ຫົວ​ຂໍ້ : ກອງປະຊຸມສາກົນ ກ່ຽວກັບການສ້າງສັນຕິພາບຢູ່ ລີບີ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 23/01/2020 08:41:06 ຈຳ​ນວນ​ຜູ້​ເຂົ້າ​ຢ້ຽມ​ຊົມ 266 ຄັ້ງ

     ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ໃນ​ວາລະ​ປິດ​ກອງ​ປະຊຸມ​ສາກົນ​ກ່ຽວ​ກັບ​ລີ​ບີ, ທ່ານ ນາງ ແອັງ​ເຈ​ລາ ເມີ​ແຄວ ນາຍົກລັດຖະມົນຕີ ເຢຍ​ລະ​ມັນ ໄດ້​ຊີ້​ແຈງວ່າ: ກອງ​ປະຊຸມ​ຢູ່ ແບັກ​ແລັງ ບໍ່​ສາມາດ​ແກ້​ໄຂ​ທຸກໆ​ບັນຫາ​ຢູ່ ລີ​ບີ ໄດ້​ຢ່າງ​ຮີບ​ດ່ວນ, ແຕ່​ກໍແມ່ນ​ບາດກ້າວ​ທຳ​ອິດທີ່​ມຸ້ງ​ໄປ​ສູ່​ການ​ສ້າງສັນ​ຕິ​ພາບ​ໃຫ້​ແກ່​ປະຊາຊົນ​ທີ່​ດໍາ​ລົງ​ຊີວິດ​ໃນ​ລີ​ບີ.
     ຂ່າວ​ລະບຸ​ວ່າ: ວັນ​ທີ 19 ມັງກອນ​ຜ່ານ​ມາ, ກອງ​ປະຊຸມ​ສາກົນ​ກ່ຽວ​ກັບ ລີ​ບີ ໄດ້​ດໍາເນີນ ຢູ່ ນະຄອນຫຼວງ​ແບັກ​ແລັງ ປະ ເທດ​ເຢຍ​ລະ​ມັນ, ຕາມ​ການ​ສະເໜີ​ຂອງ​ທ່ານ ນາງ ແອັງເຈ​ ລາ ເມີ​ແຄວ ດ້ວຍ​ການ​ເຂົ້າ​ຮ່ວມ​ຂອງ ການ​ນຳ​ສູງ​ສຸດ​ຂອງ ສອງ​ຝ່າຍ​ທີ່ ປະ​ທະ​ກັນ ຢູ່ ລີ​ບີ​ຄື: ທ່ານ ຟາ​ເ​ຢັສ ອານ​ຊາ​ຣາ ຜູ້ນຳ​ໜ້າ​ລັດຖະບານ​ສາມັກຄີ​ຊາດ (GNA) ແລະ ທ່ານ ຄາ​ລິ​ຟາ ຮາບ​ຕາ ຜູ້ນຳ​ກອງ​ກຳລັງ​ທະຫານ​ທາງ​ພາກ​ຕາເວັນ​ອອກ (LNA). ນອກ​ນັ້ນ, ຍັງ​ມີ ທ່ານ  ວະ​ລາ​ດີເມຍ ປູ​ຕິນ ປະທານາທິບໍດີຣັດ​ເຊຍ, ຜູ້​ນໍາຕວັກ​ກີ, ຝຣັ່ງ, ຜູ້ຕາງ ໜ້າ​ຂອງ​ສະຫະພາບ​ເອີຣົບ (EU), ສະຫະພາບ​ອາ​ຟຣິກາ, ສະຫະພັນ​ອາ​ຣັບ ແລະ ທ່ານ ອັນໂຕ​ນີ​ໂອ ກູ​ເຕີ​ເຣສ ເລຂາ ທິການ​ໃຫຍ່ ສປຊ ເຂົ້າ​ຮ່ວມ.
     ຂ່າວ​ລະບຸ​ວ່າ: ການ​ພົບ​ປະກັນ​ຢູ່ ແບັກ​ແລັງ ເປັນ​ການ​ຕັດສິນ​ໃຈ​ຂອງ​ບັນດາ​ຝ່າຍ​ທີ່​ກ່ຽວຂ້ອງ ເພື່ອ​ແນໃສ່​ມຸ້ງ​ໄປສູ່​ ບັນດາ​ບາດກ້າວ​ຕໍ່​ໄປ, ໃນນັ້ນ​ ບັນດາ​ຝ່າຍ​ໄດ້​ເຫັນ​ດີ​ເປັນເອ ກະພາບ​ກ່ຽວ​ກັບຂະບວນ​ວິ ວັດ ​ການ​ທີ່​ຕິດ​ພັນ​ກັບ​ຄວາມຮັບ ຜິດຊອບ​ຂອງ​ບັນດາ​ຝ່າຍ​ທີ່ກ່ຽວ ຂ້ອງ​ໃນ​ການ​ມຸ້ງ​ໄປ​ສູ່​ການ​ປະ ຕິບັດ​ຄຳ​ສັ່ງ ຢຸດ​ຍິງຮອບ​ດ້ານ.
     ພ້ອມ​ກັນ​ນັ້ນ, ທ່ານ ອັນໂຕ​ນີ​ໂອ ກູ​ເຕີ​ເຣສ ກ່າວ​ວ່າ: ກອງ​ປະຊຸມ​ດັ່ງກ່າວ ໄດ້​ສົ່ງ​ສັນຍານ​ທີ່​ຕັ້ງໜ້າ​ຄື ຝ່າຍ​ຕ່າງໆ​ທີ່​ເຂົ້າ​ຮ່ວມ​ກອງ​ປະຊຸມ​ຈະ​ສຸມ​ໃສ່​ແກ້​ໄຂ​ວິ​ກິດ​ການ​ລີ​ບີ ໂດຍ​ສັນ​ຕິ. ທ່ານ ຮຽກຮ້ອງ​ໃຫ້​ຝ່າຍ​ຕ່າງໆ​ຢ່າ​ທຳລາຍ​ເສັ້ນທາງ​ທີ່​ຈະ​ກ້າວ​ໄປ​ສູ່​ສັນຕິພາບ​ສາຍ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110