ຫົວ​ຂໍ້ : ສວສ ຄົ້ນຄວ້າການຮຽນ-ການສອນຫ້ອງຄວບ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:51:07 ຈຳ​ນວນ​ຜູ້​ເຂົ້າ​ຢ້ຽມ​ຊົມ 587 ຄັ້ງ

ເພື່ອ​ເປັນ​ການ​ກະກຽມ​ໃນ​ການຈັດຕັ້ງ​ປະຕິບັດ​ຫຼັກສູດ​ໃໝ່ ຊັ້ນ ປ2 ແລະ ເລີ່ມ​ຂຽນ​ຫຼັກສູດ ຊັ້ນ ປ3, ສະນັ້ນ​ຜູ້ມີ​ສ່ວນຮ່ວມ​ພັດທະນາ​ດ້ານການ ​ສຶກສາຮ່ວມ​ກັບ​ສະ​ຖາ​ບັນ​ຄົ້ນ ຄວ້າວິທະຍາສາດ​ການ​ສຶກສາ (ສວສ) ຈຶ່ງ​ໄດ້​ຈັດ​ກອງ​ປະຊຸມ​ປຶກສາ​ຫາລື​ກ່ຽວ​ກັບ​ການ​ຮຽນ​ການ​ສອນ​ຫ້ອງ​ຄວບ​ແຫ່ງ​ຊາດ​ຄັ້ງ​ທຳອິດ​ຂຶ້ນ​ໃນ​ວັນ​ທີ 23 ມັງ ກອນນີ້​ ທີ​່ນະຄອນຫຼວງ​ວຽງ​ຈັນ ໂດຍ​ການ​ເປັນ​ປະທານຂອງ ທ່ານ ອ່ອນ​ແກ້ວ ນວນນະ​ວົງ ຜູ້ອຳນວຍການ ສວສ ແລະ ທ່ານ ເກດ ພັນ​ລັກ ຫົວໜ້າ​ກົມ ​ສ້າງ​ຄູ ໂດຍ​ໄດ​້ຮັບ​ການ​ສະໜັບ ສະໜູນ​ຈາກ​ລັດຖະບານ​ອົສ​ຕຣາ​ລີ ແລະ ສະຫະພາບເອີ​ຣົບ. 
ທ່ານ ອ່ອນ​ແກ້ວ ນວນ​ນະ​ວົງ ກ່າວ​ວ່າ: ການ​ຮຽນ​ການ ສອນ​ຫ້ອງຄວບ​ແມ່ນ​ສິ່ງທີ່​ຈຳ ເປັນ​ໃນ​ລາວ ຕ້ອງ​ໄດ້​ດຳເນີນ​ໄປ​ຄຽງ​ຄູ່​ກັບ​ການ​ສອນ​ຫ້ອງ​ປົກກະຕິ ຫຼື ຫ້ອງ​ດ່ຽວ ເພື່ອ​ຮັບ ປະກັນ​ໃຫ້​ນັກຮຽນ​ໄດ້​ມີ​ໂອກາດ​ໄດ້​ຮັບ​ການ​ສຶກສາ​ທີ່​ມີ​ຄຸນ​ນະ​ພາບຢ່າງ​ສະເໝີພາບ ແລະ ເທົ່າ​ທຽມ​ກັນ.
ຜ່ານ​ການ​ປຶກສາ​ຫາລື ແບບ​ທັງ​ໝົດ, ແບບ​ເປັນ​ກຸ່ມ ແລະ ເປັນ​ຄະນະ, ຜູ້​ເຂົ້າ​ຮ່ວມ​ໄດ້​ທົບ​ທວນ ແລະ ປຶກສາຫາລື​ ຂອບ​ເຂດ​ການ​ຮຽນ​-ການ​ສອນ​ ຫ້ອງ​ຄວບ​ທີ່​ມີ​ຫຼາຍ​ຢູ່​ໃນ​ປະ ເທດ​ລາວ,  ກອງ​ປະຊຸມ​ໄດ້​ວິ ເຄາະ​ສິ່ງ​ທ້າ​ທາຍ​ທີ່​ປະສົບພົບ ພໍ້​ໂດຍ​ຄູ,  ຜູ້ອຳນວຍການ​ໂຮງ ຮຽນ ແລະ ນັກຮຽນ​ໃນ​ຫ້ອງ​ຮຽນ​ຄວບ ແລະ ວິທີ​ທາງ​ແບບ​ໃໝ່​ໄດ້​ປັບ​ເພື່ອ​ເພີ່ມ​ການ​ຮຽນ​ຮູ້. 
ຈາກ​ນັ້ນ​ກອງ​ປະຊຸມ​ຍັງ​ໄດ້​ຮັບ​ຟັງ​ການ​ນຳ​ສະເໜີ​ການ​ປະຕິບັດ​ທີ່​ດີເລີດ​ຂອງ​ສາກົນ​ກ່ຽວ​ກັບ​ການ​ຮຽນ ແລະ ການ​ສອນ​ຫ້ອງ​ຄວບ​ຈາກ​ຊ່ຽວຊານ, ແລະ ອົງການ​ຈັດ​ຕັ້ງ​ທີ່​ບໍ່​ຂຶ້ນ​ກັບ​ລັດຖະບານ​ຍັງ​ໄດ້​ນຳ​ສະເໜີ​ຫຼາຍ​ຕົວຢ່າງ​ຂອງ​ການ​ຮຽນ​ການ​ສອນ​ຫ້ອງ​ຄວບ​ທີ່​ໄດ້​ທົດ​ລອງ​ໃນ​ປະເທດ​ລາວ ລວມທັງ​ ຈຸດ​ດີ ແລະ ຈຸດ​ອ່ອນ ແລະ ອື່ນໆ. 
 (ຂ່າວ: ຕຸ​ໄລ​ເພັດ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110