ຫົວ​ຂໍ້ : ອິນໂດເນເຊຍ ກະກຽມຈັດກອງປະຊຸມ ສຸດຍອດ ອາຊຽນ ແລະ G20

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 23/01/2020 08:39:45 ຈຳ​ນວນ​ຜູ້​ເຂົ້າ​ຢ້ຽມ​ຊົມ 285 ຄັ້ງ

     ຂ່າວສານ​ຫວຽດນາມ​ລາຍ​ງານ​ວ່າ: ອິນ​ໂດ​ເນ​ເຊຍ ຈະ​ເປັນ​ປະເທດ​ເຈົ້າພາບ​ຈັດ​ຕັ້ງ​ກອງ​ປະຊຸມ​ສຸດ​ຍອດ​ກຸ່ມ​ບັນດາ​ພື້ນຖານ​ເສດຖະກິດ​ພັດທະນາ​ແຖວ​ໜ້າ​ຂອງ​ໂລກ (G20) ແລະ ກອງ​ປະຊຸມ​ສຸດ​ຍອດ​ອາ​ຊຽນ ປີ 2023,  ໄດ້​ຍູ້​ແຮງ​ວຽກ​ງານ​ກະກຽມ ເພື່ອ​ຄວາມ​ພ້ອມ​ຢ່າງ​ຮອບ​ດ້ານ.
     ຂ່າວ​ລະບຸ​ວ່າ: ໃນ​ບົດ​ກ່າວ​ປາ​ໄສ​ເມື່ອ​ວັນ​ທີ 20 ມັງກອນ​ຜ່ານ​ມາ, ທ່ານ ໂຈ​ໂກ ວິ​ໂດ​ໂດ ປະທານາທິບໍດີ ອິນ​ໂດ​ເນ​ເຊຍ ໃຫ້​ຮູ້​ວ່າ: ຄະນະ​ຈັດ​ຕັ້ງ​ບັນດາ​ເຫດການ​ດັ່ງກ່າວ ໄດ້​ເລືອກ​ເອົາ ເທດສະບານ​ລາ​ບູ​ອານ ບາ​ໂຈ ແມ່ນ​ສະຖານທີ່​ຈັດ​ຕັ້ງ​ກອງ​ປະ​ຊຸມ. ທ່ານ ປະທານາທິບໍດີ ອິນ​ໂດ​ເນ​ເຊຍ ເນັ້ນ​ໜັກ​ເຖິງ ປະລິມານ​ວຽກ​ງານ ຊຶ່ງ​ອິນ​ໂດ​ເນ​ເຊຍ ຈະ​ປະຕິບັດ​ໃຫ້​ສຳເລັດ​ໃນ​ທ້າຍ​ປີ​ນີ້ ແມ່ນ​ໃຫຍ່​ຫຼວງ​ທີ່​ສຸດ, ຢ່າງໃດ​ກໍ​ຕາມ ອິນ​ໂດ​ເນ​ເຊຍ ໄດ້​ກະກຽມ​ບັນດາ​ລາຍການ​ທັງ​ໝົດ​ແລ້ວ ນັບ​ແຕ່​ພື້ນຖານ​ໂຄງ​ລ່າງ, ທິວ​ທັດ​ທຳ​ມະ​ຊາດ, ນ້ຳ​ສະອາດ​ຕະຫຼອດ​ຮອດ​ການ​ຄວບ​ຄຸມ​ຂີ້​ເຫ​ຍື້​ອ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110