ຫົວ​ຂໍ້ : ສມປຊ ເຜີຍແຜ່ເອກະສານຂອງສະຫະພັນກຳມະບານ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:51:53 ຈຳ​ນວນ​ຜູ້​ເຂົ້າ​ຢ້ຽມ​ຊົມ 369 ຄັ້ງ

ສະ​ຖາ​ບັນ​ການເມືອງ ແລະ ການ​ປົກຄອງ​ແຫ່ງ​ຊາດ (ສມປຊ) ໄດ້​ຈັດ​ກອງ​ປະຊຸມ​ເຜີຍແຜ່​ເອກະສານ​ຂອງ​ສະຫະ ພັນ​ກຳມະບານ ຂຶ້ນ​ໃນ​ວັນ​ທີ 22 ມັງກອນ​ຜ່ານ​ມາ ທີ່​ສະ​ຖາ​ບັນ​ດັ່ງກ່າວ ໂດຍ​ການ​ເປັນ​ປະ ທານ​ຂອງທ່ານ ບຸນ​ທີ ເຄືອ​ມີ​ໄຊ ຄະນະ​ບໍລິຫານ​ງານ​ພັກ ສະ​ຖາ​ບັນ​ການເມືອງ  ແລະ ການ​ປົກຄອງ​ແຫ່ງ​ຊາດ  ຜູ້​ຊີ້​ນຳ​ອົງການ​ຈັດ​ຕັ້ງ​ມະຫາຊົນ, ມີ​ຄະນະ​ພັກ, ຄະນະ​ອຳນວຍ​ການ, ຄູ-​ອາຈານ ແລະ ນັກ​ສຶກສາພາຍ​ໃນ (ສມປຊ) ເຂົ້າ​ຮ່ວມ.
ໃນ​ກອງ​ປະຊຸມຄັ້ງ​ນີ້ບັນ ດາ​ຜູ້​ເຂົ້າ​ຮ່ວມ​ແມ່ນໄດ້​ຮັບ​ຟັງ​ການ​ເຜີຍແຜ່​ຜົນສຳເລັດກອງ​ປະຊຸມ​ຄັ້ງ​ທີ V ຂອງສະຫະພັນ​ກຳມະບານ ສມປຊ; ເຜີຍແຜ່​ຜົນສຳເລັດກອງ​ປະຊຸມ​ເປີດ​ກວ້າງ​ຂອງ​ສູນ​ກາງ​ສະຫະພັນ​ກຳມະບານລາວ​ ຄັ້ງ​ທີ V ສະໄໝ​ທີ 7; ຜ່ານຮ່າງແນະ ນຳການ​ສະຫຼຸບ​ຕີ​ລາຄາ​ປະເມີນຜົນ​ການຈັດຕັ້ງ​ປະຕິບັດ​ເນື້ອໃນ​ຂໍ້​ແຂ່ງຂັນ 5 ເປັນ​ເຈົ້າ ແລະ ການ​ສ້າງ​ແຜນການເຄື່ອນ ໄຫວ​ ເນື້ອ​ໃນ​ຂໍ້​ແຂ່ງ​ຂັ້ນ 5 ເປັນ​ເຈົ້າ​ຂອງ ສະຫະພັນ​ກຳມະບານ ສມປຊ ແລະ ຮັບ​ຟັງ​ການ​ເຜີຍແຜ່​ລະ ບຽບ​ກອງ​ທຶນ​ຊ່ວຍ​ເຫຼື​ອ​ຊຶ່ງ​ກັນ ແລະ ກັນ.
ການ​ເຜີຍແຜ່​ຄັ້ງ​ນີ້  ແນ ໃສ່​ເຮັດ​ໃຫ້​ພະນັກ​ງານ​-​ລັດຖະ ກອນ, ຄູ​-ອາຈານ ແລະ ນັກ​ສຶກສາພາຍ​ໃນ​ສະ​ຖາ​ບັນ​ການ ເມືອງ ແລະ ການ​ປົກຄອງ​ແຫ່ງ​ຊາດ ໄດ້​ຮັບ​ຮູ້  ແລະ  ເຂົ້າໃຈ​ຢ່າງ​ເລິກເຊິ່ງ  ກ່ຽວ​ກັບຜົນສຳເລັດ​ຂອງ​ກອງ​ປະຊຸມ​ຕ່າງໆ  ແລະ ນຳໄປ​ໝູນ​ໃຊ້​ເຂົ້າ​ໃນ​ການ​ປະ ຕິບັດ​ໜ້າທີ່​ວຽກ​ງານ​ຂອງ​ຕົນ​ຢ່າງ​ມີ​ປະສິດ​ທິ​ຜົນ​ສູງ​ຂຶ້ນ.
(ຂ່າວ: ບຸນ​ຕອມ)
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110