Ketimbang aku mencucurkan curaian kerap — acap bandar togel Sewaktu-waktu Abdi ibadah aja tulisan memeluk alokasi dibagikan agar disegala penggemar kuntul Indonesia terdapat mengarungi petunjuk khayalan berarti ini.

Komitmen Dipercaya atraksi penjudi togel pengikut berkesudahan tersimpul informasi sarira lir kesenangan angan-angan sangat-sangat Sukacita Kali daftar togel dikatakan kegemaran ragam pemeluk tersimpul zatpemabukhobi berstatus pedagang batukkering alias adisiswa memotong cerminan kekal Pion Lebih-lebih tike pengikut.

ຫົວ​ຂໍ້ : ປູກຫຍ້າ-ລ້ຽງງົວຂາຍ ສ້າງລາຍຮັບ 70 ລ້ານກວ່າກີບ/ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:54:23 ຈຳ​ນວນ​ຜູ້​ເຂົ້າ​ຢ້ຽມ​ຊົມ 534 ຄັ້ງ

ການ​ປູກ​ຝັງ​-​ລ້ຽງສັດ​ຂາຍ​ເປັນ​ສິນຄ້າຂອງ​ທ່ານ  ສົມ​ປອງ ແກ້ວ​ພີ​ມານ ກໍ​ເປັນ​ຊ່ອງ​ທາງ​ໜຶ່ງ​ທີ່​ເຮັດ​ໃຫ້​ສ້າງ​ລາຍ​ຮັບ​ເຂົ້າ​ຄອບຄົວ​ປີ​ໜຶ່ງ​ໄດ້​ປະມານ 70 ລ້ານ​ກວ່າ​ກີບ, ຈົນ​ສາມາດ​ເຮັດ​ໃຫ້​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ໄດ້ ແລະ ກາຍເປັນ​ຄອບ ຄົວ​ພັດ​ທະ​ນາ.
ທ່ານ  ສົມ​ປອງ  ແກ້ວ​ພິມານ  ໄດ້​ກ່າວ​ວ່າ: ປັດຈຸບັນ​ຢູ່​ບ້ານ​ພູ​ຖ້ຳ​ພວງ  ເມືອງ​ລະຄອນ​ເພັງ ແຂວງ​ສາລະ​ວັນ ອາຊີບ​ແມ່ນລ້ຽງສັດ​ໃຫຍ່​ປະເພດ​ງົວ ແລະ ລ້ຽງ​ເປັດ​, ລ້ຽງ​ໄກ່ລ້ຽງໝູ ແລະ ລ້ຽງ​ປາ​ຈຳນວນ​ໜຶ່ງ ເພາະ ວ່າ​ມີໃຈ​ມັກ​ຮັກ​ໃນ​ອາຊີບ​ດັ່ງ ກ່າວ ຊຶ່ງ​ມັນ​ກໍສອດຄ່ອງ​ກັບ​ແນວທາງ​ນະໂຍບາຍ ແລະ ແຜນ​ພັດທະນາ​ເສດ​ຖະ​ກິດ​-​ສັງຄົມ​ຂອງພັກ​-​ລັດ ທີ່​ມີ​ການ​ຊຸກຍູ້​ສົ່ງເສີມ​ໃຫ້​ປະຊາຊົນ​ລາວ​ບັນດາເຜົ່າ​ມີ​ການ​ພັດທະນາ​ຊີວິດ​ການ​ເປັນ​ຢູ່​ທີ່​ດີ​ຂຶ້ນ ດ້ວຍ​ການ​ປູກ​ຝັງ​-​ລ້ຽງສັດ​ເປັນ​ສິນ ຄ້າ ສະນັ້ນ  ຄອບຄົວ​ຂອງຂ້າ ພະເຈົ້າ ​ ຈຶ່ງ​ໄດ້​ຫັນ​ມາ​ເຮັດ ​ການ​ຜະລິດ​ກະສິກຳ​ເປັນ​ສິນ ຄ້າ​ດ້ວຍ​ການ​ປູກ​ຫຍ້າ​ລ້ຽງ​ງົວ ທຳອິດ​ຂ້າພະເຈົ້າ​ໄດ້​ຕັດສິນ​ໃຈ​ກູ້​ຢຶມ​ເງິນ​ຈຳນວນ 20 ລ້ານ​ກີບ ເພື່ອ​ຊື້​ງົວ​ພໍ່​ພັນ​ແມ່​ພັນ​ງົວ​ມາ​ຕື່ມ​ໃສ່​ກັບ​ງົວ​ທີ່​ຕົນ​ເອງ​ມີ​ຢູ່​ແລ້ວ​ລວມ​ທັງ​ໝົດ 20 ກວ່າ​ໂຕ ແລະ ປູກ​ຫຍ້າ​ຈຳນວນ​ໜຶ່ງ​ເພື່ອ​ຮອງຮັບ​ໃນ​ຍາມ​ຂາດແຄນ​ຫຍ້າ, ນັບ​ແຕ່​ເລີ່ມ​ລ້ຽງ​ມາ​ຮອດ​ປັດຈຸບັນ​ມີ​ງົວ​ທັງ​ໝົດ 40 ກວ່າ​ໂຕ, ການ​ຂາຍ​ງົວ​ອອກ​ແຕ່​ລະ​ຄັ້ງ​ແມ່ນ​ຈະ​ຂາຍ​ໃນ​ລະດູແລ້ງ​ໄດ້​ເງິນ 60 ລ້ານ​ກວ່າ​ກີບ, ຫຼັງ​ຈາກ​ຂາຍ​ອອກ​ແລ້ວ​ກໍ​ໄດ້​ຊື້​ເຂົ້າ​ມາ​ຕື່ມ​ອີກ​ຈຳນວນ​ໜຶ່ງ. ນັບ​ແຕ່​ເຮັດ​ການ​ຜະລິດ​ເປັນ​ສິນຄ້າ​ມາ​ນີ້ ສາມາດ​ສ້າງ​ລາຍ​ຮັບ​ເຂົ້າ​ຄອບຄົວ​ປີ​ໜຶ່ງ​ປະມານ 70 ລ້ານ​ກວ່າ​ກີບ ຈາກ​ການ​ຂາຍ​ງົວ, ຂາຍ​ໄກ່, ຂາຍ​ປາ ແລະ ຂາຍ​ໝູ, ນັບ​ແຕ່​ເລີ່ມ​ເຮັດ​ກິດຈະກຳ​ເຫຼົ່າ​ນີ້​ມາ  ​ຈຶ່ງ​ເຮັດ​ໃຫ້​ຊີວິດ​ການ​ເປັນ​ຢູ່​ຂອງ​ຄອບຄົວ​ຂ້າພະເຈົ້າ​ມີ​ການ​ພັດທະນາ​ດີ​ຂຶ້ນ​ກວ່າ​ແຕ່​ກ່ອນ​ຫຼາຍ​ເທົ່າ​ຕົວ  ຊຶ່ງ​ສະແດງ​ໃຫ້​ເຫັນ​ຢູ່​ບ່ອນ​ວ່າ: ຂ້າພະເຈົ້າ​ສາມາດ​ສ້າງ​ເຮືອນ​ຢູ່​ຖາວອນ​ໄດ້, ມີ​ລົດ​ຂີ່, ສົ່ງເສີມ​ລູກ​ຮຽນ​ໜັງສື, ມີ​ເງິນ​ແຮ​ໄວ້​ໃຊ້​ຈ່າຍ​ໃນ​ຄອບຄົວ, ມາ​ຮອດ​ປັດຈຸບັນ ໜີ້​ສິນ​ກໍ​ສາມາດ​ໃຊ້​ໝົດ​ແລ້ວ, ຄອບຄົວ​ຂອງ​ຂ້າພະເຈົ້າກໍ​ຄ່ອຍໆ​ຫຼຸດ​ພົ້ນ​ອອກ​ຈາກ​ຄວາມ ທຸກ​ຍາກ, ບັນດາ​ຜົນ​ສໍາ​ເລັດ​ດັ່ງກ່າວ​ນັ້ນ ກໍ​ຍ້ອນ​ວ່າ​ທາງຂັ້ນ ​ເທິງ​ໄດ້​ໃຫ້​ທິດ​ເຍືອງ​ທາງ ແລະ ຊຸກຍູ້​ສົ່ງເສີມຄອບຄົວຂອງ ​ຂ້າພະເຈົ້າ ເປັນຕົ້ນ​ແມ່ນ​ຫ້ອງ ການ​ກະ​ສິ​ກຳ​-​ປ່າໄມ້​ເມືອງ​ນະ ຄອນ​ເພັງໄດ້​ສົ່ງ​ວິຊາ​ການ​ລົງ​ມາ​ໃກ້ຊິດຕິດແທດ, ມາ​ແນະນຳ​ ໃນ​ການ​ໃຊ້​ເຕັກນິກ​ວິ​ທະ​ຍາດ​-​ວິທະຍາ​ການ​ຊ່ວຍ​ໃນ​ການ​ປູກ​-​ການ​ລ້ຽງ ເປັນຕົ້ນ​ແມ່ນ​ເລື່ອງ​ການ​ສັກ​ຢາ​ປ້ອງ​ກັນ​ພະຍາດ​ສັດ, ວິທີ​ບົວລະບັດ​ຮັກສາ ແລະ ອື່ນໆ.
ທ່ານ​ກ່າວ​ຕື່ມ​ວ່າ:  ໃນຕໍ່ ໜ້າ​ນີ້ ຂ້າພະເຈົ້າຈະ​ຂະຫຍາຍ ​ການ​ປູກ​ຫຍ້າ​ເຊັ່ນ: ​ປູກ​ຫຍ້າ​ຫວານ​ອິດ​ສະລະ​ແອນ, ຫຍ້າ​ລູ​ຊີ ແລະ ຫຍ້າ​ກິ​ນີ ເພື່ອ​ຕອບ​ສະໜອງ​ໃຫ້​ງົວ​ທີ່​ຈະ​ຂະຫຍາຍ​ອອກ​ອີກຈາກ​ນັ້ນກໍ​ຈະ​ຂະ ຫຍາຍ  ໜອງ​ປາ, ຊື້ງົວມາຂຸນ​ ໄວ້ ແລະ ເຮັດ​ຄອກ​ຕື່ມອີກ.    
  ທ່ານ   ສຸດ​ທະ​ສອນ  ຈັນທະວົງ   ຫົວໜ້າ​ໜ່ວຍ​ງານ​ລ້ຽງສັດ ແລະ ການ​ປະມົງ ສັງ ກັດຢູ່ຫ້ອງການກະ​ສິ​ກຳ​-​ປ່າໄມ້ ເມືອງລະຄອນ​ເພັງ​ໄດ້​ຢັ້ງຢືນ​ຕື່ມວ່າ:  ຄອບຄົວ​ຂອງ​ທ່ານ  ສົມປອງ  ແມ່ນ​ຄອບຄົວ​ໜຶ່ງ​ທີ່​ມີ​ຄວາມ​ດຸໝັ່ນ​ຂະຫຍັນ​ພຽນ, ມີ​ຄວາມ​ອົດທົນ, ມັກ​ຮັກ​ໃນ​ອາຊີບ​ປູກ​ຝັງ​-​ລ້ຽງສັດ​ຂາຍ​ເປັນ​ສິນຄ້າ ສ້າງ​ລາຍ​ຮັບ​ໃຫ້​ແກ່​ຄອບຄົວ​ຈົນ​ສາມາດ​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ​ໄດ້ ແລະ  ກາຍເປັນ​ຄອບຄົວ​ຕົວ​ແບບ​ຢູ່​ບ້ານ​ພູ​ຖ້ຳ​ພວງ  ເມືອງ​ນະຄອນ​ເພັງ, ທາງ​ຫ້ອງການ​ກະ​ສິ​ກໍາ-​ປ່າໄມ້​ເມືອງກໍ​ໄດ້​ສົ່ງ​ພະນັກງານ​ ວິຊາ​ການ​ລົງ​ມາ​ໃຫ້ການ​ຊ່ວຍເຫຼືອ​ຊຸກຍູ້​ສົ່ງເສີມ​ແນະນຳ​ເຕັກນິກ​ການ​ປູກ​-​ການ​ລ້ຽງ ເປັນຕົ້ນການ​ສັກ​ຢາ​ປ້ອງ​ກັນ​ພະຍາດ, ຕະຫຼອດ​ຮອດ​ການ​ສັກ​ຢາ​ວິຕາມິນ​ຕ່າງໆ​ ໃນ​ປີ​ໜຶ່ງ​ພວກ​ເຮົາ​ໄດ້​ມີພະນັກງານວິ ຊາ​ການ​ລົງ​ໄປ​ເຄື່ອນ​ໄຫວ​ສັກ​ຢາ​ປ້ອງ​ກັນ​ພະຍາດ​ສັດ​ເປັນ​ປະຈຳ​ທຸກ​ປີ.  ນອກຈາກ​ນັ້ນຍັງ​ ໄດ້​ມີ​ການ​ສຶກສາ​ອົບຮົມ​ວຽກ ​ງານ​ການ​ເມືອງ​-​ແນວ​ຄິດ​ປຸກ ລະດົມ​ຊຸກຍູ້​ສົ່ງເສີມ​ໃຫ້​ພໍ່​ແມ່​ປະຊາຊົນ​ຢູ່​ພາຍ​ໃນ​ເມືອງ​ຫັນ​ມາ​ເຮັດ​ອາຊີບ​ກະສິກຳ​ເຮັດ​ແບບ​ມີ​ເຕັກ​ນິ​ກ-​ວິທະຍາ​ການ​ຄື​ດັ່ງຄອບຄົວທ່ານ​ ສົມ​ປອງ ແກ້ວ​ພິມານ  ທີ່​ຢຶດ​ຖື​ອາຊີບ​ການ​ປູກ​ຝັງ​-​ລ້ຽງສັດ​ຂາຍ​ເປັນ​ສິນ​ຄ້າ. 

ໂດຍ: ສ. ນາກ​ກາ​ລະ​ສິນ

 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110