ຫົວ​ຂໍ້ : 70 ປີ ແຫ່ງການຮ່ວມມື ຣັດເຊຍ-ຫວຽດນາມ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 23/01/2020 08:42:25 ຈຳ​ນວນ​ຜູ້​ເຂົ້າ​ຢ້ຽມ​ຊົມ 385 ຄັ້ງ

    ວິທະຍຸ​ກະຈາຍສຽງ​ຫວຽດ ນາມ​ລາຍ​ງານ​ວ່າ: ກອງ​ປະ​ຊຸມ​ສໍາ​ມະ​ນາ ດ້ວຍ​ຫົວຂໍ້ “70 ປີ ແຫ່ງ​ການ​ຮ່ວມ​ມື ລະຫວ່າງ ຣັດ​ເຊຍ - ຫວຽດນາມ”. ໄດ້​ດໍາ​ເນີນ​ໃນ​ວັນ​ທີ 20 ມັງກອນ​ຜ່ານ​ມາ, ຢູ່​ສໍາ​ນັກ​ງານ​ສະ​ຖາ​ບັນ​ຕາເວັນ​ອອກ​ໄກ, ນະຄອນຫຼວງ ມົດ​ສະ​ກູ ປະເທດ​ຣັດ​ເຊຍ. 
    ກ່າວ​ຄໍາ​ເຫັນ​ທີ່​ກອງ​ປະ ຊຸມ, ທ່ານ ເຊີ​ເກ ອູ​ຢາ​ນາ​ແອັບ ຮອງ​ຫົວໜ້າ​ສະ​ຖາ​ບັນ​ຕາເວັນ​ອອກ​ໄກ, ສະ​ຖາ​ບັນ​ບັນດິດ ວິທະຍາສາດ ສະຫະພັນ ຣັດ​ເຊຍ ກ່າວ​ວ່າ: ຫົວຂໍ້​ຂອງ​ກອງ​ປະຊຸມ​ຄັ້ງ​ນີີ້ ແມ່ນ​ຫົວຂໍ້​ຂອງ​ການ​ພົວພັນ ລະຫວ່າງ ຣັດ​ເຊຍ - ຫວຽດນາມ ໃນ​ປັດຈຸບັນ ແລະ ເຫດການ​ສອງ​ປະເທດ​ໃກ້​ຈະ​ສະເຫຼີມສະຫຼອງ 70 ປີ ແຫ່ງ​ວັນ​ສ້າງຕັ້ງ​ສາຍ​ພົວພັນ​ທາງ​ການ​ທູດ, ແມ່ນ​ກໍາ​ລັງ​ໜູນ​ເພື່ອ​ສະຫຼຸບ​ບັນດາ​ຜົນງານ, ຄວາມຫວັງ ກໍ​ຄື​ໜ້າທີ່​ໃນ​ການ​ພົວພັນ ລະຫວ່າງ ສອງ​ປະ​ເທດ.
    ຂ່າວ​ລະບຸ​ວ່າ: ຣັດ​ເຊຍ ກໍາ​ນົດ​ວ່າ: ການ​ພົວພັນ​ກັບ ຫວຽດນາມ ເວົ້າ​ລວມ ສືບຕໍ່​ພັດທະນາ​ໃນ​ທຸກ​ຂົງເຂດ ນັບ​ແຕ່​ດ້ານ​ການເມືອງ, ເສດຖະກິດ ຕະຫຼອດ​ຮອດ​ການ​ຮ່ວມ​ມື​ດ້ານ​ປ້ອງ​ກັນ​ຊາດ, ການ​ຮ່ວມ​ມື​ດ້ານ​ເຕັກນິກ​ການ​ທະຫານ, ການ​ຮ່ວມ​ມື​ໃນ​ຂົງເຂດ​ການ​ສຶກສາ, ການທ່ອງທ່ຽວ​ກໍພັດທະນາ​ຢ່າງ​ແຮງ. ການ​ພົວພັນ​ສອງ​ຝ່າຍ​ໄດ້​ມີ​ບົດ​ບາດ​ສໍາ​ຄັນ​ໃນ​ຂອບ​ເຂດ​ຂອງ​ການ​ຮ່ວມ​ມື​ສະເພາະ, ສ້າງ​ການ​ພົວພັນ​ຮ່ວມ​ມື​ຫຼາຍ​ຮູບ​ຫຼາຍ​ແບບ ແລະ ມີ​ປະສິດ​ທິ​ຜົນ​ໃນ​ພາກ​ພື້ນ. ສອງ​ປະເທດ​ໄດ້​ຮ່ວມ​ມື ແລະ ສົມທົບ​ກັນ​ຢ່າງ​ແໜ້ນ​ແຟ້ນ​ໃນ​ບັນດາ​ເວທີ​ປາ​ໄສ​ສໍາ​ຄັນ​ຫຼາຍ​ຝ່າຍ. ບັນດາ​ອົງການ​ຈັດ​ຕັ້ງ​ສາກົນ, ສອງ​ປະເທດ​ກໍ​ສ້າງ​ກົນ​ໄກ​ຮ່ວມ​ມື​ທີ່​ມີ​ປະສິດ​ທິ​ຜົນ​ອີກ​ດ້ວຍ.
    ກອງ​ປະຊຸມ​ໄດ້​ປຶກສາ​ຫາລື​ບັນດາ​​ຂໍ້​ມູນ​ໃນ​ການພົວ ພັນ ລະຫວ່າງ ຣັດເຊຍ-ຫວຽດ ນາມ. ບັນດາ​ບົດ​ປະ​ກອບ​ຄໍາ ເຫັນໄດ້​ຍົກ​ໃຫ້​ເຫັນ​ບັນດາ​ມາດ ຕະການ​ຊຸກຍູ້​ການ​ພົວພັນ ລະ ຫວ່າງ ຣັດ​ເຊຍ-ຫວຽດນາມ ຢ່າງ ຈະແຈ້ງ ພ້ອມ​ທັງ​ຍົກອອກບັນ ດາ​ຂໍ້​ລິ​ເລີ່ມ ເພື່ອສອງ​ປະເທດ​ມີ​ຄວາມ​ຜູກ​ພັນ​ກັນ​ຫຼາຍ​ກວ່າ​ອີກ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110