ຫົວ​ຂໍ້ : ກຸງສີບໍລິການເຊົ່າສິນເຊ່ືອ ສະຫຼອງຄົບຮອບ 5 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/01/2020 09:58:37 ຈຳ​ນວນ​ຜູ້​ເຂົ້າ​ຢ້ຽມ​ຊົມ 453 ຄັ້ງ

ບໍລິສັດກຸງ​ສີ​ບໍລິການເຊົ່າ​ສິນ​ເຊື່ອ ຈໍາ​ກັດ (ບໍລິສັດ​ກຸງ​ສີ​ ລິດ​ຊິ້ງ)   ໄດ້​ຈັດ​ງານ​ສະເຫຼີມສະ ຫຼອງ  ຄົບຮອບ  5  ປີ   ​ໃນ​ວັນ​ທີ  21 ມັງກອນ​ຜ່ານ​ມາ  ທີ່​ໂຮງແຮມ​ແລນ​ມາກ  ນະຄອນຫຼວງ​ວຽງ​ຈັນ  ຊຶ່ງ​ມີທ່ານ ວິບູນ  ຈິ​ຣະ​ພັດ ທະນາ​ກຸນ   ຜູ້​ອໍາ​ນວຍ​ການ​ໃຫຍ່ ບໍລິສັດ​ ກ​ຸງ​ສີ ບໍລິການເຊົ່າສິນ​ເຊື່ອ  ຈໍາ​ກັດ,  ມີ​ບັນດາບໍລິສັດ ຮ້ານ​ຄ້າຄູ່​ຮ່ວມ​ທຸລະ​ກິດ​ເຂົ້າ​ຮ່ວມ.
ໃນ​ພິທີ  ທ່ານຜູ້​ອໍາ​ນວຍ​ການ​ໃຫຍ່ບໍລິສັດ  ກຸງ​ສີ  ບໍລິການ ເຊົ່າ​ສິນ​ເຊື່ອ ຈໍາ​ກັດ ໄດ້​ກ່າວ​ວ່າ: ເພື່ອ​ເປັນ​ການ​ຂອບໃຈ​ລູກ​ຄ້າ ແລະ ພັນທະ​ມິດ​ທີ່​ໃຫ້ການ​ສະ ໜັບສະໜູນ ບໍລິສັດ ກຸງ​ສີ ເຊົ່າ​ສິນ​ເຊື່ອຢ່າງ​ຕໍ່​ເນື່ອງ​ໃຫ້​ບັນລຸ​ເປົ້າ​ໝາຍ​ເປັນ​ຢ່າງ​ດີ​ເຮັດ​ໃຫ້​ທຸ ລະ​ກິດ​ຂອງ​ບໍລິສັດ​ຂະຫຍາຍ​ໃນ​ຫຼາຍ​ຜະລິດ​ຕະ​ພັນ.
ນອກຈາກລົດໃຫຍ່​ໃໝ່, ລົດ​ໃຫຍ່​ມື​ສອງ, ສິນເຊື່ອ​ ເພື່ອ​ຄົນ​ມີ​ລົດ, ສິນເຊື່ອເຊົ່າ​ຊື້​ໃນ​ລາຍ​ຈ່າຍ​ຍ່ອຍ  ເພື່ອຕອບ​ສະໜອງ​ຄວາມ​ຕ້ອງການທີ່​ຫຼາກ​ ຫຼາຍ​ຂອງ​ລູກ​ຄ້າ;  ບໍລິສັດໄດ້ດໍາ​ ເນີນ​ທຸລະ​ກິດ ​ໃນ ສປປ ລາວ ເລີ່ມ​ແຕ່​ປີ 2014 ເປັນຕົ້ນມາ, ເລີ່ມ​ຕົ້ນ​ມີ​ພຽງ​ແຕ່​ພະນັກງານ 30 ຄົນ, ມາ​ຮອດ​ປັດຈຸ​ບັນ​ມີ​ ການຂະຫຍາ​ຍ​ຕົວ​ມີ​ພະນັກ ງານ​ຫຼາຍ​ກວ່າ 300 ຄົນ, ທຸລະ​ກິດ​ ກຸງ​ສີ​ລິດ​ຊິ້ງ ໄດ້​ມີ​ການ​ເຕີບ​ໃຫຍ​່ຢ່າງ​ກ້າວ​ກະໂດດ​ເຮັດ​ໃຫ້​ມີ​ສ່ວນ​ແບ່ງ​ການ​ຕະຫຼາດ​ເປັນ​ອັນ​ດັບ​ຕົ້ນໆ ​ໃນ ສປປ ລາວ, ຂອງ​ຈໍາ​ນວນ​ລູກ​ຄ້າ​ທີ່​ມາໃຊ້​ບໍ ລິການ​ໃນ​ຈໍາ​ນວນ​ເພີ່ມ​ຂຶ້ນ​ເຖິງ 40 ພັນ​ກວ່າ​ຄົນ.  
ບໍລິສັດ​ດັ່ງກ່າວ​ມີ​ຜະລິດ​ຕະ​ພັນ​ທີ່​ຫຼາກ​ຫຼາຍ​ເຊັ່ນ:  ສິນ​ເຊື່ອ​ ເພື່ອ​ລາຍ​ຍ່ອຍ; ສິນ​ເຊື່ອ​ລົດ​ໃຫຍ່, ສິນເຊື່ອ ເພື່ອ​ຄົນ​ມີ​ລົດ, ສິນ​ເຊື່ອ​ລົດຈັກ  ຜະລິດ​ຕະ​ພັນ​ທັງ​ໝົດນີ້​ແມ່ນ​ຊ່ວຍ​ຕອບ​ສະໜອງ​ການ​ດໍາ​ເນີນ​ຊີວິດ ແລະ ທຸລະ​ກິດ​ຂອງ​ລູກ​ຄ້າ​ໃຫ້​ໄດ້​ຮັບ​ປະສິດ​ທິ​ຜົນ​ທີ່​ດີ​ຂຶ້ນ; ສິ່ງ​ທີ່​ສໍາ​ຄັນ  ​ ໃນ​ການ​ດໍາ​ເນີນທຸລະ​ ກິດຂອງບໍລິສັດກຸງສີ​ລິດ​ຊິ້ງ ແມ່ນ​ເນັ້ນ​ການ​ບໍລິການ​ທີ່​ດີ ແລະ ເປັນ​ເລີດ​ທີ່​ສຸດ, ມີການພັດ ທະນາໃນດ້ານຕ່າງໆຢ່າງບໍ່ຢຸດ​ ຢັ້ງ, ພັດທະນາ​ລະບົບ​ວາງ​ມາດ ຖານ​ທຸລະ​ກິດ​ຢ່າງ​ຢັ້ງຢືນ, ພັດ ທະນາ​ບຸກ​ຄະລາ​ກອນ, ມີອັດ ຕາດອກ​ເບ້ຍ​ທີ່​ຍຸ​ຕິ​ທໍາ​ຕໍ່​ລູກ​​ຄ້າ ແລະ ຂະບວນ​ການ​ອະນຸມັດ​ເງິນ​ທີ່​ວ່ອງໄວ ໂປ່​ງ​ໃສ ຊື່ສັດ ມຸ່ງ​ເນັ້ນໃນ​ການ​ພັດທະນາ​ລະ ບົບ ແລະ ການ​ວາງ​ຮາກ​ຖານ​ທຸລະ​ກິດ​ຢ່າງ​ຢັ້ງຢືນ​ ເພື່ອ​ກ້າວ​ສູ່​ຄວາມ​ເປັນ​ໜຶ່ງດ້ານ​ການ​ໃຫ້​ບໍລິການ​ສິນ​ເຊືຶ່ອ ໃນ​ການ​ດໍາ​ເນີນ​ທຸລະ​ກິດ ເຮັດ​ໃຫ້​ບໍລິສັດ​ໄດ້​ຮັບ​ການ​ຕອບ​ຮັບ​ຈາກ​ລູກ ຄ້າ​ໄດ້​ເປັນ​ຢ່າງ​ດີ.
    (ຂ່າວ-ພາບ: ຍຸ​ພິນ​ທອງ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110