ການກຳເນີດຂອງພັກ

ເຜີຍ​ແຜ່​ໂດຍ​: siththiphone rasphone ເວ​ລາ: 28/01/2020 08:53:33 ຈຳ​ນວນ​​ຢ້ຽມ​ຊົມ 709 ຄັ້ງ

  ໃນ​ທ້າຍ​ສະ​ຕະ​ວັດ​ທີ XIX 3 ປະ​ເທດ​ອິນ​ດູ​ຈີນ, ລາວ, ຫວຽດ ​ນາມ, ກຳ​ປູ​ເຈຍໄດ້ຖືກຈັກ​ກະ​ພັດ​ລ່າ​ເມືອງ​ຂຶ້ນ​ຝ​ຣັ່ງເຂົ້າມາ​ຮຸກ​ຮານ, ​ປຸ້ນ​ສະ​ດົມ​ຢ່າງ​ໂຫດ​ຮ້າຍ​ປ່າ​ເຖື່ອນ; ປະຊາ​ຊົນ​ອິນ​ດູ​ຈີນ​ຖືກ​ກົດ​ຂີ່​ຂູດຮີດ​ຢ່າງ​ແສນ​ສາ​ຫັດ. ດັ່ງ​ນັ້ນ 3 ປະ​ເທດ​ອິນ  ​ດູ​ຈີນ  ຈຶ່ງ​ໄດ້​ຕໍ່​ສູ້ຢ່າງ​ພິ​ລະ​ອາດ​ຫານ, ເດັດ​ຂາດບໍ່ຍອມ​ເປັນ​ຂ້ອຍ​ຂ້າ, ບໍ່​ຍອມເສຍ​ບ້ານ​ເສຍ ​ເມືອງ, ແຕ່​ລະປະ​ເທດ​ໄດ້​ພ້​ອມ​ກັນ​ຕໍ່​ສູ້​ຢ່າ​ງທໍລະ​ຫົດ​ອົດ​ທົນ​ເຊັ່ນ: ຢູ່​ປະ​ເທດລາວ​ເຮົາ​ກໍມີ​ ຫຼາຍ​ຂະ​ບວນ​ການຕໍ່​ສູ້​,  ບາງຂະ ​ບວນ​ການ​ກໍ​ຍືດ​ເຍື້ອຍາວ​ນານ ​ຫຼາຍ​ປີ,  ບາງ​ຂະ​ບວນ​ການກໍມີ​ ຂະ​ໜາດກວ້າງ​ໃຫຍ່,  ແຕ່​ຂະ​ບວນເຫຼົ່າ​ນັ້ນ​ລ້ວນ​ແຕ່​ຖື​ກ​ປາບ​ປາມ  ຍ້ອນ​ຫຼາຍ​ສາ​ເຫດ ແລະ ສະພາບ​ແວດ​ລ້ອມບໍ່​ເອື້ອ​ອຳ​ນວຍ.
  ເພື່ອ​ຊອກ​ຫາ​ເສັ້ນ​ທາງ ປົດ​ປ່ອຍ​ຊາດ, ປະ​ທານ ໂຮ່ຈິມິນ ໄດ້ອອກ​ຈາກ​ອິນ​ດູ​ຈີນ​ເດີນ ທາງ​ໄປ​ທະ​ວີບ​ຢູ​ໂຣບ, ເພິ່ນ​ໄດ້ເອົາ​ໃຈ​ໃສ່​ຄົ້​ນ​ຄວ້າ​ບົດ​ຮຽນການປະ​ ຕິ​ວັດ​ເດືອນ​ຕຸ​ລ​າ​ຣັດເຊຍ​ຢ່າງ​ຈົດ​ຈໍ່  ນັ້ນ​ຄື​ມໍ​ລະ​ດົກອັນ​ຍິ່ງ​ໃຫຍ່​ຂອງ​ເລ​ນິນ​ກ່ຽວ​ກັບ​ບັນ​ຫາ​ຊາດ ແລະ ບັນຫາເມືອງຂຶ້ນ;  ເພິ່ນໄດ້​ ສະ​ຫຼຸບ​ຢ່າງຖືກຕ້ອງວ່າ: ມີ​ແຕ່​ ລັດ​ທິ​ສັງ​ຄົມນິ​ຍົມ, ລັດທິ​ກອມ​ມູ​ນິດ​ເທົ່າ​ນັ້ນ ຈຶ່ງ​ສາ​ມາດ​ປົດ​ປ່ອຍ​ບັນດາ​ປະ​ຊາ​ຊາດ​ທີ່​ຖືກ​ກົດຂີ່  ແລະ ຊາວ​ຜູ້​ອອກ​ແຮງ​ງານໃຫ້​ ພົ້ນອອກຈາກແອກການ​ເປັນ ຂ້ອຍ​ຂ້າ​ໄດ້. ຢາກ​ກູ້​ຊາດ​ໄດ້ແມ່ນ  ບໍ່​ມີ​ທາງ​ອື່ນອີກ  ນອກ​ຈາກ​ເສັ້ນ​ທາງ​ປະ​ຕິ​ວັດ​ກຳ​ມະຊີບ.
  ຍ້ອນ​ເຫັນ​ໄດ້​ເສັ້ນ​ທາງ     ​ກູ້ຊາດ​ຄື​ແນວ​ນັ້ນ​    ປະ​ທານ ໂຮ່​ຈິ​ມິນ  ຈ ຶ່ງ​ໄດ້​ນຳ​ເອົາ​ລັ​ດ​ທິ​ມາກ-ເລ​ນິນເຂ​ົ້າມາ​ເຜີຍ​ແຜ່​ຢູ່ ອິນ​ດູ​ຈີນ  ໃນ​ຂະ​ບວນ​ການ​ຕໍ່ ສູ້​ຂອງ​ຊາວ​ໜຸ່ມ, ກຳ​ມະ​ກອນ, ນັກ​ຮຽນ, ນັກ​ສຶກ​ສາ, ຂ້າ​ລາ​ຊະ ການ ແລະ ຮາກ​ຖານ​ປະ​ຊາ ຊົນ​ຢ່າງ​ເປັນ​ຂະ​ບວນກວ້າງ ຂວາງ; ກາຍ​ເປັນ​ກະ​ແສ​ຟອງ​ປະ​ຕິ​ວັດ​ອັນ​ຟົດ​ຟື້ນອັນ​ໄດ້​ສ້າງ​ເງື່ອນໄຂ​ ອັນສຸກງອ​ມ​ໃຫ້​ແກ່​ການສ້າງຕັ້ງ ​ພັກ​ການເມືອງຂອງ​ຊົນ​ຊັ້ນກຳ​ ມະ​ກອນ​ຂຶ້ນ​ໃນວັນ​ທີ 3/2/1930 ທີ່​ເປັນ​ເອ​ກະພາບ​ໜຶ່ງດຽວນັ້ນ​ຄື: ພັກ​ກອມ​ມູ​ນິດ​ອິນ​ດູ​ຈີນ ພາຍ​ໃຕ້ການ​ຊີ້​ນຳ​ໂດຍ​ກົງ​, ຮອບ​ດ້ານຂອງປະ​ທານ ໂຮ່​ຈິ​ມິນ. ພັກໄດ້​ວ​າງ​ແນວ​ທາງ​ຍຸດ​ທະ​ສາດ,  ຍຸດ​ໂທ​ບາຍ​ຂອງ​ການປະ ​ຕິ​ວັດອິນ​ດູ​ຈີນ​ອອກຢ່າງ​ລະ​ອຽດ;  ຊີ້ໃຫ້​ເຫັນ​ຊາ​ຕາ​ກຳ​ຂອງ​ປະ​ຊາຊົນ 3 ປະ​ເທດ​ທີ່​ຕົກເປັນ​ ຫົວເມືອງ​ຂຶ້ນ​ຂອງ​ຈັກ​ກະ​ພັດ​ ລ່າເມືອງ​ຂຶ້ນ​ຝຣັ່ງ,  ຍົກ​ໃຫ້​ເຫັນ​ຂໍ້ຂັດ​ແຍ່ງ​ທີ່​ເປັນ​ພື້ນ​ຖານ​ໃນ​ອິນ​ດູ​ຈີນນັ້ນແມ່ນ​ຂໍ້​ຂັດ​ແຍ່ງ​ລະຫວ່າງ​ກຳ​ມະ​ກອນ-ຊາວ​ນາ ແລະ ປະຊາ​ຊົນ​ຜູ້​ອອກ​ແຮງ ງານ​ກັບ​ຈັກ​ກະ​ພັດ​ລ່າ​ເມືອງ​ຂຶ້ນ​ຝ​ຣັ່ງ, ສັກ​ດີ​ນາ, ເຈົ້າ​ທີ່​ດິນ ແລະ ນາຍ​ທຶນ. ໜ້າ​ທີ່​ພື້ນ​ຖານ​ຂອງ​ການ​ປະ​ຕ​ິ​ວັດ​ແມ່ນ​ໂຄ່ນລົ້ມ​ຈັກ​ ກະ​ພັດ​ຝ​ຣັ່ງ,  ເຮ​ັດ​ໃຫ້​ອິນ​ດູ​ຈີນ​ເປັນ​ເອ​ກະ​ລາດ​ສົມບູນ, ລຶບ​ລ້າງ​ລະ​ບອບ​ສັກ​ດີ​ນາ; ກຳ​ລັງ​ຕົົ້ນ​ຕໍ​ຂອງ​ການປະ​ຕິ​ວັດ​ແມ່ນ​ກຳ​ມະ​ກອນ  ແລະ  ຊາ​ວ​ນາພາຍ ​ໃຕ້​ການ​ນຳ​ພາຂອງ​ຊົນ​ຊັ້ນ​ກຳ​ມະ​ກອນ,  ປັດ​ໄຈ​ຕັດ​ສິນ​ໄຊຊະ​ ນະ​ຂອງ​ການປະຕິວັດ​ແມ່ນ​ການ​ນຳ​ພາ​ຂອງພັກ​ກອມ​ມູ​ນິດ​ທີ່​ມີ​ແນວ​ທາງການ​ເມືອງ​ທີ່​ຖືກ​ຕ້ອງ, ລະ​ບຽບ​ວິ​ໄນ, ຕິດ​ພັນ​ກັບ​ຮາກ​ຖານ​ປະຊາ​ຊົນ.
25 ປີ ພາຍ​ໃຕ້​ກາ​ນ​ນຳ​ພາ ຂອງ​ພັກ​ກອມ​ມູນ​ິດ​ອິນ​ດູ​ຈີນ ໄດ​້​ເຮ​ັດ​ໃຫ້​ການ​ປະ​ຕິ​ວັດ​ໃນ ອິນ​ດູ​ຈີນ​ເວົ້າ​ລວມ, ເວົ້າ​ສະເພາະ​ແມ່ນ​ການ​ປະ​ຕິ​ວັດຢູ່​ລາວ​ມີ​ບາດ​ ກ້າວ​ຂະ​ຫຍາຍຕົວ,  ມີປັດ​ໄຈ ໃໝ່​ກຳ​ເນີດ​ຂຶ້ນ​ໃນແຕ່ລະ​ໄລ​ຍະ ດັ່ງ​ນີ້:
- ປີ 1934 ອົງ​ຄະ​ນະ​ພັກ ແຄ້ວນ​ລາວ​ໄດ້​ຮັບ​ການ​ສ້າງຕັ້ງ ຂຶ້ນ  ຊຶ່ງ​ເປັ​ນ​ບາດ​ກ້າວ​ທຳອິດທີ່ ມີ​ການ​ປັບ​ປຸງ  ແລະ  ຂະ​ຫຍາຍ ການ​ຈັດ​ຕັ້ງ​ພັກ ແລ​ະ ອົງ​ການ ຈັດ​ຕັ້ງ​ມະ​ຫາ​ຊົນ,  ພັກ​ໄດ້​ຍູ້​ແຮງວຽກງານ​ປຸກ​ລະ​ດົມ​ຂົນ​ຂວາຍ​ມະຫາ​ຊົນ​ຢູ່​ເຂ​ດ​ຊົນ​ນະ​ບົດ ແລະ ບໍລິ​ເວນ​ຊົນ​ເຜົົ່າ​ຖື​ຊາວ​ໄຮ່​ນາເປັນ​ກຳ​ລັງພື້​ນ​ຖານ​ຂອງ​ການປະ​ຕິ​ວັດ. ສະ​ນັ້ນ ຈຶ່ງ​ ເຮັດ​ໃຫ້​ຂະບວນ​ການຕໍ່ສູ້​ລະ ເບີດຂຶ້ນ​ແຕ່ຕາໍ່​ຫາ​ສູງ​ໃນທົ່ວປະ ​ເທດດ້ວຍບັນ​ດາ​ຮູບ​ການ​ທີ່​ເໝາະ​ສົມ ແລະ ອຸ​ດົມ​ຮັ່ງ​ມີ, ເປັນ​ສາເຫດ​ພາໃຫ້ມີການຢຶດອຳ ​ນາດ 23 ສິງ​ຫາ 1945, ປະ​ ເທດ​ເອກະ​ລາດ 12 ຕຸ​ລາ 1945, ສ້າງຕັ້ງ​ກອງ​ທັບ​ປະ​ຊາ​ຊົນ​ລາວ ​ໃນວັນ​ທີ 20 ມັງ​ກອນ 1949 ແລະ ສ້າງ​ຕັ້ງ​ແນວ​ລາວ​ອິດ​ສະ​ຫຼະຂຶ້ນ ໃນ​ວັນ​ທີ 13 ສິງ​ຫາ 1950  ຊຶ່ງ​ໄດ້​ກ​າຍ​ເປັນ​ຄັນ​ທຸງ​ເຕົ້າ​ໂຮມ,  ດຶງ​ດູດເອົາທຸກຊັ້ນຄົນ​ເຂົ້າ​ຮ່ວມການ​ປະ​ຕິ​ວັດ​ໄດ້​ຢ່າງ ກວ້າງຂວາງ ແລະ ແຂງ​ແຮງ, ກາຍ​ເປັນ​ເວ​ທີ​ເຄື່ອນ​ໄຫວ​ຕໍ່ສູ້​ ແບບ​ເປີດ​ເຜີຍ​ຂ​ອງ​ພັກ​ເຮົາ ເພາະ​ວ່າ​ໃນ​ເວ​ລານັ້ນ   ພັກ​ເຮົາ​ຕ້ອງ​ໄດ້ເຄື່ອນ​ໄຫວ​ປິດ​ລັບ ໂດຍເອົາ​ແນວ​ລາວ​ອິດ​ສະ​ຫຼະ, ຕ​ໍ່​ມາ​ແມ່ນ​ແນວ​ລາວ​ຮັກ​ຊາດ​ອອກໜ້າ​ໃນ​ການ​ເຄື່ອນ​ໄຫວ​ຕໍ່​ສູ້ ແລະ ພົວ​ພັນ​ກັບ​ສາ​ກົນ ໂດຍ​ມີ​ແກນ​ນຳ​ຂອ​ງ​ພັກ ແລະ ສະ​ມາ ຊິກ​ພັກ​ນອນ​ໃນ​ຄະ​ນະ​ນຳ​ຂອງ​ແນວ​ລາວ​ຮັກ​ຊາດ.
    ພາຍ​ໃຕ້​ການ​ນຳ​ພາ​ຂອງ ພັກ​ກອມ​ມູ​ນິດ​ອິນ​ດູ​ຈີນຂະ​ບວນ​ການ​ປະ​ຕິ​ວັດຂອງ​ປະ​ຊາ​ຊົນ 3 ຊາດ​ອິນ​ດູ​ຈີນ ນັບ​ມື້​ນັບ​ໄດ້​ຮັບໄຊ​ຊະ​ນະ​ອັນໃຫຍ່ຫຼວງໃນ​ ການ​ຕໍ່​ສູ້​ຕ້ານ​ຈ​ັກ​ກະ​ພັດ​ລ່າ ເມືອງ​ຂ​ຶ້ນ​ຝ​ຣັ່ງ​ຜູ້​ຮຸກ​ຮານ, ກຳ​ລັງ ປະ​ຕິ​ວັດ​ຂອງ 3 ຊາດ​ອິນ​ດູ​ຈີນ​ກໍ​ໄດ້​ເຕີບ​ໃຫຍ່​ຂະ​ຫຍາຍຕົວຢ່າງ ບໍ່​ຢຸດຢັ້ງ,  ພະນັກ​ງານ​ສະມາ ຊິກພັກ​ກໍ​ນັບ​ມື້​ນັບ​ເພີ່ມ​ຂຶ້ນ; ປະເທດ​ລາວເຮົາ ໃນ​ເວ​ລານັ້ນ ເຖິງວ່າ​ຊົນ​ຊັ້ນ​ກຳ​ມະ​ກອນຍັງ ບໍ່​ທັນ​ຂະ​ຫຍາຍ​ຕົວ​ແຂງແ​ຮງ,  ແຕ່ກໍໄດ​້​ເກີດ​ມີ​ຂະ​ບວນ​ການ​ຮັກ​ຊາດຂອງ​ປະ​ຊາ​ຊົນ​ລາວ​ບັນ​ດາ​ເຜົ່າ​ຕໍ່​ສູ້​ຕ້ານ​ການ​ຮ​ຸກ​ຮານຂອງ​ພວກ​ລ່າ​ເມືອງ​ຂຶ້ນ​ໃນທົ່ວ​ປະ​ເທດ. ຈາກ​ສະ​ພາບ​ແວ​ດລ້ອມ​ການ​ຕໍ່​ສູ້​ປະ​ຕິ​ວັດ​ຂອງ 3 ປະ​ເທດ​ຄື​ແນວນັ້ນ ກອງ ປະຊຸມໃຫຍ່ ຄັ້ງ​ທີ II ຂອງ​ພັກ​ກອມມ​ູນິດ​ອິນ​ດູ​ຈີນ ປີ 1951 ໄດ້​ມີມະ​ຕິຕົກ​ລົງໃຫ້​ແຕ່​ລະ​ປະ​ເທດ​ສ້າງຕັ້ງ​ພັກ​ຂອງ​ໃຜ​ມັນ​ຂຶ້ນ. ສະ​ນັ້ນ, ບັນ​ດາສະຫາຍສະ​ ມາ​ຊິກ​ພັກກອມ​ມູ​ນິດ​ອິນດູ​ ຈີນທີ່​ເປັນ​ຄົນ​ລາວ​ໄດ້​ຈັດ​ຕັ້ງ ‘‘ຄະ​ນະ​ກຳ​ມະການ​ປ​ະ​ຊ​າ​ຊົນ​ລາວ’’ ຂຶ້ນ​ເພື່ອສືບ​ຕໍ່​ນຳ​ພາການ​ ປະ​ຕິ​ວັດ​ຢູ່ລາວ ແລະ ໄດ້​ກະ​ກຽມ​ຄວາມ​ພ້ອມດ້ານຕ່າງໆ ​ຢ່າງ​ລະ​ອຽດເປັນ​ເວ​ລາ 4 ປີ ຈຶ່ງໄດ້​ດຳ​ເນີນກອງ​ປະ​ຊຸມ​ໃຫຍ່​ສ້າງ​ຕັ້ງ​ພັກ​ຂອງ​ຕົນ​ຂຶ້ນ​ນັບ​ແຕ່​ວັນ​ທີ 22 ມີ​ນາ ເຖິງ 6 ເມ​ສາ 1955 ທີ່​ບ້າ​ນ​ນາ​ແມວ ເມືອງ ວຽງ​ໄຊ ແຂວງຫົວ​ພັນ ຊຶ່ງ​ເປັນ​ເຂດ​ທີ່​ໝັ້ນ​ຂອງການ​ປະ​ຕິ​ວັດ​ໃນ​ເວ​ລານັ້ນ ແລະ ໄດ້​ປະ​ກາດ​ສ້າງ​ຕັ້ງ​ພັກ​ປະ​ຕິ​ວັດຂອງ​ຕົນ​ຂຶ້ນ​ ເອີ້​ນ​ຊື່​ວ່າ: ‘‘ພັກ​ປະຊາ​ຊົນ​ລາວ’’ ໂດຍ​ແມ່ນ​ປະ​ທານ  ໄກ​ສອນ ພົມ​ວິ​ຫານ  ເປັນເລ​ຂາ​ທິການ​ ໃຫຍ່​ຂອງ​ຄະ​ນະ​ບໍລິ​ຫານ​ງານ​ ສູນ​ກາງ​ພັກ.