ໜັງສືພິມ ປະຊາຊົນ

ກະຊວງຍຸຕິທຳ ເຜີຍແຜ່ເອກະສານສຳຄັນ ຂອງກົມການເມືອງສູນກາງພັກ

ເຜີຍແຜ່ໂດຍ: siththiphone rasphone ເວລາ: 27/01/2020 09:11:38 ຈຳນວນຢ້ຽມຊົມ 880 ຄັ້ງ

ກະຊວງຍຸຕິທໍາໄດ້ຈັດກອງປະຊຸມເຜີຍແຜ່ເຊື່ອມຊຶມ ມະຕິຂອງກົມການເມືອງສູນກາງພັກ, ຂໍ້ກໍານົດຂອງຄະນະເລຂາທິການສູນກາງພັກ ແລະ ຄໍາແນະນໍາຂອງຄະນະຈັດຕັ້ງສູນກາງພັກ ໃນວັນທີ 24 ມັງ ກອນຜ່ານມາ ທີ່ກະຊວງດັ່ງ ກ່າວ. ພາຍໃຕ້ການເປັນປະ ທານຂອງທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທໍາ ຊຶ່ງມີພະນັກງານອ້ອມຂ້າງກະຊວງເຂົ້າຮ່ວມ.
ໃນການເຜີຍແຜ່ຄັ້ງນີ້, ຜູ້ເຂົ້າຮ່ວມໄດ້ຮັບຟັງມະຕິຂອງກົມການເມືອງສູນກາງພັກ ສະ ບັບເລກທີ 072/ກມສພ, ລົງວັນ ທີ 14 ພຶດສະພາ 2019 ວ່າດ້ວຍ ລະບອບການຮໍ່າຮຽນທິດສະດີ ການເມືອງ; ຂໍ້ກໍານົດຂອງຄະ ນະເລຂາທິການສູນກາງພັກສະ ບັບເລກທີ 01/ຄລສພ, ລົງວັນທີ 15 ພຶດສະພາ 2019 ວ່າດ້ວຍ ການຢັ້ງຢືນລະດັບທິດສະດີ ການເມືອງ. ມະຕິກົມການ ເມືອງສູນກາງພັກ ສະບັບເລກທີ 073/ກມສພ, ລົງວັນທີ 14 ພຶດສະພາ 2019 ວ່າດ້ວຍການ ສ້າງແຜນກໍ່ສ້າງ-ບໍາລຸງພະນັກ ງານນໍາພາ. ຄໍາແນະນໍາຂອງຄະນະຈັດຕັ້ງສູນກາງພັກ ສະ ບັບເລກທີ 204/ຄຈສພ, ລົງວັນທີ 5 ພະຈິກ 2019 ກ່ຽວກັບ ການຈັດຕັ້ງປະຕິບັດມະຕິຂອງ ກົມການເມືອງສູນກາງພັກ ວ່າດ້ວຍລະບອບການຮໍ່າຮຽນທິດສະດີການເມືອງ, ການສ້າງແຜນກໍ່ສ້າງ-ບໍາລຸງພະນັກງານນໍາພາ-ຄຸ້ມຄອງ ແລະ ຂໍ້ກໍານົດຂອງຄະນະເລຂາທິການສູນກາງພັກ ວ່າດ້ວຍການຢັ້ງຢືນລະດັບທິດສະດີການເມືອງ.
ຈຸດປະສົງການເຜີຍແຜ່ເພື່ອສ້າງຄວາມຮັບຮູ້ເຂົ້າໃຈຢ່າງເປັນເອກະພາບກ່ຽວກັບລະບອບການຮໍ່າຮຽນທິດສະດີການເມືອງ, ສ້າງຄວາມເຊື່ອໝັ້ນຕໍ່ອຸດົມການຂອງພັກ, ສ້າງທັດສະນະຫຼັກໝັ້ນການເມືອງ ທີ່ຖືກຕ້ອງໃຫ້ສະມາຊິກພັກ, ພະນັກງານນໍາພາ-ຄຸ້ມຄອງ, ພະນັກງານ-ລັດຖະກອນ ເພື່ອເຮັດໃຫ້ທິດສະດີການເມືອງກາຍເປັນພື້ນຖານແນວຄິດ ແລະ ການກະທໍາຂອງທົ່ວພັກ, ທົ່ວລັດ ແລະ ທົ່ວປວງຊົນ, ເຮັດໃຫ້ທຸກຄົນມີຄວາມຮັບຮູ້ມີຄວາມເຊື່ອໝັ້ນ, ສະໜັບສະໜູນ ແລະ ຕື່ນຕົວປະຕິບັດແນວທາງນະ ໂຍບາຍຂອງພັກ-ລັດ, ເປັນບ່ອນອີງໃຫ້ຄະນະພັກແຕ່ລະຂັ້ນ ດໍາເນີນການສ້າງແຜນການ ແລະ ຈັດຕັ້ງຮໍ່າຮຽນທິດສະດີການເມືອງໃຫ້ສະມາຊິກພັກ, ພະນັກງານ-ລັດຖະກອນຢ່າງຖືກຕ້ອງ, ສອດຄ່ອງກັບແນວ ທາງນະໂຍບາຍຂອງພັກ ແລະ ລັດ ໃນແຕ່ລະໄລຍະ.
(ຂ່າວ: ຍຸພິນ)