ກອງປະຊຸມສະພາປະຊາຊົນ ແຂວງສາລະວັນ

     ກອງ​ປະຊຸມ​ສະໄໝ​ສາມັນ​ເທື່ອ​ທີ 8 ຂອງ​ສະພາ​ປະຊາຊົນ​ແຂວງ ຊຸດ​ທີ I ໄດ້​ເປີດຂຶ້ນ​ຢ່າງ​ເປັນ​ທາງ​ການ​ໃນ​ຕອນ​ເຊົ້າ​ວັນ​ທີ 22 ມັງກອນນີ້ ທີ່​ສະໂມສອນ​ແຂວງ, ພາຍ​ໃຕ້​ການ​ເປັນ​ປະ ທານ​ຂອງ​ທ່ານ ຄໍາ​ເຫຼັກ ອິນ​ດາ​ວົງ ປະທານ​ສະພາ​ປະຊາຊົນ​ແຂວງ​ສາລະ​ວັນ, ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ສີ​ສຸວັນ ວົງ​ຈອມ​ສີ ເຈົ້າແຂວງໆ​ສາລະ​ວັນ ພ້ອມ​ດ້ວຍ​ບັນດາ​ທ່ານ​ການ​ນໍາ​ພັກ​-​ລັດ​ຂັ້ນ​ສູງ, ອະ​ດີດ​ການ​ນໍາ​ຂອງ​ແຂວງ,ສະມາຊິກ​ສະພາ​ແຫ່ງ​ຊາດ​ປະ​ຈໍາ​ເຂດ​ເລືອກ​ຕັ້ງ​ທີ 14 ແຂວງ​ສາລະ​ວັນ, ສະມາຊິກ​ສະພາ​ປະຊາຊົນ ແຂວງ, ບັນດາ​ທ່ານຫົວໜ້າ​ພະແນກການ ແລະ​ ຂະແໜງການ​ທີ່​ກ່ຽວຂ້ອງ​ເຂົ້າ​ຮ່ວມ.

      ກອງ​ປະຊຸມ​ຄັ້ງ​ນີ້​ສຸດທີ່​ ມີ​ຄວາມ​ໝາຍ​ຄວາມ​ສໍາຄັນ ເພາະ​ເປັນ​ການ​ຄົ້ນຄວ້າ​ພິຈາ ລະນາ​ຮັບຮອງ​ເອົາ​ບາງ​ບັນ​ຫາ​ສໍາ​ຄັນ​ຂອງ​ແຂວງ ເພື່ອ​ສືບຕໍ່​ຈັດ​ຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່​ຄັ້ງ​ທີ VIII ຂອງ​ແຂວງ ໃຫ້​ເປັນ​ອັນ​ສະເພາະ​ໃນ​ແຕ່​ລະ​ຂົງເຂດ​ວຽກ​ງານ, ເປັນ​ການ​ຕອບ​ສະ​ໜອງ​ຄວາມ​ຮຽກຮ້ອງ​ຕ້ອງການ​ແຫ່ງ​ການ​ຄຸ້ມ​ຄອງ​ລັດ​ຄຸ້ມ​ຄອງ​ເສດ​ຖະ​ກິດ​-​ສັງຄົມ​ໃນ​ໄລຍະ​ໃໝ່​ຊຶ່ງໃນ​ກອງ​ປະຊຸມ​ແມ່ນ​ຈະ​ໄດ້​ຮັບ​ຟັງ ແລະ ​ພິຈາລະນາ​ຮັບຮອງ​ເອົາ ບົດ​ລາຍ​ງານກ່ຽວ ​ກັບ​ການຈັດຕັ້ງ​ປະຕິບັດ​ແຜນ ການເຄື່ອນໄຫວ ປະ​ຈໍາ​ປີ 2019 ແລະ​ ທິດ​ທາງ​ແຜນການ​ປະ​ຈໍາ​ປີ 2020, ຜົນ​ການ​ກວດ​ສອບ​ບົດ​ສະຫຼຸບ​ຂາດ​ຕົວ​ການຈັດຕັ້ງ​ປະຕິບັດ​ແຜນ​ງົບປະມານ​ຂອງ​ແຂວງ​ສາລະ​ວັນ ປະ​ຈໍາ​ປີ 2018 ຂອງ​ອົງການ​ກວດ​ສອບ​ປະ​ຈໍາ​ພາກ​ໃຕ້ ແລະ​ ຜົນ​ຂອງ​ການ​ແກ້​ໄຂ​ຜົນ​ການ​ກວດ​ສອບ​ບົດ​ສະຫຼຸບ​ຂາດ​ຕົວ​ການຈັດຕັ້ງ​ປະຕິບັດ​ແຜນ​ງົບປະມານ​ຂອງ​ແຂວງ​ປະ​ຈໍາ​ປີ 2017 ຂອງ​ພະ​ແນ​ກ​ກວດກາ​ລັດ