ຫົວ​ຂໍ້ : ສປຊ ເຜີຍແຜ່ແຜນປະຕິບັດງານ ທົດສະວັດ

ເຜີຍ​ແຜ່​ໂດຍ​: ທ່ານ ວິ​ໄລ​ສັກ ສໍ​ພາບ​ມີ​ໄຊ ເວ​ລາ: 28/01/2020 09:01:15 ຈຳ​ນວນ​ຜູ້​ເຂົ້າ​ຢ້ຽມ​ຊົມ 252 ຄັ້ງ

  ຂ່າວສານ​ຊີ​ອາ​ໄອ​ລາຍ​ງານ​ວ່າ: ເມື່ອ​ບໍ່​ດົນ​ມາ​ນີ້, ອົງ ການ​ສະຫະ​ປະຊາຊາດ (ສປຊ) ໄດ້​ເຜີຍແຜ່ “ແຜນ​ປະຕິບັດ ງານ​ ທົດ​ສະ​ວັດ” ເພື່ອ​ບັນລຸເປົ້າ ໝາຍການ​ພັດທະນາ​ແບບ​ຍືນ​ຍົງໂດຍ​ຮຽກຮ້ອງ​ໃຫ້​ບັນດາ​ປະເທດ​ເລັ່ງ​ລັດ​ການ​ລຶບ​ລ້າງ​ຄວາມທຸກ​ຍາກ, ການ​ຮັບ​ມືກັບ ​ການ​ປ່ຽນແປງ​ຂອງ​ດິນ​ຟ້າ​ອາ ກາດ ແລະ  ສິ່ງ​ທ້າ​ທາຍ​ຮ້າຍ​ແຮງ​ ທີ່​ສຸດ​ອື່ນໆ ທີ່​ໂລກ​ພວມ​ປະ​ເຊີນ ເພື່ອ​ຮັບປະກັນ​ການ​ບັນລຸ​ວາລະ​ການ​ພັດທະນາ​ແບບ​ຍືນ​ຍົງ​ຮອດ​ປີ 2030 ທີ່​ຖື​ເອົາ 17 ເປົ້າ​ໝາຍ​ການ​ພັດທະນາແບບ​ຍືນ​ຍົງ​ເປັນ​ແກນ​ກາງ.
  ພ້ອມ​ດຽວ​ກັນ​ນັ້ນ, ທ່ານ ອັນໂຕ​ນີໂອ ກູ​ເຕີ​ເຣສ ເລຂາທິ ການ​ໃຫຍ່​ອົງການ ສປຊ ໄດ້​ລາຍ​ງານ​ແບບ​ບໍ່​ເປັນ​ທາງ​ການ​ຕໍ່​ບັນດາ​ປະເທດ​ສະມາຊິກ ສປຊ ວ່າ: ປະຊາ​ຄົມ​ໂລກ ໄດ້​ຮັບ​ຄວາມ​ຄືບ​ໜ້າ​ໃນ​ການ​ປະຕິບັດ 17 ເປົ້າ​ໝາຍ​ການ​ພັດທະນາ​ແບບ​ຍືນ​ຍົງ​ຢ່າງ​ຫຼວງຫຼາຍ, ແຕ່​ເວົ້າ​ລວມ​ແລ້ວ, ຍັງ​ບໍ່​ສາມາດ​ບັນລຸ​ຕາມ​ເວລາ​ກຳນົດ ແລະ ຕາມ​ຂະໜາດ​ທີ່​ຕ້ອງ​ການ. ສະນັ້ນ ຄວນ​ມີ​ແຜນ​ປະຕິບັດ​ງານ​ທົດ​ສະ​ວັດ ເພື່ອ​ບັນລຸ​ເປົ້າ​ໝາຍ​ເຫຼົ່າ​ນີ້​ເມື່ອ​ຮອດ​ປີ 2030.
  ນອກ​ນັ້ນ, ທ່ານ ກູ​ເຕີ​ເຣສ ໄດ້​ຮຽກຮ້ອງ​ໃຫ້​ບັນດາ​ປະເທດ​ຈົ່ງ​ປະຕິບັດ​ແຜນ​ປະຕິບັດ​ງານ​ໃນ 3 ດ້ານ​ຄື: ປະຕິບັດ​ງານ​ທົ່ວ​ໂລກ, ເພີ່ມ​ຄວາມ​ສາມາດ​ການ​ນຳພາ, ທຸ້ມເທ​ຊັບພະຍາກອນ​ຫຼາຍ​ກວ່າ​ເກົ່າ ແລະ ນຳ​ໃຊ້​ວິທີ​ແກ້​ໄຂ​ທີ່​ສົມ​ເຫດ​ສົມ​ຜົນ​ກວ່າ​ເກົ່າ; ເພີ່ມ​ທະວີ​ການ​ປະຕິ ບັດ​ງານ​ຂັ້ນ​ທ້ອງຖິ່ນ, ປັບປຸງ​ນະໂຍບາຍ, ງົບປະມານ, ອົງ ການ ແລະ ການ​ຕິດຕາມ​ຄຸ້ມ​ຄອງ​ຂອງ​ລັດ, ອົງການ​ປົກຄອງ​ຕົວ​ເມືອງ ແລະ ທ້ອງຖິ່ນ; ດຳ ເນີນ​ການເຄື່ອນໄຫວ​ທົ່ວ​ປະ ຊາຊົນ ລວມ​ທັງ​ຊາວ​ໜຸ່ມ, ສັງ ຄົມ, ສື່​ມວນ​ຊົນ, ວິ​ສາ​ຫະ​ກິດ​ເອກະ​ຊົນ, ກຳມະບານ, ວົງ​ການ​ວິຊາ​ການ ແລະ ອື່ນໆ.
 

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110