຖິງ​ສະພາ​ປະຊາຊົນ​ແຂວງ​ທັງ​ໝົດ​ຈຳນວນ 14 ເລື່ອງ ໃນ​ນັ້ນ​ມີ​ຄຳ​ຮ້ອງ​ຂໍ​ຄວາມ​ເປັນ​ທຳ 4 ເລື່ອງ, ແກ້​ໄຂ​ໄດ້ 4 ເລື່ອງ, ຄໍາ​ສະເໜີ​ມີ 10 ເລື່ອງ ໄດ້​ສົ່ງ​ໃຫ້​ພະແນກການ​ທີ່​ກ່ຽວຂ້ອງ​ແກ້​ໄຂ​ຕາມ​ລະບຽບ​ກົດໝາຍ,  ວຽກ​ງານ​ກະສິກຳສາມາດ​ຜະລິດ​ເຂົ້າ​ໄດ້​ທັງ​ໝົດ  307.620 ໂຕນ ເທົ່າ​ກັບ 83,70%, ການ​ຜະລິດ​ເປັນ​ສິນຄ້າ​ປະຕິບັດ​ໄດ້ 129.779 ໂຕນ ເທົ່າ​ກັບ 106,40%,  ມູນ​ຄ່າ​ການ​ຜະລິດ​ອຸດສາຫະກຳ​ປຸງ​ແຕ່ງ​ປະຕິບັດ​ໄດ້ 1.232  ຕື້​ກີບ  ເທົ່າ​ກັບ 172%,  ມູນ​ຄ່າ​ການຈຳໜ່າຍ​ຜະລິດ​ຕະ​ພັນ​ອຸດສາຫະກຳ​ປະ ຕິບັດ​ໄດ້ 1.510 ຕື້​ກີບ ເທົ່າ​ກັບ 117%. ສ່ວນ​ມູນ​ຄ່າ​ການ​ສົ່ງ​ອອກ​ສິນຄ້າ​ປະຕິບັດ​ໄດ້ 280 ລ້ານ​ໂດ​ລາ ເທົ່າ​ກັບ 58,30% ແລະ ມູນ​ຄ່າ​ການ​ນຳ​ເຂົ້າ​ສິນຄ້າ ປະຕິບັດ​ໄດ້ 187 ລ້ານ​ໂດ​ລາ ເທົ່າ​ກັບ 112%.
  ກອງ​ປະຊຸມ​ຍັງ​ປະກອບ​ຄຳ​ຄິດ​ຄຳ​ເຫັນ​ໃນ​ຈຸດ​ອ່ອນ​ຂໍ້ ຄົງຄ້າງ​ພ້ອມ​ທັງ​ວາງ​ທິດ​ທາງ​ແຜນການເຄື່ອນໄຫວ​ວຽກ​ງານ​ປະຈຳ​ປີ 2020 ຕື່ມ​ອີກ.
   (ຂ່າວ: ກອງ​ຄໍາ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110