ຍົກສູງຄວາມສາມາດນຳພາ ກຳລັງແຮງສູ້ຮົບ ແລະ ລັກສະນະນຳໜ້າຂອງພັກ

ເຜີຍ​ແຜ່​ໂດຍ​: siththiphone rasphone ເວ​ລາ: 24/01/2020 14:29:50 ຈຳ​ນວນ​​ຢ້ຽມ​ຊົມ 712 ຄັ້ງ

15.10.2019 9:56     

   ເພື່ອນຳພາປະເທດຊາດ ຫຼຸດພົ້ນອອກຈາກສະຖານະພາບຂອງປະເທດດ້ອຍພັດທະນາ ແລະ ກ້າວສູ່ບາດລ້ຽວໃໝ່ຂອງການພັດທະນາຕາມຈຸດໝາຍສັງຄົມນິຍົມຢ່າງໜັກແໜ້ນນັ້ນ ການຍົກສູງຄວາມສາມາດນຳພາ, ກຳລັງແຮງສູ້ຮົບໃໝ່ຂອງພັກ ການເສີມຂະຫຍາຍລັກສະນະນຳໜ້າ ແລະ ຄວາມເປັນແບບຢ່າງຂອງສະມາຊິກພັກແມ່ນມີຄວາມໝາຍສຳຄັນ, ເປັນປັດໄຈຕັດສິນຕໍ່ພາລະກິດດັ່ງກ່າວ ໃນຕໍ່ໜ້ານີ້ ພັກຕ້ອງເພີ່ມທະວີການປັບປຸງ, ປົວແປງຕົນເອງໃຫ້ມີຄວາມປອດໃສ, ໜັກແໜ້ນ ແລະ ເຂັ້ມ ແຂງ, ຮັບປະກັນທາດແທ້ທີ່ ເປັນກອງນຳໜ້າຂອງຊົນຊັ້ນກຳ ມະກອນ, ເປັນຕົວແທນແຫ່ງຜົນປະໂຫຍດຂອງຊາວຜູ້ອອກແຮງງານ ແລະ ປວງຊົນລາວທັງຊາດ ໃນໄລຍະໃໝ່ນີ້ ກ່ອນ ອື່ນໝົດພັກຕ້ອງເປັນພັກທີ່ມີສະຕິປັນຍາຄວາມຮູ້ທີ່ທັນກັບຍຸກສະໄໝ, ມີຄວາມສາມາດໃນການຄົ້ນຄວ້າ, ສ້າງບັນດາໂຄງການ ການເມືອງ, ແນວທາງນະໂຍບາຍຍຸດທະສາດທີ່ມີລັກສະນະກວມລວມທັງສ່ອງແສງເຖິງບົດບາດການນຳພາຂອງພັກ ໃນການຄົ້ນຄວ້າ, ສະຫຼຸບສັງລວມ ແລະ ຕອບແກ້ບັນຫາທີ່ເກີດຂຶ້ນຕໍ່ທຸກຂົງເຂດທີ່ພົວພັນເຖິງດ້ານຊີວິດການເມືອງ, ເສດຖະກິດ, ວັດທະນະທຳ-ສັງຄົມ, ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດ. ບັນຫາສຳຄັນ ແລະ ວິທີການໃນປັດຈຸ ບັນແມ່ນຕ້ອງຍົກສູງຄວາມສາມາດຕົວຈິງຂອງການຈັດຕັ້ງພັກ ແຕ່ລະຂັ້ນໃນການກຳແໜ້ນ, ເຊື່ອມຊຶມ, ເຂົ້າໃຈຕໍ່ແນວທາງ, ນະໂຍບາຍ, ມະຕິ ແລະ ຄຳສັ່ງທີ່ໄດ້ວາງອອກ ພ້ອມກັນນັ້ນຕ້ອງຮູ້ວິທີຈັດຕັ້ງ, ຜັນຂະຫຍາຍ ແລະ ກຳນົດມາດຕະການທີ່ຖືກຕ້ອງເຂົ້າໃນການເຄື່ອນໄຫວຂອງຄະນະ ພັກແຕ່ລະຂັ້ນໃຫ້ມີປະສິດທິຜົນສູງ. ການຈັດຕັ້ງພັກແຕ່ລະຂັ້ນ ແລະ ສະມາຊິກພັກແຕ່ລະສະຫາຍຕ້ອງຮັບປະກັນກຳລັງສູ້ຮົບໃໝ່ຂອງພັກ ຊຶ່ງກຳລັງແຮງສູ້ ຮົບຂອງພັກແມ່ນຄວາມສາມາດເສີມຂະຫຍາຍລັກສະນະນຳໜ້າຂອງພັກ, ຄວາມ ສາມາດ ໃນການຕ້ານທຸກໄພ ອັນຕະລາຍທີ່ຈະເກີດຂຶ້ນກັບພັກກຳລັງແຮງສູ້ຮົບຂອງການຈັດຕັ້ງພັກ ແລະ ສະມາຊິກ ພັກແມ່ນສະແດງອອກຢູ່ໃນຫຼັກ ໝັ້ນການເມືອງ ຄຸນສົມບັດສິນທຳປະຕິວັດ, ສະຕິຕື່ນຕົວໃນການປະຕິບັດລະບຽບວິໄນ, ປັນຍາຄວາມຮູ້ ເພື່ອປົກປ້ອງການຈັດຕັ້ງພັກ, ປົກປ້ອງບົດບາດການນຳພາຂອງພັກ, ກຽດສັກສີ, ແນວທາງນະໂຍບາຍ, ປ້ອງກັນສະມາຊິກພັກ-ພະນັກງານ ແລະ ປ້ອງກັນໝາກຜົນຂອງການປະຕິວັດທີ່ພັກໄດ້ນຳພາປວງຊົນລາວທັງຊາດຍາດມາໄດ້.
    ພັກສືບຕໍ່ຮັກສາມູນເຊື້ອສາມັກຄີເປັນເອກະພາບພາຍໃນພັກ, ຮັບປະກັນປະຊາທິປະໄຕ ແລະ ລະບຽບວິໄນ ໃນການຈັດຕັ້ງ ແລະ ເຄື່ອນໄຫວຢ່າງເຂັ້ມງວດ, ປະຕິບັດລະບອບຕິຊົມຕົນເອງ ແລະ ຕິຊົມກັນຢ່າງເປັນປົກກະຕິ, ຕໍ່ສູ້ຕ້ານລັດທິເອກະຊົນ, ລັດທິສວຍໂອກາດ, ເອົາໃຈໃສ່ກໍ່ສ້າງພະນັກງານ, ສະມາຊິກພັກໃຫ້ມີຄວາມປອດໃສ, ເອົາໃຈໃສ່ຖະໜຸບຳລຸງ, ກໍ່ສ້າງຮຸ່ນສືບທອດພາລະກິດຂອງພັກ ແລະ ຂອງປະຊາຊົນໃຫ້ຮັບປະກັນດ້ານເພດ, ເຜົ່າໃນຈຳນວນທີ່ເໝາະສົມ.
    ເພື່ອບັນລຸຄາດໝາຍ ແລະ ທິດທາງລວມວຽກງານກໍ່ສ້າງພັກໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກແມ່ນສືບຕໍ່ປ່ຽນແປງໃໝ່ ໃນວຽກງານກໍ່ສ້າງພັກ, ເພີ່ມທະວີທາດແທ້ຊົນຊັ້ນກຳມະກອນ ແລະ ລັກສະນະນຳໜ້າຂອງພັກ, ຍົກສູງຄວາມສາມາດນຳ ພາຂອງພັກ; ກໍ່ສ້າງພັກໃຫ້ໜັກແໜ້ນເຂັ້ມແຂງທາງດ້ານການເມືອງແນວຄິດ, ການຈັດ ຕັ້ງ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຫົວຄິດປະດິດສ້າງ, ມີແບບແຜນນຳພາທີ່ມີລັກສະນະວິທະຍາສາດ, ມີການພົວພັນສະໜິດແໜ້ນກັບປະຊາຊົນ ບົນພື້ນຖານດັ່ງກ່າວນັ້ນ ພວກເຮົາຕ້ອງສຸມໃສ່ຈັດຕັ້ງປະຕິບັດວຽກງານຈຳນວນໜຶ່ງໃຫ້ປະກົດຜົນເປັນຈິງ ເປັນຕົ້ນເພີ່ມທະວີວຽກງານກໍ່ສ້າງພັກໃຫ້ມີຄວາມໜັກແໜ້ນທາງດ້ານການເມືອງ; ປັບປຸງ ແລະ ຍົກສູງຄຸນນະພາບ, ປະສິດທິຜົນວຽກງານແນວຄິດ ແລະ ທິດສະດີຂອງພັກ; ຝຶກຝົນຫຼໍ່ຫຼອມຄຸນທາດການເມືອງ, ຄຸນສົມບັດສິນທຳປະຕິວັດ, ຕ້ານລັດທິເອກະຊົນ, ລັດທິສວຍໂອກາດທຸກຮູບທຸກແບບ; ປັບປຸງກົງຈັກການຈັດຕັ້ງພັກແຕ່ລະຂັ້ນໃຫ້ປອດໃສ ແລະ ເຂັ້ມແຂງ ບົນພື້ນຖານປະຕິບັດຫຼັກການລວມສູນປະຊາທິປະໄຕໃຫ້ຖືກຕ້ອງ ແລະ ເຂັ້ມງວດ; ປ່ຽນແປງໃໝ່ວຽກງານພະນັກງານ, ຖືສຳຄັນວຽກງານປ້ອງກັນພັກ-ພະນັກງານ; ປ່ຽນແປງໃໝ່ແບບແຜນນຳພາຂອງພັກ; ເພີ່ມປະສິດທິພາບ ແລະ ຄວາມສັກສິດຂອງວຽກງານກວດກາ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110