ຫົວ​ຂໍ້ : ປະເພນີຕ້ອນຮັບປີໃໝ່ຂອງຊາວຫວຽດນາມ ແລະ ຊາວຈີນ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 23/01/2020 08:44:07 ຈຳ​ນວນ​ຜູ້​ເຂົ້າ​ຢ້ຽມ​ຊົມ 409 ຄັ້ງ

ຮຽບຮຽງ​ໂດຍ: ສີ​ວັນ
     ການ​ຕ້ອນຮັບ​ລະດູບານ ໃໝ່​ຢູ່​ບ້ານ​ເກີດ​ເມືອງ​ນອນ ແມ່ນ​ມີ​ຄວາມ​ໝາຍ​ສໍາ​ລັບ​ຊາວ​ຫວຽດນາມ ແລະ ຊາວ​ຈີນ ທີ່ຢູ່​ຫ່າງ​ໄກ​ຈາກ​ບ້ານ​ເກີດ​ເມືອງ​ນອນ, ຈາກ​ປະເທດ​ຊາດ, ບໍ່​ພຽງ​ແຕ່​ເປັນ​ຂອງ​ຂວັນ​ສໍາ​ລັບ​ຊາວ​ຫວຽດນາມ ແລະ ຊາວ​ຈີນ ທີ່​ອາໄສ​ຢູ່​ຕ່າງປະເທດ​ໃນ​ຍາມ​ທ້າຍ​ປີ​ເທົ່າ​ນັ້ນ, ແຕ່​ຫາກ​ຍັງ​ຕອບ​ສະໜອງ​ໄດ້​ບັນດາ​ຄວາມ​ຮູ້ສຶກ, ຄວາມ​ມຸ່ງ​ມາດ​ປາຖະໜາ ທີ່​ໄດ້​ກັບ​ເມືອ​ບ້ານ​ເກີດ​ເມືອງ​ນອນ​ຂອງ​ຕົນ ໃນ​ຈຸດ​ເວລາ​ສົ່ງ​ທ້າຍ​ປີ​ເກົ່າ ຕ້ອນຮັບ​ປີ​ໃໝ່ ຂອງ​ເຂົາເຈົ້າ​ອີກ​ດ້ວຍ.
     ເມື່ອ​ບຸນປີໃໝ່​ປະ​ຈໍາ​ຊາດ ຫຼື ບຸນ​ເຕັດ ແລະ ລະດູບານໃໝ່​ວຽນມາ, ຊາວ​ຫວຽດນາມ ແລະ ຊາວ​ຈີນ ທີ່​ອາໄສ​ຢູ່​ທຸກ​ແຫ່ງ​ຫົນ​ໃນ​ທົ່ວ​ໂລກ ກໍ​ໄດ້​ກັບ​ເມືອ​ບ້ານ​ເກີດ​ເມືອງ​ນອນ​ຂອງ​ຕົນ ເພື່ອ​ຕ້ອນຮັບ​ບຸນປີໃໝ່​ປະ​ຈໍາ​ຊາດ, ທຸກ​ຄົນ​ໄດ້​ເຕົ້າໂຮມ​ກັນ, ພ້ອມ​ກັນ​ເຈືອ​ຈານ​ເຂົ້າ​ກັບ​ບັນຍາກາດ​ຂອງ​ລະດູບານໃໝ່​ຢ່າງ​ອົບ​ອຸ່ນ, ເບີກ​ການ​ມ່ວນ​ຊືນ ຕາມ​ຮີດ​ຄອງ​ປະເພນີ​ຂອງ​ເຂົາເຈົ້າ​ທີ່​ໄດ້​ສືບ​ທອດ​ກັນ​ມາ​ເປັນ​ເວລາ​ຫຼາຍ​ພັນ​ປີ. 
     ສໍາ​ລັບ​ຫວຽດນາມ, ໄດ້​ຈັດ​ໃຫ້​ມີ​ລາຍການ​ພິເສດ “ຕ້ອນຮັບ​ລະດູບານໃໝ່​ຢູ່​ບ້ານ​ເກີດ​ເມືອງ​ນອນ” ໂດຍ​ຄະ​ນະ​ກໍາ​ມະ​ການ​ແຫ່ງ​ລັດ ກ່ຽວ​ກັບ​ຊາວ​ຫວຽດນາມ ອາໄສ​ຢູ່​ຕ່າງປະເທດ, ສັງກັດ​ກະຊວງ​ການ​ຕ່າງປະເທດ​ຫວຽດນາມ ສົມທົບ​ກັບ​ບັນດາ​ອົງການ​ທີ່​ກ່ຽວຂ້ອງ​ຈັດ​ຕັ້ງ​ຂຶ້ນ. ລາຍການ​ດັ່ງກ່າວ ໄດ້​ກາຍເປັນ​ເຫດການ​ໃຫຍ່ ແລະ ເປັນ​ທີ່​ຄອງ​ຄອຍ​ຂອງ​ປະຊາ​ຄົມ​ຊາວ​ຫວຽດ ນາມ ທີ່​ອາໄສ​ຢູ່​ຕ່າງປະເທດ ເນື່ອງໃນ​ໂອກາດ​ນີ້, ອັນ​ໄດ້​ປະກອບສ່ວນ​ປຸກລະດົມ ແລະ ແຜ່​ຂະ​ຫຍາ​ຍນໍ້າ​ໃຈ​ຂອງ​ຊາດ, ຂອງ​ຊາວ​ຫວຽດນາມ​ທຸກ​ຄົນ ທີ່ຢູ່​ຫ່າງ​ໄກ​ບ້ານ​ເກີດ​ເມືອງ​ນອນ.
     ລາຍການ​ຕ້ອນຮັບ​ລະດູ ບານໃໝ່​ຢູ່​ບ້ານ​ເກີດ​ເມືອງ​ນອນ ແມ່ນ​ລາຍ​ການ​ທີີ່​ມີ​ຄວາມ​ໝາຍ​ສໍາ​ລັບ ຊາວ​ຫວຽດນາມ ທີ່ຢູ່​ຫ່າງ​ໄກ​ບ້ານ​ເກີດ​ເມືອງ​ນອນ, ຈາກ​ປະເທດ​ຊາດ, ບໍ່​ພຽງ​ແຕ່​ເປັນ​ຂອງ​ຂວັນ​ສໍາ​ລັບ​ຊາວ​ຫວຽດນາມ ທີ່​ອາໄສ​ຢູ່​ຕ່າງປະເທດ​ໃນ​ຍາມ​ທ້າຍ​ປີ​ເທົ່າ​ນັ້ນ, ແຕ່​ຫາກ​ຍັງ​ຕອບ​ສະໜອງ​ໄດ້​ຄວາມ​ຮູ້ສຶກ, ຄວາມ​ມຸ່ງ​ມາດ​ປາຖະໜາ ທີ່​ໄດ້​ກັບ​ເມືອ​ບ້ານ​ເກີດ​ເມືອງ​ນອນ​ຂອງ​ຕົນ ໃນ​ຈຸດ​ເວລາ​ສົ່ງ​ທ້າຍ​ປີ​ເກົ່າ​ຕ້ອນຮັບ​ປີ​ໃໝ່ ຂອງ​ເຂົາເຈົ້າ​ອີກ​ດ້ວຍ. ນີ້​ໄດ້​ສະແດງ​ໃຫ້​ເຫັນ​ເຖິງ​ຄວາມ​ເອົາໃຈໃສ່​ຂອງ​ພັກ ແລະ ລັດ ຫວຽດນາມ ທີ່​ມີ​ຕໍ່​ປະຊາ​ຄົມ​ຊາວ​ຫວຽດນາມ ອາໄສ​ຢູ່​ຕ່າງປະເທດ ບົນ​ເນື້ອ​ໃນ​ຈິດໃຈ ທີ່​ວ່າ: ຊາວ​ຫວຽດນາມ ທີ່​ອາໄສ​ຢູ່​ຕ່າງປະເທດ ແມ່ນ​ປະຊາ​ຄົມ​ທີ່​ບໍ່​ອາດ​ຕັດ​ແຍກ​ອອກ​ຈາກ​ຊາດ​ຫວຽດນາມ​ໄດ້ ແລະ ທັງ​ແມ່ນ​ແຫຼ່ງ​ກໍາ​ລັງ​ສໍາ​ຄັນ​ອີກ​ດ້ວຍ. ແມ່ນ​ໂອກາດ​ເພື່ອ​ໃຫ້​ຊາວ​ຫວຽດນາມ ກັບ​ເມືອ​ປະເທດ​ຕ້ອນຮັບ​ບຸນ​ເຕັດ, ໄດ້​ເຕົ້າໂຮມ​ພ້ອມ​ກັບ​ຄອບຄົວ ແລະ ແມ່ນ​ໂອກາດ​ເພື່ອ​ໃຫ້​ເຂົາເຈົ້າ​ໄດ້​ພົບ​ປະ​ແລກປ່ຽນ, ສ້າງ​ສາຍ​ສໍາ​ພັນ​ເຊື່ອມ​ຕໍ່​ສະໜິດ​ຕິດ​ພັນ ລະຫວ່າງ ຊາວ​ຫວຽດນາມ ທີ່​ອາໄສ​ຢູ່​ບັນດາ​ປະເທດ​ໃນ​ໂລກ. ສິ່ງ​ພິເສດແມ່ນ ເຂົາເຈົ້າ​ໄດ້​ມີ​ໂອກາດ​ພົບ​ປະ​ກັບ​ການ​ນໍາ​ພັກ, ລັດ, ທ້ອງຖິ່ນ ເພື່ອ​ສະເໜີ​ຄວາມ​ຮູ້ສຶກ, ຄວາມ​ມຸ່ງ​ມາດ​ປາຖະໜາ​ຂອງ​ຕົນ ແລະ ຊອກ​ຮູ້​ບັນດາ​ກາລະ​ໂອກາດ​ລົງ​ທຶນ​ດໍາ​ເນີນ​ທຸລະ​ກິດ​ພາຍ​ໃນ​ປະ​ເທດ. ເຫັນ​ປະຈັກ​ຕາ​ການ​ປ່ຽນແປງ, ການ​ພັດທະນາ​ຂອງ​ປະເທດ​ຊາດ. 
     ວັນ​ບຸນ​ປະ​ຈໍາ​ຊາດ ກໍ​ແມ່ນ​ໂອກາດ​ເພື່ອ​ໃຫ້​ພໍ່​ແມ່ພີ່ນ້ອງ​ຊາວ​ຫວຽດນາມ ກໍ​ຄື​ຊາວ​ຈີນ ດໍາ​ລົງ​ຊີວິດ​ໃນ​ທົ່ວ​ໂລກ ໄດ້​ກັບ​ເມືອ​ປະເທດ, ເຕົ້າໂຮມ​ກັບ​ຄອບຄົວ​ຍາດຕິ​ພີ່​ນ້ອງ. ໃນ​ຫຼາຍ​ປີ​ມາ​ນີ້, ເຖິງ​ວ່າ​ຈະ​ດໍາ​ລົງ​ຊີວິດ​ຢູ່​ແຫ່ງ​ຫົນ​ໃດ​ໃນ​ໂລກ​ກໍ​ຕາມ, ແຕ່​ສໍາ​ລັບ​ເລື່ອງ ຮ່ວມ​ສາຍເລືອດ​ອັນ​ດຽວ​ກັນ ແລະ ຄວາມ​ສະໜິດ​ຕິດ​ພັນ​ກັບ​ບ້ານ​ເກີດ​ເມືອງ​ນອນ​ນັ້ນ, ຊາວ​ຫວຽດນາມ ທີ່​ອາໄສ​ຢູ່​ຕ່າງປະເທດ ໄດ້​ປະກອບສ່ວນ​ປັບປຸງ ແລະ ພັດທະນາ​ກຸ່ມ​ກ້ອນ​ມະຫາ​ສາ​ມັກ​ຄີີ​ຂອງ​ຊາດ, ແມ່ນ​ປັດ​ໄຈ​ທີ່​ບໍ່​ອາດ​ຂາດ​ໄດ້​ໃນ​ຂະບວນ​ວິວັດ​ການ​ພັດທະນາ​ຂອງ​ຫວຽດນາມ. 
     ບຸນ​ເຕັດ ແມ່ນ​ສໍາ​ລັບ​ຊາວ​ຫວຽດນາມ ແລະ ຊາວ​ຈີນ​ແມ່ນ ຕຸດ​ຈີນ ແມ່ນ ຈຸດ​ເວລາ​ສັກກາ​ລະ​ບູຊາ​ທີ່​ສຸດ, ແມ່ນ​ວັນ​ແຫ່ງ​ການ​ເຕົ້າໂຮມ, ວັນ​ກັບ​ເມືອ​ຫາ​ກົກ​ເຄົ້າ​ເຫງົ້າ​ກໍ. ປັດ​ຈຸ​ບັດ, ຊາວ ຫວຽດນາມ ແລະ ຊາວ​ຈີນ ເຖິງ​ຈະ​ດຳລົງ​ຊີວິດ​ຢູ່​ຫ່າງ​ໄກ​ບ້ານ​ເກີດ​ເມືອງ​ນອນ, ບໍ່​ວ່າ​ຢູ່​ແຫ່ງ​ຫົນ​ໃດ​ກໍຕາມ ເຂົາເຈົ້າ​ລ້ວນ​ແຕ່​ມຸ່ງ​ໄປ​ເຖິງ​ກົກ​ເຄົ້າ​ເຫງົ້າ​ກໍ, ບັນພະບຸລຸດ​ຂອງ​ຕົນ. ເມື່ອ​ໄດ້​ຕ້ອນຮັບ​ບຸນ​ເຕັດ​ຢູ່​ບ້ານ​ເກີດ​ເມືອງ​ນອນ, ບ່ອນ​ຕັດ​ສາຍ​ແຮ່ ແຜ່​ສາຍ​ບື ແລະ ໄດ້​ເຫັນ​ປະຈັກ​ຕາ​ການ​ປ່ຽນແປງ​ໃໝ່, ການ​ພັດທະນາ​ຂອງ​ປະເທດ​ຊາດ​ນັ້ນ ແມ່ນ​ຄວາມ​ຜາ​ສຸກ​ຂອງ​ຊາວ​ຫວຽດນາມ ກໍ​ຄື​ຊາວ​ຈີນ ທີ່​ອາໄສ​ຢູ່​ຕ່າງ​ປະ​ເທດ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110