Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ກອງປະຊຸມວຽກງານກວດກາ ທົ່ວເມືອງຄອບ

ເຜີຍ​ແຜ່​ໂດຍ​: ທ່ານ ທອງດຳ ມິໂຍລາ ເວ​ລາ: 13/07/2021 10:33:30 ຈຳ​ນວນ​​ຢ້ຽມ​ຊົມ 1055 ຄັ້ງ

  ເມືອງຄອບ ແຂວງໄຊຍະບູລີ ໄດ້ຈັດກອງປະຊຸມວຽກງານກວດກາທົ່ວເມືອງ ປະຈໍາປີ  2020 ແລະ 5 ປີ (2016-2020) ໂດຍໄດ້ຈັດຂຶ້ນທີ່ສະໂມສອນຂອງເມືອງດັ່ງກ່າວ ເມື່ອບໍ່ດົນມານີ້ ໂດຍການເປັນປະທານຂອງ ສະຫາຍ ໄລ ອິນທິບ ຮອງເລຂາຄະນະບໍລິຫານງານພັກເມືອງ ປະທານກວດກາພັກ-ລັດເມືອງ ສະມາຊິກສະພາປະຊາຊົນແຂວງປະຈໍາໜ່ວຍເລືອກຕັ້ງເມືອງຄອບ ໃຫ້ກຽດເຂົ້າຮ່ວມຂອງສະຫາຍ ສົມຫວັງ ແກ້ວວິໄລສັກ ກໍາມະການປະຈໍາພັກແຂວງ ປະທານກວດກາພັກ-ລັດແຂວງ, ມີສະຫາຍ ແພງຊ້ອຍ ແພງເມືອງ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆຄອບ, ມີຄະນະປະຈໍາພັກເມືອງ, ກໍາມະການພັກເມືອງ, ເລຂາຄະນະພັກຮາກຖານ, ປະທານກວດກາຄະນະພັກຮາກຖານ, ເລຂາໜ່ວຍພັກ, ຫົວໜ້າຫ້ອງການ, ອົງການ, ກົມກອງ, ພາສີດ່ານ, ຕໍາຫຼວດດ່ານສາກົນປາງມອນ, ກອງພັນ 418, ກອງຮ້ອຍຊາຍແດນກອງປະຕິບັດງານ 203 ແລະ ລັດວິສາຫະກິດ, ຜູ້ກວດກາໜ່ວຍພັກ-ລັດຂອງບັນດາຫ້ອງການ, ອົງການ, ກົມກອງຮາກຖານບ້ານເຂົ້າຮ່ວມ.

ໃນພິທີດັ່ງກ່າວ ສະຫາຍ ໄລ ອິນທິບ ຮອງເລຂາຄະນະບໍລິຫານງານພັກເມືອງ ປະທານກວດກາ ພັກ-ລັດເມືອງ ສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງໜ່ວຍເມືອງຄອບ ໃຫ້ກຽດກ່າວ ເປີດກອງປະຊຸມຢ່າງເປັນທາງການ ພ້ອມທັງຜ່ານບົດສະຫຼຸບການເຄື່ອນໄຫວວຽກງານກວດກາ 5 ປີ                   (2016-2020) ແລະ ທິດທາງແຜນການປີ 2021 ຊຶ່ງມີບາງຕອນທີ່ສຳຄັນສະຫາຍໃຫ້ຮູ້ວ່າ: ຕະຫຼອດໄລຍະ 5 ປີ ທີ່ຜ່ານມາ  ຄະນະພັກ ອົງການປົກຄອງ, ຄະນະກວດກາແຕ່ລະຂັ້ນແມ່ນໄດ້ເອົາໃຈໃສ່ຄົ້ນຄວ້າເຊື່ອມຊຶມບັນດານະໂຍບາຍຂອງພັກ, ມະຕິ, ຄໍາສັ່ງ, ບົດແນະນໍາ, ກົດໝາຍ ແລະ ບັນດານິຕິກໍາອື່ນໆດ້ວຍຫຼາຍຮູບແບບ. ຜ່ານການຕິດຕາມກວດກາໃນໄລຍະ 5 ປີ ທົ່ວເມືອງມີ 72 ໜ່ວຍພັກ ທຽບໃສ່ປີ 2015 ເພີ່ມຂຶ້ນ 25 ໜ່ວຍ ເທົ່າກັບ 53,19 ສ່ວນຮ້ອຍ. ການກວດກາແມ່ນໄດ້ດໍາເນີນໃນການກວດກາແຕ່ລະເປົ້າໝາຍຕາມແຜນການວາງອອກ ແລະ ກວດກາຕາມຄໍາສັ່ງຂອງຂັ້ນເທິງ ໂດຍມີການປະສານສົມທົບກັບພາກສ່ວນທີ່ກ່ຽວຂ້ອງເປັນຕົ້ນແມ່ນການລົງເກັບກໍາຂໍ້ມູນເປົ້າໝາຍທີ່ຖືກກວດກາ ເຮັດໃຫ້ການກວດກາຊອກເຫັນໄດ້ດ້ານຕັ້ງໜ້າ ເພື່ອສົ່ງເສີມ ແລະ ຊອກຫາດ້ານອ່ອນ, ດ້ານຫຍໍ້ທໍ້ ເພື່ອປັບປຸງແກ້ໄຂ. ເປັນຕົ້ນແມ່ນໄດ້ເອົາໃຈໃສ່ຕິດຕາມກວດກາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໄລຍະ 5 ປີຂອງເມືອງ. ພ້ອມດຽວກັນນີ້ ກໍໄດ້ຕິດຕາມກວດກາການຈັດຕັ້ງປະຕິບັດແຜນການສູ້ຊົນຂອງແຕ່ລະຂະແໜງການ ໂດຍສະເພາະແມ່ນການລົງທຶນຂອງເອກະຊົນທັງພາຍໃນ ແລະ ຕ່າງປະ ເທດ ແລະ ການປ່ອຍສິນເຊື່ອຂອງທະນາຄານ. ນອກຈາກນີ້ອົງການກວດກາພັກ-ລັດເມືອງຍັງໄດ້ເອົາໃຈໃສ່ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ເບື້ອງຕົ້ນແມ່ນໄດ້ນໍາເອົາກົດໝາຍ, ນິຕິກໍາອື່ນໆທີ່ພົວພັນເຖິງວຽກງານສະກັດກັ້ນ ຕ້ານການສໍ້ລາດບັງຫຼວງ ໃນການສຶກສາອົບຮົມການເມືອງແນວຄິດ ໃຫ້ຖັນແຖວສະມາຊິກພັກ, ພະນັກງານ-ລັດຖະກອນ, ກໍາລັງປະກອບອາວຸດ ແລະ ປະຊາຊົນບັນດາເຜົ່າໄດ້ມີຄວາມຮັບຮູ້ ແລະ ເຂົ້າໃຈຢ່າງທົ່ວເຖິງ. ເອົາໃຈໃສ່ຄຸ້ມຄອງເອກະສານແຈ້ງຊັບສິນ ແລະ ລາຍຮັບຂອງພະນັກງານ-ລັດຖະກອນສົມບູນ ແລະ ພະນັກງານລັດວິສາຫະກິດ ພ້ອມທັງຕິດຕາມກວດກາ ແລະ ສະກັດກັ້ນບັນດາໜໍ່ແໜງທີ່ຈະກໍ່ໃຫ້ເກີດມີການສໍ້ລາດບັງຫຼວງໃນຂົງເຂດພະນັກງານ-ລັດຖະກອນທຸກຮູບແບບ.

ໃນໂອກາດດຽວກັນນີ້ ສະຫາຍ ແພງຊ້ອຍ ແພງເມືອງ ມີຄໍາເຫັນເຈາະຈີ້ມຕໍ່ບັນດາຜູ້ເຂົ້າຮ່ວມກອງປະຊຸມ ເພື່ອເປັນແນວທາງໃນການປະກອບຄໍາຄິດຄໍາເຫັນຂອງແຕ່ລະສະຫາຍໃນແຕ່ລະຂົງເຂດວຽກງານ. ນອກຈາກນີ້ ຜູ້ເຂົ້າຮ່ວມກອງປະຊຸມກໍໄດ້ຜັດປ່ຽນກັນຂຶ້ນປະກອບຄໍາຄິດຄໍາເຫັນຢ່າງກົງໄປກົງມາ ເພື່ອເປັນແນວທາງໃນການຈັດຕັ້ງປະຕິບັດໃນຕໍ່ໜ້າ. ພ້ອມດຽວກັນນີ້ຢູ່ໃນກອງປະຊຸມຍັງໄດ້ມີການມອບໃບຢັ້ງຢືນ ໃຫ້ເປັນຫົວໜ່ວຍພັດທະນາປະຈໍາປີ 2020 ນໍາອີກ ຈໍານວນ 23 ບ້ານໃນທົ່ວເມືອງ.

ໃນຕອນທ້າຍຂອງກອງປະຊຸມ ສະຫາຍ ສົມຫວັງ ແກ້ວວິໄລສັກ ໃຫ້ກຽດໂອ້ລົມຕໍ່ກອງປະຊຸມດັ່ງກ່າວ ຊຶ່ງກ່ອນອື່ນໝົດສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ທາງຄະນະກວດກາ ພັກ-ລັດເມືອງ ຍາດມາໄດ້ໃນໄລຍະທີ່ຜ່ານມາ. ພ້ອມດຽວກັນນີ້ສະຫາຍຍັງໄດ້ຮຽກຮ້ອງມາຍັງອົງການກວດກາຂັ້ນເມືອງ ຈົ່ງສືບຕໍ່ແກ້ໄຂບັນດາປະກົດການຫຍໍ້ທໍ້ໃນດ້ານຕ່າງໆທີ່ຍັງຄ້າງຄາ. ພ້ອມດຽວກັນນີ້ກໍໄດ້ເອົາ ໃຈໃສ່ຊຸກຍູ້ສົ່ງເສີມວຽກງານກວດກາໃຫ້ມີຄວາມໜັກແໜ້ນ ເຂັ້ມແຂງ ແລະ ຂະຫຍາຍອອກໃຫ້ໄປທົ່ວທຸກຂົງເຂດວຽກງານ ໂດຍຖືເອົາວຽກງານກວດກາເປັນສິ່ງສຳຄັນໃນການສອດຫ້ອຍໃນທຸກຂົງເຂດວຽກງານຕິດພັນກັບການຕ້ານ ແລະ ສະກັດກັ້ນການສໍ້ລາດບັງຫຼວງໃນທຸກຮູບແບບຢູ່ພາຍໃນຖັນແຖວພະນັກງານ ເພື່ອເຮັດໃຫ້ສັງຄົມມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບສຸກໂດຍພື້ນຖານ.

 (ຂ່າວ-ພາບ: ແສງເພັດ ແຊ່ຈ່າວ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com