ຫົວ​ຂໍ້ : ສານ​ຊົມ​ເຊີຍ

ເຜີຍ​ແຜ່​ໂດຍ​: siththiphone rasphone ເວ​ລາ: 24/01/2020 13:05:14 ຈຳ​ນວນ​ຜູ້​ເຂົ້າ​ຢ້ຽມ​ຊົມ 1030 ຄັ້ງ

ພະນະ​ທ່ານ ບຸນ​ຍັງ ວໍລະ​ຈິດ ໄດ້​ສົ່ງ​ສານ​ສະແດງ​ຄວາມ​ຊົມເຊີຍ​ເຖິງ ພະນະ​ທ່ານ  ເດ​ວິດ ເຮີ​ເລ ຜູ້​ສຳເລັດ​ຣາ​ຊະ​ການ ແຫ່ງ ເຄືອ​ຈັກກະ​ພົບ ອົສ​ຕຣາ​ລີ ທີ່ ແຄນ​ເບີ​ຣາ ຊຶ່ງ​ມີ​ເນື້ອ​ໃນ​ວ່າ:
    ໃນ​ນາມ​ປະຊາຊົນ​ລາວ ທຸກ​ຖ້ວນ​ໜ້າ ແລະ ໃນ​ນາມ​ສ່ວນ​ຕົວ, ຂ້າພະເຈົ້າ ມີ​ຄວາມ​ປິ​ຕິ​ຍິນດີ​ເປັນ​ຢ່າງ​ຍິ່ງ ສົ່ງ​ຄຳ​ຊົມເຊີຍ​ອັນ​ອົບ​ອຸ່ນ ແລະ ພອນ​ໄຊ​ອັນ​ປະເສີດ ມາ​ຍັງ ພະນະ​ທ່ານ ແລະ ປະຊາຊົນ ອົ​ສ​ຕຣາ​ລີ ເນື່ອງໃນ​ໂອກາດ​ວັນຊາດ ອົ​ສ​ຕຣາ​ລີ ຄົບຮອບ 232 ປີ. 
    ຂ້າພະເຈົ້າ ຕີ​ລາຄາ​ສູງ​ຕໍ່​ສາຍ​ພົວພັນ​ມິດຕະພາບ​ອັນ​ຍາວ​ນານ ແລະ ການ​ຮ່ວມ​ມື​ທີ່​ມີ​ປະສິດທິພາບ ລະຫວ່າງ ລາວ ແລະ ອົ​ສຕຣາ​ລີ ຕະຫຼອດ​ໄລຍະ 67 ປີ ທີ່​ຜ່ານ​ມາ. ລັດຖະບານ ແລະ ປະຊາຊົນ​ລາວ ຂໍ​ສະແດງ​ຄວາມ​ຮູ້​ບຸນຄຸນ​ມາ​ຍັງລັດຖະບານ ແລະ ປະຊາຊົນ​ອົ​ສ​ຕຣາ​ລີ ທີ່​ໃຫ້ການ​ສະ​​ໜັບ​ສະ​ໜູນ ແລະ ຊ່ວຍເຫຼືອ​ໃຫ້​ແກ່ ສປປ ລາວ ໃນ​ຫຼາຍ​ຂະແ​ໜງການ ໂດຍ​ສະເພາະ ດ້ານການ​ສຶກສາ, ການ​ພັດທະນາ​ຊັບພະຍາກອນ​ມະນຸດ, ກະສິກຳ, ການ​ລົງທຶນ ກໍ​ຄື ການ​ຊ່ວຍເຫຼືອ​ຕໍ່​ເຫດ​ໄພ​ພິບັດ​ນຳ້​ຖ້ວມ ຢູ່​ຫຼາຍ​ແຂວງ​ຂອງ​ລາວ ໃນ​ປີ 2019 ທີ່​ຜ່ານ​ມາ. 
    ຂ້າພະເຈົ້າ  ຫວັງ​ຢ່າງ​ຍິ່ງ​ວ່າ ສອງ​ປະເທດ​ພວກ​ເຮົາ ຈະ​ສືບຕໍ່​ສະໜັບສະໜູນ ແລະ ຊ່ວຍເຫຼືອ​ຊຶ່ງ​ກັນ ແລະ ກັນ ຢູ່​ເວທີ​ພາກ​ພື້ນ ແລະ ສາກົນ ໃນ​ຊຸມ​ປີ​ຕໍ່ໜ້າ ເພື່ອ​ຜົນ​ປະໂຫຍດ​ຮ່ວມ​ກັນ​ຂອງ​ປະຊາຊົນ​ສອງ​ຊາດ​ພວກ​ເຮົາ. 
    ຂ້າພະເຈົ້າ ຂໍ​ຖື​ໂອກາດ​ອັນ​ສະຫງ່າ​ລາສີ​ນີ້ ອວຍພອນ​ໃຫ້ ພະນະ​ທ່ານ ຈົ່ງ​ມີ​ພະ​ລາ​ນາ​ໄມ​ສົມບູນ, ມີ​ຄວາມ​ຜາ​ສຸກ ແລະ ປະສົບ​ຜົນສຳເລັດ​ໃນ​ພາລະກິດ​ອັນ​ສູງ​ສົ່ງ​ຂອງພະນະ​ທ່ານ ແລະ ປະຊາຊົນ​ອົສ​ຕຣາ​ລີ ຈົ່ງ​ມີ​ຄວາມ​ກ້າວໜ້າ ແລະ ຈະເລີນ​ຮຸ່ງເຮືອງ​ຍິ່ງໆ​ຂຶ້ນ. 
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110