ຫົວ​ຂໍ້ : ປີໃໝ່ນີ້ ທ່ານ ສີຈິ້ນຜິງ ເນັ້ນສ້າງສັງຄົມທີ່ອີ່ມໜຳສຳລານ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 27/01/2020 09:04:38 ຈຳ​ນວນ​ຜູ້​ເຂົ້າ​ຢ້ຽມ​ຊົມ 310 ຄັ້ງ

     ຂ່າວສານ​ຊີ​ອາ​ໄອ​ລາຍ​ງານ​ວ່າ: ວັນ​ທີ 23 ມັງກອນ​ຜ່ານ​ມາ, ສູນ​ກາງ​ພັກ​ກອມ​ມູ​ນິດ​ຈີນ, ຄະນະ​ລັດຖະບານ​ຈີນ ໄດ້​ຈັດ​ງານ​ອວຍພອນ​ປີ​ໃໝ່​ຈີນ 2020 ຢູ່​ຫໍ​ສະພາ​ປະຊາຊົນ ໂດຍ​ທ່ານ ສີ​ຈິ້ນ​ຜິງ ປະທານ​ປະເທດ​ຈີນ ໄດ້​ກ່າວ​ຄຳ​ເຫັນ, ຕາງໜ້າ​ສູນ​ກາງ​ພັກ​ກອມ​ມູ​ນິດ​ຈີນ ຄະນະ​ລັດຖະບານ ສົ່ງ​ຄຳ​ອວຍພອນ​ອັນ​ປະເສີດ​ມາ​ຍັງ​ປະຊາຊົນ​ບັນດາເຜົ່າ​ທົ່ວ​ປະເທດ​ຈີນ, ພີ່ນ້ອງ​ຮ່ວມ​ຊາດ​ເຂດ​ບໍລິຫານ​ພິເສດ​ຮົງ​ກົງ, ມາ​ກາວ ພີ່ນ້ອງ​ຮ່ວມ​ຊາດ​ໄຕ້​ຫວັນ ແລະ ຊາວ​ຈີນ​ທີ່ຢູ່​ຕ່າງ​ປະ​ເທດ.
     ທ່ານ ສີ​ຈິ້ນ​ຜິງ ກ່າວ​ວ່າ: ການ​ເວລາ​ບໍ່​ລໍຖ້າ​ຄົນ, ປະ ຫວັດສາດ​ບໍ່​ລໍຖ້າ​ຄົນ. ການ​ເວລາ​ແມ່ນ​ເປັນ​ຂອງ​ຜູ້​ບຸກ​ບືນ​ສູ້​ຊົນ, ປະຫວັດສາດ​ກໍ​ເປັນ​ຂອງ​ຜູ້​ບຸກ​ບືນ​ສູ້​ຊົນ, ເພື່ອ​ບັນລຸ​ຄວາມ​ໄຝ່​ຝັນ ຈີນ ໃນ​ການຟື້ນ​ ຟູ​ຄວາມ​ຈະເລີນ​ຮຸ່ງເຮືອງ​ແຫ່ງ​ ຊົນ​ຊາດ​ຈີນ, ພວກ​ເຮົາ​ຕ້ອງ ແຂ່ງ​ກັບ​ເວລາ ແລະ ກ້າວ​ເດີນ​ໄປ​ພ້ອມ​ກັບ​ປະຫວັດ​ສາດ.ພາຍ​ໃຕ້​ການ​ນຳພາ​ອັນ​ແຂງ​ແກ່ນ​ຂອງ​ພັກ​ກອມ​ມູ​ນິດ​ຈີນ, ທົ່ວ​ພັກ, ທົ່ວ​ກອງທັບ ແລະ ປະ ຊາຊົນ​ບັນດາເຜົ່າ​ຂອງ​ທົ່ວ​ປະ ເທດ​ຕ້ອງ​ບໍ່​ລືມ​ອຸດົມ​ການແຕ່​ ຫົວທີ, ຈົດ​ຈຳ​ພາລະ​ໜ້າທີ່​ໄວ້, ບໍ່​ຢ້ານ​ກົວ​ຕໍ່​ພາຍຸ​ລົມແດງ, ປະ​ເຊີນ​ໜ້າ​ກັບ​ສິ່ງ​ທ້າ​ທາຍ, ສືບຕໍ່​ບືນ​ຕົວ​ໄປ​ສູ່​ການ​ບັນລຸ​ເປົ້າ​ໝາຍ​ອັນ​ສະຫວ່າງ​ສະໄຫວທີ່​ຟື້ນ​ຟູ​ຄວາມ​ຈະເລີນ​ຮຸ່ງເຮືອງ​ແຫ່ງ​ຊົນ​ຊາດ​ຈີນ, ສືບຕໍ່​ບຸກ​ບືນ​ໄປ​ສູ່​ອະນາຄົດ​ອັນ​ດີງາມ​ແຫ່ງ​ການ​ຊຸກຍູ້​ການ​ສ້າງ​ປະຊາ​ຄົມ​ຮ່ວມ​ຊາ​ຕາ​ກຳ, ສືບຕໍ່​ສ້າງ​ປະຫວັດສາດ​ອັນ​ຍິ່ງ​ໃຫຍ່​ຂອງ​ ຊາດ​ຈີນ ໃນ​ທ່າມກາງ​ປະຫວັດ ສາດ​ອັນ​ຍິ່ງ​ໃຫຍ່​ຂອງ​ທົ່ວ​ມວນ​ມະ​ນຸດ.
     ພ້ອມ​ກັນ​ນັ້ນ, ທ່ານ ສີ​ຈິ້ນ​ຜິງ ຊີ້​ອອກ​ວ່າ: ໃນ​ປີ​ໃໝ່​ນີ້, ພວກ​ເຮົາ​ຕ້ອງ​ເອົາ​ຊະນະ​ໃນ​ການ​ສູ້​ຊົນ​ສ້າງ​ສັງຄົມ​ທີ່​ອີ່ມ​ໜຳ​ສຳລານ​ຢ່າງຮອບດ້ານ, ເອົາ​ຊະນະ​ໃນ​ການ​ແກ້​ໄຂ​ບັນຫາ​ຍາກ​ທີ່​ເກີດ​ຂຶ້ນ​ໃນ​ການ​ຫຼຸດ​ພົ້ນ​ອອກ​ຈາກ​ຄວາມທຸກ​ຍາກ, ເພື່ອ​ບັນລຸ​ເປົ້າ​ໝາຍ​ສູ້​ຊົນ 100 ປີ ປະການ​ທີ​ໜຶ່ງ, ຄວາມ​ໃຝ່ຝັນ​ຂອງ​ຊົນ​ຊາດ​ຈີນ ຢາກ​ໃຫ້​ມີ​ຊີວິດ​ທີ່​ອີ່ມ​ໜຳ​ສຳລານ ໂດຍ​ຜ່ານ​ຈາກ​ການ​ອອກແຮງ​ງານ​ຢ່າງ​ຫ້າວຫັນ​ລຳບາກ​ຂອງ​ຊົນ​ຊາດ​ຈີນ ທີ່​ມີ​ມາ​ແຕ່​ພັນ​ປີ​ນັ້ນ, ຈະ​ບັນລຸ​ຜົນ​ເປັນ​ຈິງ ຊຶ່ງ​ເປັນ​ຫຼັກ​ໝາຍ​ປາຍທາງ​ທີ່​ມີ​ຄວາມ​ໝາຍ​ທີ່​ສຸດ​ໃນ​ປະຫວັດ​ແຫ່ງ​ການ​ຟື້ນ​ຟູ​ຄວາມ​ຈະເລີນ​ຮຸ່ງເຮືອງ​ແຫ່ງ​ຊາດ​ຈີນ ຢ່າງ​ຍິ່ງ​ໃຫຍ່.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110