ໜັງສືພິມ ປະຊາຊົນ

ທ່ານ ສີຈິ້ນຜິງ ອອກຄຳສັ່ງຊີ້ນຳການປ້ອງກັນພະຍາດ ອັກເສບປອດ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 24/01/2020 09:05:38 ຈຳນວນຢ້ຽມຊົມ 802 ຄັ້ງ

ຂ່າວສານຊີອາໄອລາຍງານວ່າ: ໃນໄລຍະມໍ່ໆນີ້, ຫຼາຍເຂດຂອງຈີນ ໂດຍສະເພາະນະຄອນອູຮັ້ນແຂວງຫູເປີຍ ໄດ້ເກີດພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ ຫຼື NCOV.
ຂ່າວລະບຸວ່າ: ພາຍຫຼັງເກີດພະຍາດດັ່ງກ່າວ, ສູນກາງ ພັກ ແລະ ລັດຖະບານຈີນ ໄດ້ໃຫ້ຄວາມສຳຄັນຢ່າງສູງ. ທ່ານ ສີຈິ້ນຜິງ ປະທານປະເທດຈີນ ໄດ້ອອກຄຳສັ່ງຊີ້ນຳສຳຄັນວ່າ: ນະຄອນອູຮັ້ນແຂວງຫູເປີຍ ແລະ ແຫ່ງອື່ນໆ ໄດ້ເກີດພະຍາດອັກເສບປອດຈາກເຊື້ອຈຸລະໂຣກສາຍພັນໃໝ່ ໃນໄລຍະມໍ່ໆນີ້, ຕ້ອງມີສະຕິລະວັງຕົວ ແລະ ໃຫ້ຄວາມສຳຄັນຢ່າງສູງ, ອອກແຮງຈົນສຸດຄວາມສາມາດປະຕິບັດວຽກງານປ້ອງກັນ ແລະ ຄວບຄຸມພະຍາດ.
ທ່ານ ສີຈິ້ນຜິງ ກ່າວວ່າ: ປັດຈຸບັນ, ກຳລັງຢູ່ໃນໄລຍະບຸນຕຸດຈີນ, ປະຊາຊົນຈຳນວນຫຼວງຫຼາຍເດີນທາງພາຍໃນຂອບເຂດກວ້າງຂວາງ ຈຶ່ງມີຄວາມສຳຄັນ ແລະ ເລັ່ງດ່ວນທີ່ສຸດໃນການເຮັດວຽກປ້ອງກັນ ແລະ ຄວບຄຸມພະຍາດໃຫ້ດີ. ຄະນະພັກ ແລະ ອົງການປົກຄອງທຸກຂັ້ນກໍຄືພາກສ່ວນທີ່ກ່ຽວຂ້ອງຕ້ອງຖືຄວາມປອດໄພດ້ານຊີວິດ ແລະ ສຸຂະພາບຂອງປະຊາຊົນໄວ້ຢູ່ໃນຖານະສຳຄັນອັນດັບໜຶ່ງ, ຕ້ອງວາງແຜນຢ່າງຖີ່ຖ້ວນລະອຽດ, ຈັດຕັ້ງກຳລັງຝ່າຍຕ່າງໆດຳເນີນການປ້ອງກັນ ແລະ ຄວບຄຸມພະຍາດດັ່ງກ່າວ, ໃຊ້ມາດຕະການຕົວຈິງ ທີ່ມີປະສິດທິຜົນເຂົ້າໃນການສະກັດກັ້ນທ່ວງທ່າແຜ່ລະບາດຂອງພະຍາດຢ່າງເດັດຂາດ. ຕ້ອງອອກແຮງປິ່ນປົວຜູ້ຕິດພະຍາດຢ່າງສຸດຄວາມສາມາດ, ສືບຫາສາເຫດຕົວຈິງທີ່ພາໃຫ້ຕິດພະຍາດ ແລະ ພະຍາດແຜ່ລະບາດໂດຍໄວ, ເພີ່ມທະວີເຝົ້າຕິດຕາມຜູ້ຕິດພະຍາດ, ປະຕິບັດຕາມ ຂັ້ນຕອນປິ່ນປົວໃຫ້ເປັນລະ ບຽບແບບແຜນ. ຕ້ອງແຈ້ງໃຫ້ ປະຊາຊົນຮູ້ສະພາບການແຜ່ລະບາດຂອງພະຍາດຢ່າງທັນການ, ລົງເລິກການຮ່ວມມືກັບ ສາກົນໃນວຽກງານປ້ອງກັນ ແລະ ຄວບຄຸມພະຍາດ. ຕ້ອງ ເພີ່ມທະວີການນຳພາຫາງ ສຽງດ້ວຍການເພີ່ມທະວີການ ໂຄສະນາ ແລະ ອະທິບາຍມາດຕະການ, ນະໂຍບາຍທີ່ກ່ຽວຂ້ອງ, ປົກປ້ອງສະຖຽນລະພາບທາງສັງຄົມຢ່າງເດັດດ່ຽວ, ຮັບປະກັນໃຫ້ປະຊາຊົນສະ ຫຼອງບຸນຕຸດຈີນດ້ວຍຄວາມສະຫງົບສຸກ ແລະ ເປັນງານສີລິມຸງຄຸນ.

ຂ່າວທີ່ໄດ້ຮັບຄວາມນິຍົມ