ຫົວ​ຂໍ້ : ກອງປະຊຸມສະພາບໍລິຫານອາຊຽນ - IPR

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 24/01/2020 09:07:35 ຈຳ​ນວນ​ຜູ້​ເຂົ້າ​ຢ້ຽມ​ຊົມ 390 ຄັ້ງ

    ວິທະຍຸ​ກະຈາຍສຽງຫວຽດ ນາມ​ລາຍ​ງານ​ວ່າ: ວັນ​ທີ 21 ມັງກອນ​ຜ່ານ​ມາ, ໄດ້​ດຳເນີນ​ກອງ​ປະຊຸມ​ຄັ້ງ​ທີ 18 ຂອງ​ສະພາ​ບໍລິຫານ ສະ​ຖາ​ບັນ​ສັນຕິພາບ ແລະ ໄກ່​ເກ່ຍ​ອາ​ຊຽນ (ອາ​ຊຽນ - IPR) ຢູ່​ນະຄອນຫຼວງ​ຈາ​ກາ​ຕາ ປະເທດ​ອິນ​ໂດ​ເນ​ເຊຍ. 
    ຂ່າວ​ລາຍ​ງານ​ວ່າ: ນີ້​ແມ່ນກອງ​ປະຊຸມ​ຄັ້ງ​ທຳອິດ​ຂອງ​ສະພາ​ບໍລິຫານ​ອາ​ຊຽນ - IPR ໃນ​ປີ ຫວຽດນາມ ເປັນ​ປະທານ​ອາ​ຊຽນ 2020 ໂດຍ​ການ​ເປັນ​ປະທານ​ຂອງ ທ່ານ ເຈິ່ນ​ດຶກ​ບິ່ງ ເອກ​ອັກ​ຄະ​ລັດ​ຖະ​ທູດ ຫົວໜ້າ​ຄະນະ​ຜູ້​ແທນ​ຫວຽດນາມ ປະຈຳ ອາ​ຊຽນ ປະທານ​ສະພາ​ບໍລິຫານ ອາ​ຊຽນ - IPR.
ກ່ຽວ​ກັບ​ຄວາມ​ໝາຍ​ຂອງ ຫົວຂໍ້ ແລະ ບັນດາ​ບຸລິມະສິດ​ຂອງ ຫວຽດນາມ ໃນ​ປີ​ປະທານ ອາ​ຊຽນ 2020, ທ່ານ ເຈິ່ນ​ດຶກ​ບິ່ງ ໃຫ້​ຮູ້​ວ່າ: ໜຶ່ງ​ໃນ​ບັນດາ​ບຸລິມະສິດ​ຂອງຫວຽດນາມ ແມ່ນ​ຊຸກຍູ້​ບັນດາ​ໂຄງການ, ການເຄື່ອນໄຫວ​ກ່ຽວ​ກັບ​ແມ່ ຍິງ, ສັນຕິພາບ ແລະ  ຄວາມ​ໝັ້ນຄົງ​ອາ​ຊຽນ ໃນ​ສະພາບ​ການ​ຮັກສາ​ສັນຕິພາບ ແລະ ຄວາມ​ໝັ້ນຄົງ ສືບຕໍ່​ແມ່ນ​ໜຶ່ງ ​ໃນ​ບັນດາ​ຈຸດ​ສຸມ​ຂອງ ສະມາ ຄົມ​ອາ​ຊຽນ.
    ໃນ​ກອງ​ປະຊຸມ, ສະພາ​ອາ​ຊຽນ - IPR ໄດ້​ປຶກສາ​ຫາລື ແລະ ຮັບຮອງ​ເອົາ​ແຜນການ​ປະຕິບັດ​ງານ​ປີ 2020, ຮັບ ຮູ້​ບົດ​ລາຍ​ງານ​ການ​ເງິນ ປີ 2019 ແລະ ສະເໜີ​ງົບປະ ມານ​ການເຄື່ອນໄຫວ​ໃຫ້​ແກ່​ປີ 2020 ຂອງ​ຄະນະ​ເລຂາອາ​ຊຽນ - IPR.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110