ຫົວ​ຂໍ້ : ໂຮງໝໍມິດຕະພາບ ສະຫຼຸບວຽກງານປະຈຳປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 27/01/2020 09:22:58 ຈຳ​ນວນ​ຜູ້​ເຂົ້າ​ຢ້ຽມ​ຊົມ 422 ຄັ້ງ

   ໂຮງໝໍມິດຕະພາບໄດ້ຈັດພິທີສະຫຼຸບວຽກງານປະຈຳປີ 2019 ແລະ ຜ່ານທິດທາງແຜນ ການປີ 2020 ຂຶ້ນໃນວັນທີ 24 ມັງກອນນີ້ ທີ່ໂຮງໝໍດັ່ງກ່າວ, ເປັນກຽດເຂົ້າຮ່ວມຂອງທ່ານ ຄຳພອນ ພຸດທະວົງ ເລຂາຄະນະພັກກະຊວງ ຮອງລັດຖະມົນຕີ ກະຊວງ ສາທາລະນະສຸກ ຊຶ່ງມີພະນັກງານແພດໝໍເຂົ້າຮ່ວມ.

   ທ່ານ ສະໜອງ ທອງຊະນະ ຜູ້ອຳນວຍການໂຮງໝໍມິດ ຕະພາບ ໄດ້ຂຶ້ນລາຍງານການ ເຄື່ອນໄຫວຂອງໂຮງໝໍ ແລະ ການຈັດຕັ້ງປະເມີນຂໍ້ແຂ່ງຂັນຮັກຊາດ ແລະ ພັດທະນາໃນປີ ຜ່ານມາ ຊຶ່ງສະແດງອອກໃນການນຳພາພະນັກງານປະຕິບັດວິໄສທັດຂອງໂຮງໝໍ ແລະ ໄດ້ພ້ອມກັນຜ່ານຜ່າເຮັດໜ້າທີ່ການເມືອງ ແລະ ໜ້າທີ່ວິຊາສະ ເພາະຂອງຕົນຕາມການມອບ ໝາຍຂອງການຈັດຕັ້ງ, ໃນ 1 ປີໄດ້ກວດ ແລະ ປິ່ນປົວຄົນເຈັບ ຢູ່ຫ້ອງກວດເຂດນອກໄດ້ 130.920 ເທື່ອຄົນ  ຍິງ 76.650 ເທື່ອຄົນ, ຮັບຄົນເຈັບສຸກເສີນ 56.050 ຄົນ ຍິງ 31.578 ຄົນ, ໃນນັ້ນອຸບັດເຫດທ້ອງຖະໜົນ 13.346 ກໍລະນີ ຍິງ 4.543 ກໍລະນີ, ຮັບຄົນເຈັບເຂົ້ານອນ 17.846 ຄົນ, ຍິງ 8.743 ຄົນ, ເດັກເກີດໃໝ່ 1.501 ຄົນ  ຍິງ 768 ຄົນ, ຜ່າຕັດທັງໝົດ 7.840 ກໍລະນີ, ຟອກໄຂ່ຫຼັງ 4.989 ເທື່ອຄົນ, ຄົນເຈັບສາຍແສງປິ່ນປົວມະເຮັງ 1.242 , ອັດຕາໝູນໃຊ້ຕຽງ 94,84% ເທື່ອຄົນ, ພ້ອມນັ້ນກອງປະຊຸມຍັງໄດ້ຮັບຟັງການລາຍງານ ການກະກຽມວຽກງານເພື່ອເປີດບໍລິການໂຮງໝໍ 308 ຕຽງ ພາກສ່ວນຕຶກນອນໃນ ແລະ ວຽກງານຕອບໂຕ້ໄພພິບັດ ແລະ ເຫດການສຸກເສີນ ຊຶ່ງໃນ 1 ປີຜ່ານມາໄດ້ປະຕິບັດນະໂຍບາຍວຽກງານປະກັນສຸຂະພາບ ມີຜູ້ປະກັນຕົນມາຮັບບໍລິການຈາກ ອປລ : 114.101 ຄົນ, ອປສ: 244.967 ຄົນ, ຄປສຊ : 86.173 ຄົນ ແລະ ໄດ້ນະໂຍບາຍການປິ່ນປົວໂດຍບໍ່ເສຍຄ່າແກ່ຜູ້ທຸກຍາກອານາຖາ, ນັກບວດ, ຮັກຮຽນ-ນັກສຶກສາ ແລະ ນະໂຍບາຍຫຼຸດຄ່າຟອກເລືອດໃຫ້ຄົນເຈັບຜູ້ທຸກຍາກ ຊຶ່ງລວມນະໂຍບາຍເປັນເງິນທັງໝົດ 426.386.850 ກີບ.

ໂຮງໝໍແຫ່ງນີ້ຍັງໄດ້ເຮັດໜ້າທີ່ໂຄສະນາສຸຂະສຶກສາ, ໂພສະນາການກວດສຸຂະພາບແມ່ ແລະ ເດັກ, ສັກຢາກັນພະ ຍາດ, ສິດສອນນັກສຶກສາແພດ, ພະຍາບານ, ບຳລຸງສ້າງພະ ນັກງານ, ຄົ້ນຄວ້າວິທະຍາສາດ, ສົ່ງຄະນະແພດລົງຮາກຖານຊ່ວຍໂຮງໝໍເມືອງ, ໂຮງໝໍແຂວງ ແລະ ພົວພັນຮ່ວມມືດ້ານວິຊາການກັບຄະນະແພດຈາກຕ່າງປະເທດເພື່ອພັດທະນາໂຮງໝໍ.

   ໃນໂອກາດດຽວກັນນີ້, ທ່ານ ຄຳພອນ ພຸດທະວົງ ກໍໄດ້ໃຫ້ກຽດໂອ້ລົມ ຊຶ່ງທ່ານໄດ້ເນັ້ນໃຫ້ເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ແກ່ພະນັກງານແພດ-ໝໍການບໍລິການ 5 ດີ 1 ພໍໃຈ ເປັນສຳຄັນ ແລະ ໄດ້ຮຽກ ຮ້ອງໃຫ້ພະນັກງານແພດພະ ຍາບານມີຈັນຍາບັນແພດຈັນຍາບັນພະຍາບານ, ມາລະຍາດ ທ່າທີໃນການຮັບໃຊ້ຄົນເຈັບ, ປຸກລະດົມຂະບວນການແຂ່ງ ຂັນຮັກຊາດ ແລະ ພັດທະນາ, ການປະຕິບັດວິໄສທັດຂອງໂຮງ ໝໍ ແລະ ອື່ນໆ.          

 (ຂ່າວ: ພູວັນ-ພາບ: ສຳນານ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110