ຫົວ​ຂໍ້ : ເມືອງແກ່ນທ້າວ ສົ່ງເສີມການນຳໃຊ້ຢາພື້ນເມືອງ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:52:46 ຈຳ​ນວນ​ຜູ້​ເຂົ້າ​ຢ້ຽມ​ຊົມ 422 ຄັ້ງ

ເມືອງ​ແກ່ນ​ທ້າວ ແຂວງ ໄຊ​ຍະ​ບູ​ລີ ໄດ້​ຈັດ​ຊຸດ​ອົບຮົມ​ ສົ່ງເສີມການ​ນໍາ​ໃຊ້​ຢາພື້ນ ເມືອງ ໃຫ້​ພະນັກງານ​ສາທາລະ ນະ​ສຸກ, ໝໍ​ຢາພື້ນເມືອງ​ອາວຸ ໂສ ແລະ ໝໍ​ຢາພື້ນເມືອງສືບ ​ທອດ ຂຶ້ນ​ໃນ​ວັນ​ທີ 20 ມັງກອນ​ ຜ່ານ​ມາ ​ທີ່​ຫ້ອງ​ປະຊຸມ​ຫ້ອງ ການ​ສາທາລະນະ​ສຸກ​ເມືອງ ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ຄໍາ​ຜິວ ພູທອນ​ສີ ຫົວໜ້າ​ພະ​ແນ​ກ​ສາທາລະນະ​ສຸກ ແຂວງ​ໄຊ​ຍະ​ບູ​ລີ, ທ່ານ ອຸ່ນ​ ເນື້ອ ແກ້ວ​ກອງ​ຕັນ ຮອງ​ຫົວ ໜ້າ​ສະ​ຖາ​ບັນ​ການ​ແພດ ແລະ  ການ​ຢາພື້ນເມືອງ ກະຊວງ​ສາ ທາລະນະ​ສຸກ, ມີ​ພາກສ່ວນ​ກ່ຽວ ຂ້ອງ​ເຂົ້າ​ຮ່ວມ.
ທ່ານ ຄໍາ​ຜິວ ພູທອນ​ສີ ໄດ້​ກ່າວ​ຕໍ່​ຊຸດ​ອົບຮົມ​ວ່າ: ຊຸດ​ ອົບຮົມຄັ້ງ​ນີ້  ເພື່ອ​ສືບຕໍ່​ຜັນ​ຂະຫຍາຍ​ແນວທາງ​ນະໂຍບາຍ ​ຂອງ​ພັກ​-​ລັດ ໃນການສົມທົບ ​ສົ່ງເສີມການນຳໃຊ້ຢາພື້ນ ເມືອງກັບ​ການ​ແພດປັດຈຸບັນ (ການ​ແພດ​ທັນ​ສະໄໝ), ປະຕິ ບັດ​ຍຸດທະສາດຂອງກະຊວງ ສາທາລະນະສຸກ​ທີ່ວ່າ: ສົ່ງເສີມ​ການ​ນໍາ​ໃຊ້​ຢາພື້ນເມືອງ ສົມ ທົບ​ກັບ​ຢາ​ຫຼວງ​ເຂົ້າ​ການປ້ອງ​ກັນ, ປິ່ນປົວ ແລະ ສົ່ງເສີມ​ສຸ ຂະພາບໃຫ້​ແກ່​ປະຊາຊົນ​ບັນ ດາເຜົ່າ, ເປັນ​ການ​ອະນຸລັກພູມ ​ປັນຍາ ແລະ ສືບ​ທອດ​ພູມ​ປັນ ຍາ​ທ້ອງຖິ່ນ ດ້ານ​ການ​ນໍາ​ໃຊ້​ພືດ, ຕົ້ນໄມ້​ເປັນ​ຢາ ແລະ ການ​ແພດ​ພື້ນເມືອງ  ເພື່ອ​ເຮັດ​ໃຫ້​ໝໍ​ຢາພື້ນເມືອງ​ອາວຸໂສ, ໝໍ​ຢາພື້ນເມືອງ​ສືບ​ທອດ​ຮຸ່ນ​ໃໝ່, ອສບ ແລະ ວິຊາ​ການ​ບໍລິການ​ດ້ານ​ສາທາລະນະ​ສຸກ​ໄດ້​ເຂົ້າ​ເຖິງ​ບົດບາດ ແລະ ຄວາມ​ສໍາ ຄັນ​ຂອງ​ການ​ນຳ​ໃຊ້​ຢາພື້ນ ເມືອງ​ເຂົ້າ​ໃນ​ການ​ຮັກສາ​ສຸຂະ ພາບ​ຂັ້ນ​ຕົ້ນ​ຢູ່​ທ້ອງຖິ່ນ​ຮາກ​ຖານ​ຂອງ​ຕົນ.
ຊຸດ​ອົບຮົມ​ຄັ້ງ​ນີ້, ​ໄດ້​ຮັບ​ຮູ້​ປະຫວັດ​ຄວາມ​ເປັນ​ມາ​ຂອງ​ການ​ແພດ​ພື້ນເມືອງ​ລາວ,  ການ​ປິ່ນປົວ​ແບບ​ການ​ແພດພື້ນ ເມືອງ ແລະ ຕໍາ​ລາຢາພື້ນເມືອງ​ອັນ​ຈໍາ​ເປັນ​ພື້ນ​ຖານ. ຈາກ​ນັ້ນ, ​ໄດ້​ມີ​ການສົນທະນາ​ແລກປ່ຽນ​ປະສົບ​ການນໍາ​ໃຊ້​ຢາພື້ນເມືອງ ເຂົ້າ​ໃນ​ການ​ປິ່ນ​ປົ່ວ​ພະຍາດ​ຂອງ​ໝໍ​ຢາພື້ນເມືອງ ໃນ​ໄລຍະ​ຜ່ານ​ມາ ແລະ ອື່ນໆ.
 (ຂ່າວ​-​ພາບ: ເມືອງ​ແກ່ນ​ທ້າວ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110