ຫົວ​ຂໍ້ : ກວຕ ປາຖະກະຖາວັນສ້າງຕັ້ງກອງທັບ ປະຊາຊົນລາວ ຄົບຮອບ 71 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:50:22 ຈຳ​ນວນ​ຜູ້​ເຂົ້າ​ຢ້ຽມ​ຊົມ 382 ຄັ້ງ

ກະຊວງ​ວິທະຍາສາດ ແລະ ເຕັກ​ໂນ​ໂລ​ຊີ (ກວຕ) ໄດ້​ຈັດ​ພິທີ​ປາຖະກະຖາ​ວັນສ້າງ ຕັ້ງ​ກອງທັບ​ປະຊາຊົນ​ລາວ ຄົບ ຮອບ 71 ປີ (20 ມັງກອນ 1949- 20 ມັງກອນ 2020) ໃນ​ວັນ​ທີ 22 ມັງກອນ​ນີ້ ທີ່​ສະ​ຖາ​ບັນ​ການ​ຄຸ້ມ​ຄອງ​ວິທະຍາສາດ ແລະ ເຕັກ​ໂນ​ໂລ​ຊີ ກວຕ  ໂດຍ​ການ​ປາຖະກະຖາ​ຂອງ​ທ່ານ ພົນ​ຈັດ ຕະວາ ຄໍາ​ຜາງ ກອງ​ຈັນ​ແສງ ຮອງ​ປະທານ​ສະຫະພັນ​ນັກຮົບ​ເກົ່າແຫ່ງ​ຊາດ, ມີ​ຄະນະ​ນຳ​ກະ ຊວງ ຕະຫຼອດ​ຮອດ​ພະນັກ​ງານ​-​ລັດຖະກອນ​ເຂົ້າ​ຮ່ວມ​ຮັບ​ຟັງ.
ຈຸດປະສົງແມ່ນເພື່ອ​ເຮັດ​ໃຫ້​ສະມາຊິກ​ພັກ, ພະນັກ​ງານ-​ລັດຖະກອນ​ໃນ​ທົ່ວກະຊວງ​ວິທະຍາສາດ ແລະ ເຕັກໂນ ​ໂລ​ຊີ ໄດ້​ຮັບ​ຮູ້ ແລະ ເຂົ້າໃຈ​ຕໍ່​ປະຫວັດ​ການ​ກໍາ​ເນີດ ແລະ ຂະຫຍາຍຕົວ​ຂອງ​ກອງທັບ​ ປະ ຊາຊົນ​ລາວ ໃນ​ແຕ່​ລະໄລຍະ, ທາດ​ແທ້ ແລະ ມູນເຊື້ອ​ອັນສະ ຫງ່າ​ອົງອາດ​ຂອງກອງທັບປະ ຊາຊົນ​ລາວ ຕະຫຼອດ 71 ປີ​ ຜ່ານ​ມາ.
ທ່ານ ພົນ​ຈັດຕະວາ ຄໍາ ຜາງ ກອງ​ຈັນ​ແສງ ໄດ້​ຍົກ​ໃຫ້​ເຫັນ​ຄວາມ​ໝາຍຄວາມ​ສໍາ ຄັນຂອງ​ການ​ກໍາ​ເນີດ ແລະ ເຕີບ​ໃຫຍ່​ຂະຫຍາຍຕົວ​ຂອງ​ກອງທັບ​ປະຊາຊົນ​ລາວ​ໃນຕະ ຫຼອດ​ໄລຍະ​ທີ່​ຜ່ານ​ມາ, ເພື່ອ​ຕອບ​ສະໜອງ​ຕາມ​ຄວາມ​ຮຽກ ຮ້ອງ​ຕ້ອງການ​ຂອງ​ສະພາບ​ການ ກໍ​ຄື​ຂະບວນ​ການ​ປະຕິວັດ​ຕໍ່ສູ້ກູ້ຊາດຂອງປະຊາຊົນລາວ​ ບັນດາເຜົ່າ​ຜູ້​ຮັກ​ຊາດ; ກອງ ທັບປະຊາຊົນ​ລາວ​ໄດ້​ຮັບການ ສ້າງຕັ້ງ​ຂຶ້ນ​ໃນ​ວັນ​ທີ 20 ມັງ ກອນ 1949, ພາຍ​ໃຕ້​ການ ​ນໍາ​ພາ​ອັນ​ປີ​ຊາ​ສາມາດ ແລະ ສະຫຼາດ​ສ່ອງ​ໃສ​ຂອງ​ພັກ​ປະ ຊາຊົນ​ປະຕິວັດ​ລາວ, ກອງທັບ​ປະຊາຊົນ​ລາວ​ໄດ້​ຜ່ານ​ຜ່າ​ອຸປະ ສັກ​ນາໆ​ປະການ ແລະ ເຕັມ​ໄປ​ດ້ວຍ​ຄວາມ​ເສຍສະຫຼະ​ອັນ​ໃຫຍ່​ຫຼວງ ໃນ​ພາລະກິດ​ຕໍ່ສູ້​ປົດ​ປ່ອຍປະ​ເທດ​ຊາດ ຕາມ​ທີ່​ພັກ ແລະ ປະຊາຊົນ​ມອບ​ໝາຍ​ໃຫ້​ຢ່າງ​ມີ​ໄຊ, ສາມາດ​ຕີ​ເອົາ​ຊະນະ​ຈັກກະພັດຜູ້​ຮຸກ​ຮານ ທັງ​ເກົ່າ ແລະ ໃໝ່, ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມ ບູນ ແລະ ສະຖາປະນາເປັນ ​ປະເທດ ສາທາລະນະ​ລັດ ປະ ຊາທິປະໄຕ ປະຊາຊົນ​ລາວ ຂຶ້ນໃນ​ວັນ​ທີ 2 ທັນວາ 1975 ຢ່າງ​ສະຫງ່າ​ຜ່າເຜີຍ, ມາ​ເຖິງ​ປັດຈຸບັນກອງທັບ​ເປັນ​ເຈົ້າການ ​ປະຕິບັດ​ວຽກ​ງານ​ປ້ອງ​ກັນ​ຊາດ-​ປ້ອງ​ກັນ​ຄວາມ​ສະຫງົບ​ທົ່ວ​ປວງ​ຊົນ​ຮອບດ້ານເຮັດ​ໃຫ້​ປະເທດ​ຊາດ​ມີ​ຄວາມ​ສະຫງົບ​ໂດຍ​ພື້ນ​ຖານ.
ກອງທັບ​ປະຊາຊົນ​ລາວ​ໄດ້​ເອົາໃຈໃສ່​ຕໍ່​ການ​ຫັນ​ລົງກໍ່ ສ້າງ​ຮາກ​ຖານ​ການເມືອງປະ ກອບສ່ວນ​ຢ່າງ​ໃຫຍ່​ຫຼວງ​ເຂົ້າ​ໃນ​ການ​ພັດທະນາ​ເສດຖະ​ກິດ​-​ສັງຄົມ​ຂອງ​ຊາດ ໂດຍໄດ້​ ສຸມ​ໃສ່​ຈັດ​ຕັ້ງ​ປະຕິບັດ​ບັນດາ​ມະຕິ, ຄໍາ​ສັ່ງຂອງ​ກົມການ ເມືອງສູນ​ກາງ​ພັກ, ສຸມ​ໃສ່ວຽກ ​ງານ​ກໍ່ສ້າງຮາກຖານ​ການ ເມືອງ, ສ້າງ​ບ້ານ​-​ກຸ່ມ​ບ້ານ​ພັດ ທະນາ​ຢ່າງ​ຕັ້ງໜ້າ​ດ້ວຍ​ມາດ​ຕະການ​ລົງ​ກໍ່ສ້າງ​ຮາກ​ຖານ​ຢ່າງ​ແຂງແຮງ​ຕາມ 4 ເນື້ອ​ໃນ 4 ຄາດໝາຍ ຕິດ​ພັນ​ກັບ​ວຽກ​ງານ 3 ສ້າງ​ໂດຍ​ສົມທົບ 3 ດ້ານ: ດ້ານ​ການເມືອງ, ເສດຖະກິດ ແລະ ການ​ທະຫານເຮັດ​ໃຫ້ທົ່ວ​ ສັງຄົມ​ມີ​ຄວາມ​ສະຫງົບ​ປອດ​ໄພ, ຊີວິດ​ການ​ເປັນ​ຢູ່​ຂອງ​ປະ ຊາຊົນ​ໄດ້​ຮັບ​ການ​ປົວແປງ​ດີ​ຂຶ້ນ​ເປັນ​ກ້າວໆ.
ໃນ​ພິທີ​ດັ່ງກ່າວ ຍັງ​ໄດ້​ຮັບ​ຟັງ​ກ່ຽວ​ກັບ​ປະຫວັດ​ຄວາມ​ເປັນ​ມາ​ຂອງວັນ​ຕ້ານ​ການ​ສໍ້​ລາດ​ບັງ​ຫຼວງ​ສາກົນ ຄົບຮອບ 16 ປີ (9/12/2003-9/12/2020).  ເຊື່ອມ​ຊຶມ​ຄໍາ​ແນະ​ນໍາ​ຂອງ​ຄະ ນະ​ຈັດ​ຕັ້ງ​ສູນ​ກາງ​ພັກກ່ຽວ​ກັບ​ການຈັດຕັ້ງ​ປະຕິບັດມະຕິ​ຂອງ​ກົມ​ການເມືອງ​ສູນ​ກາງ​ພັກ ວ່າ​ດ້ວຍ​ລະບອບ​ການ​ຮໍ່າ​ຮຽນ​ທິດ​ສະ​ດີ​ການເມືອງ,  ການ​ສ້າງ​ແຜນ​ກໍ່​ສ້າງ​-ບໍາ​ລຸງ​ພະນັກ​ງານ​ນໍາ​ພາ​-​ຄຸ້ມ​ຄອງ ແລະ ຂໍ້​ກໍາ​ນົດ ວ່າ​ດ້ວຍ​ການ​ຢັ້ງຢືນ​ລະດັບ​ທິດ​ສະ​ດີ​ການເມືອງ ສະບັບ​ເລກ​ທີ 204/ຄຈສພ ລົງ​ວັນ​ທີ 05 ພະຈິກ 2019.
 ( ຂ່າວ: ແສງ​ຈັນ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110