Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ປະທານສະພາແຫ່ງຊາດ ຢ້ຽມຢາມ ແລະ ເຮັດວຽກຢູ່ແຂວງສະຫວັນນະເຂດ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 17/06/2021 16:14:31 ຈຳ​ນວນ​​ຢ້ຽມ​ຊົມ 2294 ຄັ້ງ

(ສພຊ) ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາ ແຫ່ງຊາດ ພ້ອມດ້ວຍຄະນະ ໄດ້ເຄື່ອນໄຫວເຮັດວຽກກັບອໍານາດການປົກຄອງ ແຂວງສະຫວັນນະເຂດ ໃນວັນທີ 14 ມິຖຸນາຜ່ານມາ ທີ່ຫ້ອງວ່າການປົກຄອງແຂວງສະຫວັນນະເຂດ ໂດຍການຕ້ອນຮັບຂອງ ທ່ານ ສັນຕິພາບ ພົມວິຫານ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ ພ້ອມດ້ວຍການນໍາຂັ້ນແຂວງ, ສະພາປະຊາຊົນແຂວງ (ສພຂ) ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ຊຶ່ງທ່ານປະທານສະພາແຫ່ງຊາດໄດ້ເຂົ້າຮ່ວມພິທີປູກຕົ້ນໄມ້ທີ່ຕໍ່ໜ້າຫ້ອງວ່າການປົກຄອງແຂວງສະ ຫວັນນະເຂດ.

ຈາກນັ້ນ, ທີ່ຫ້ອງະຊຸມຫ້ອງວ່າການົກຄອງແຂວງສະຫວັນນະເຂດ ທ່ານ ສັນຕິພາບ ພົມວິຫານ ໄດ້ຕາງໜ້າໃຫ້ຄະນະພັກແຂວງ ໄດ້ລາຍງານກ່ຽວກັບການເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິ ກອງປະຊຸມໃຫຍ່ ຄັ້ງທີ XI ຂອງພັກ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະ ແຜນການ 6 ເດືອນທ້າຍປີ ຊຶ່ງທ່ານໄດ້ລາຍງານໃຫ້ຊາບວ່າ: ພາຍຫຼັງ ທີ່ໄດ້ຮັບຄໍາສັ່ງເລກທີ 38/ຄລສພ ຂອງຄະນະເລຂາທິການສູນກາງພັກ ພ້ອມດ້ວຍບັນດາເອກະສານ ຕ່າງໆທີ່ຕິດພັນກັບມະຕິ XI ຂອງພັກແລ້ວ, ຄະນະປະຈໍາພັກແຂວງໄດ້ອອກມະຕິຕົກລົງ ແຕ່ງຕັ້ງຄະນະຮັບຜິດຊອບເພື່ອກະກຽມດ້ານເນື້ອໃນເຜີຍແຜ່ຜັນຂະຫຍາຍມະຕິດັ່ງກ່າວໂດຍຕິດພັນ ກັບການດໍາເນີນກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 2 ສະໄໝທີ IX; ສໍາລັບການ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2021 ແມ່ນໄດ້ດໍາເນີນໃນທ່າມ ກາງສະພາບຄວາມຫຍຸ້ງຍາກຫຼາຍຢ່າງເປັນຕົ້ນຄວາມບອບບາງທາງດ້ານເສດຖະກິດ-ການເງິນ ຍ້ອນ ຖານການຜະລິດອ່ອນນ້ອຍ ບວກກັບຜົນກະທົບຈາກໄພທໍາມະຊາດ ແລະ ການລະບາດຂອງພະຍາດ ໂຄວິດ-19 ຮອບ II; ແຕ່ ພາຍໃຕ້ການຊີ້ນໍາ-ນໍາພາຂອງຄະນະພັກ-ອໍານາດການປົກຄອງແຕ່ລະຂັ້ນ, ໄດ້ພ້ອມກັນຕັ້ງໜ້າຈັດຕັ້ງປະຕິບັດວຽກງານຕ່າງໆ ຕາມແຜນການທີ່ວາງໄວ້ສໍາເລັດຫຼາຍຢ່າງຄື: ທົ່ວ ແຂວງສາມາດຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ; ຄວາມທຸກຍາກຂອງປະຊາຊົນໄດ້ຮັບການແກ້ໄຂ, ຊີວິດ ການເປັນຢູ່ຂອງປະຊາຊົນບັນດາເຜົ່າໄດ້ຮັບການປັບປຸງດີຂຶ້ນເປັນກ້າວໆ; ໄດ້ຫັນການຄຸ້ມຄອງລັດ, ຄຸ້ມ ຄອງສັງຄົມດ້ວຍກົດໝາຍ ແລະ ປັບປຸງກົງຈັກການຈັດຕັ້ງບໍລິຫານລັດໄປຕາມທິດກະທັດຮັດຕາມ ມະຕິຄໍາສັ່ງ ຂອງຄະນະພັກຂັ້ນເທິງ; ຜ່ານການຈັດຕັ້ງປະຕິບັດ 6 ເດືອນຕົ້ນປີ GDP ເຕີບໂຕສະເລ່ຍ 2,37%, ລວມມູນຄ່າ GDP ປະຕິບັດໄດ້ 8.626,3 ຕື້ກີບ ເທົ່າກັບ 38,5%; ສະເລ່ຍ GDP ຕໍ່ຫົວຄົນໄດ້ 862 ໂດລາ.

ໃນຕອນບ່າຍຂອງວັນດຽວກັນ ທີ່ ສພຂ ສະຫວັນນະເຂດ ທ່ານປະທານສະພາແຫ່ງຊາດ ພ້ອມດ້ວຍຄະນະ ໄດ້ເຮັດວຽກຮ່ວມກັບ ສພຂ ສະຫວັນນະເຂດ; ເຂົ້າຮ່ວມມີທ່ານ ກົງແກ້ວ ມີວໍລະຈັກ ຮອງເລຂາພັກແຂວງ ປະທານ ສພຂ ມີບັນດາສະມາຊິກສະພາແຫ່ງຊາດ (ສສຊ) ປະຈໍາເຂດ ເລືອກຕັ້ງທີ 13 ແຂວງສະຫວັນນະເຂດ, ສສຂ, ເລຂາທິການ, ບັນດາກໍາມະການ, ພ້ອມດ້ວຍພະນັກ ງານ ສພຂ ສະຫວັນນະເຂດ ເຂົ້າຮ່ວມຢ່າງພ້ອມພຽງ.

ທ່ານ ກິ່ງແກ້ວ ມີວໍລະຈັກ ໄດ້ລາຍງານກ່ຽວກັບຜົນສໍາເລັດຂອງກອງປະຊຸມຄັ້ງປະຖົມມະລືກ ຂອງ ສພຂ ແຂວງສະຫວັນນະເຂດ ຊຸດທີ II ໂດຍຫຍໍ້.

ໃນໂອກາດດັ່ງກ່າວ, ທ່ານປະທານ ສພຊ ໄດ້ມີຄໍາເຫັນ ແລະ ໃຫ້ທິດຊີ້ນໍາ ຊຶ່ງທ່ານໄດ້ ສະແດງຄວາມຊົມເຊີຍຕໍ່ຜົນສໍາເລັດການເລືອກຕັ້ງ ສສຊ ຊຸດທີ IX ແລະ ສສຂ ສະຫວັນນະເຂດ ຊຸດທີ II ແລະ ຜົນສໍາເລັດຂອງກອງປະຊຸມຄັ້ງປະຖົມມະລືກ ຂອງ ສພຂ ຊຸດທີ II ຄຽງຄູ່ ກັບຜົນສໍາເລັດ ຂອງກອງປະຊຸມໃຫຍ່ ຄັ້ງທີ XI ຂອງພັກ ປປລາວ; ກ່ຽວກັບການ ຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ສັງລວມແລ້ວເຫັນໄດ້ວ່າຊີວິດການເປັນຢູ່ຂອງ ປະຊາຊົນຄ່ອຍໆ ໄດ້ຮັບການປັບປຸງດີຂຶ້ນເທື່ອລະກ້າວ; ທ່ານໄດ້ຊີ້ນໍາໃຫ້ເພີ່ມທະວີການປັບປຸງຄວາມເຂັ້ມແຂງຮອບ ດ້ານວຽກງານປ້ອງກັນຊາດ-ປ້ອງກັນຄວາມສະຫງົບ, ເອົາໃຈໃສ່ປົກປັກຮັກສາແຂດນໍ້າແດນດິນ, ຮັກ ສາຄວາມສະຫງົບ, ສະກັດກັ້ນການແຜ່ລະບາດຂອງຢາເສບຕິດ; ເອົາໃຈໃສ່ເພີ່ມມູນຄ່າການຜະ ລິດພາຍໃນ, ສົ່ງເສີມການຜະລິດພາຍໃນໃຫ້ຂະຫຍາຍຕົວ ແລະ ເຂັ້ມແຂງ, ປັບປຸງປົວແປງພື້ນຖານ ໂຄງລ່າງ; ເອົາໃຈໃສ່ການພັດທະນາຊັບພະຍາກອນມະນຸດ, ເພີ່ມທະວີການຝຶກອົບຮົມສີມືແຮງງານ ເພື່ອສ້າງໃຫ້ຊາວໜຸ່ມມີວຽກເຮັດງານທໍາ ມີລາຍຮັບທີ່ໝັ້ນຄົງ; ປັບປຸງການຈັດຕັ້ງ ສ້າງຄວາມສັດທາ ຕໍ່ປະຊາຊົນ; ໃຫ້ອົງການຈັດຕັ້ງມະຫາຊົນເອົາໃຈໃສ່ຊ່ວຍປຸກລະດົມປະຊາຊົນບັນດາເຜົ່າ ໃຫ້ສືບຕໍ່ ປະກອບສ່ວນພັດທະນາເສດຖະກິດ; ເອົາໃຈໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ເທື່ອທີ 9 (2021-2025) ໃຫ້ໄດ້ຮັບຜົນສໍາເລັດຕາມລະດັບຄາດໝາຍ, ໃຫ້ສືບຕໍ່ເອົາໃຈໃສ່ປະຕິບັດ ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດໂຄວິດ-19 ໂດຍປະສານ ສົມທົບກັບປະເທດເພື່ອນບ້ານເພື່ອບໍ່ໃຫ້ມີການລັກລອບຂ້າມຊາຍແດນຜິດກົດໝາຍ ແລະ ອື່ນໆ.

ທ່ານປະທານສະພາແຫ່ງຊາດ ພ້ອມດ້ວຍຄະນະ ຍັງໄດ້ສືບຕໍ່ຢ້ຽມຢາມ ແລະ ເຮັດວຽກ ຢູ່ພື້ນຖານການຜະລິດ ຂອງແຂວງສະຫວັນນະເຂດອີກຈໍານວນໜຶ່ງ ເຊັ່ນ: ວັນທີ 15 ມິຖຸນາ 2021 ໄດ້ຢ້ຽມຊົມການຜະລິດ ຂອງ ບໍລິສັດ ລ້ານຊ້າງມິເນໂຣນ ເມືອງວິລະບູລີ, ເຂົ້າຮ່ວມພິທີອັງເຊີນ ຮູບຫຼໍ່ປະທານ ໄກສອນ ພົມວິຫານ ຂຶ້ນປະດິດສະຖານຢູ່ອະນຸສອນສະຖານເມືອງວິລະບູລີ, ຢ້ຽມຊົມ ໂຄງການພັດທະນາຊົນນະບົດ ແລະ ແກ້ໄຂຄວາມທຸກຍາກ ໂຄງການຮ່ວມໃຈສາຍໃຍ ໂລມາຄໍາ ຈຸດສຸມຕັງອາໄລເມືອງນອງ; ວັນທີ 16 ມິຖຸນາ 2021 ຢ້ຽມຊົມການກໍ່ສ້າງໂຄງການຊົນລະກະເສດ ແລະ ພັດທະນາຊົນນະບົດຮອບດ້ານ ບ້ານລະຫະນໍ້າ ເມືອງສອງຄອນ, ຢ້ຽມຊົມຟາມລ້ຽງງົວ ບ້ານຫົວ ຫາດ, ບ້ານທ່າໂພ ເມືອງໄຊພູທອງ ແລະ ຢ້ຽມຊົມ ຜາສາດຫີນ ເມືອງໄຊພູທອງ.

(ຂ່າວ-ພາບ: ບຸນເກີດ ວົງໄຊຍາ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com