ກວຕ ເຊື່ອມຊຶມມະຕິຄົບຄະນະ ຄັ້ງທີ 9 ສະໄໝທີ X

ໃນ​ອາທິດ​ຜ່ານ​ມາ​ ກະ ຊວງ​ວິທະຍາສາດ ​ແລະ ​ເຕັກໂນ​ ໂລ​ຊີ (ກວຕ) ໄດ້​ຈັດ​ຕັ້ງ​ເຊື່ອມ​ ຊຶມ​ມະຕິ​ຄົບ​ຄະນະ ຄັ້ງ​ທີ 9 ສະ ໄໝ​ທີ X ຂອງ​ຄະນະ​ບໍລິຫານ​ງານ​ສູນ​ກາງ​ພັກຂຶ້ນ ໂດຍ​ການ​ເຜີຍແຜ່​ຂອງ​ສະຫາຍ ບໍ່​ວຽງ​ຄຳ ວົງ​ດາລາ ລັດຖະມົນຕີ (ກວຕ) ໃນ​ວາລະ​ດັ່ງກ່າວ ສະຫາຍ​ໄດ້​ຍົກ​ໃຫ້​ເຫັນ​ວ່າ: ກອງ​ປະຊຸມ​ຄົບ​ຄະນະ​ຄັ້ງ​ທີ 9 ຂອງ​ຄະນະ​ບໍລິຫານ​ງານ​ສູນ​ກາງ​ພັກສະ ໄໝ​ທີ X ໄດ້​ດຳເນີນ​ຢ່າງ​ເປັນ​ ທາງ​ການ​ແຕ່​ວັນ​ທີ 14-23 ຕຸລາ 2019 ພາຍ​ໃຕ້​ການ​ເປັນ​ປະທານຂອງ​ສະຫາຍ ​ບຸນ​ຍັງ ວໍລະ​ຈິດ ເລຂາທິການ​ໃຫຍ່ ຄະນະ​ບໍລິຫານ​ງານ​ສູນ​ກາງ​ພັກ ຊຶ່ງ​ກອງ​ປະຊຸມ​ໄດ້​ຮັບ​ຟັງ​ການ​ລາຍ​ງານ, ການຄົ້ນ​ຄວ້າ​ພິຈາລະນາ, ປຶກສາ​ຫາລື​ ແລະ ​ໃຫ້​ທິດ​ຊີ້​ນຳ​ຕໍ່​ບັນຫາ​ສຳຄັນ​ຈຳນວນ​ໜຶ່ງ ໃນ​ຂົງເຂດ​ເສດ​ຖະ​ກິດ​-​ສັງຄົມ,ຂົງເຂດ​ຄວາມ​ໝັ້ນຄົງ,ວຽກ​ງານ​ແນວ​ໂຮມ​ ແລະ​ ມະຫາຊົນ​ຂອງພັກ, ການ​ກະກຽມ​ ແລະ ​ດຳເນີນກອງ​ ປະຊຸມ​ໃຫຍ່ 3 ຂັ້ນ ຂອງ​ພັກ ​ແລະ​ ການ​ກະກຽມ​ເນື້ອ​ໃນກອງ​ ປະຊຸມ​ໃຫຍ່ ຄັ້ງ​ທີ XI ຂອງພັກ, ນອກ​ນັ້ນ ຄະນະ​ບໍລິຫານ​ງານ​ ສູນ​ກາງ​ພັກ ຍັງໄດ້​ດຳເນີນຊີວິດ​ການເມືອງ, ສຳຫຼວດລວມ​ໝູ່​ ແລະ​ ຂອງ​ສະຫາຍ​ກຳມະການ​ສູນ​ກາງ​ພັກ​ປະຈຳ​ປີ 2019, ຄະນະ​ບໍລິຫານ​ງານ​ສູນ​ກາງ​ພັກ ມີ​ຄວາມ​ເປັນ​ເອກ​ກະ​ພາບ​ກັນ​ວ່າ ປີ 2020 ເປັນ​ປີ​ທີ່​ມີ​ຄວາມ​ໝາຍ​ສຳຄັນ​ສຳລັບ​ປະເທດ​ພວກ​ເຮົາ ​ຊຶ່ງເປັນ​ປີ​ສຸດ​ທ້າຍ​ໃນ​ການ ຈັດຕັ້ງ​ປະຕິບັດ​ຄາດໝາຍ​ສູ້​ຊົນ​ຕ່າງໆ​ໃນ​ສະໄໝ​ທີ X ກໍຄື​ການ​ປົກ​ປັກ​ຮັກສາ​ ແລະ​ສ້າງ ສາ​ພັດທະນາ​ປະເທດຊາດ ​ກ້າວ​ຂຶ້ນ​ສູ່​ຈຸດໝາຍ​ທີ່​ວາງ​ໄວ້,  ຮຽກຮ້ອງ​ມາ​ຍັງ​ຄະນະ​ພັກ, ອົງ ການ​ປົກຄອງ​ແຕ່​ລະ​ຂັ້ນ, ສະ ມາຊິກ​ພັກ, ພະນັກງານ​ ແລະ​ປະຊາຊົນ​ລາວ​ບັນດາເຜົ່າ​ຈົ່ງ​ໄດ້​ເພີ່ມ​ທະວີ​ຄວາມ​ສາມັກຄີ​ເປັນ​ປຶກ​ແຜ່ນ​ພ້ອມ​ກັນ​ເຊີດຊູ​ ນຳ້ໃຈ​ຮັກ​ຊາດ​ ແລະ​ ເປັນ​ເຈົ້າ​ການ​ຕັດສິນ​ໃຈ​ພ້ອມ​ກັນ​ບຸກ​ບືນ​ໃນ​ການ​ຍູ້​ຂະບວນ​ການສ້າງສາ​ພັດທະນາ, ແກ້​ໄຂ​ຄວາມ​ຫຍຸ້ງ ຍາກ, ອຸປະສັກ​ ແລະ​ ສິ່ງ​ທ້າ​ທາຍ​ຕ່າງໆ, ສ້າງ​ການ​ຫັນປ່ຽນ​ໃໝ່​ທີ່​ຕັ້ງໜ້າ​ ແລະ ​ເລິກເຊິ່ງ ເພື່ອສ້າງ​ຜົນງານ​ກ້າວ​ເຂົ້າສູ່ ກອງປະຊຸມໃຫຍ່ ຄັ້ງ​ທີ XI ຂອງ​ພັກ​ຢ່າງ​ໜັກ​ແໜ້ນ, ຂ່າວ​ແຈ້ງຕື່ມ​ອີກ​ວ່າ: ໃນ​ວັນ​ດຽວ​ກັນ ກວຕ ກໍໄດ້​ປະກາດ​ການ​ຈັດ​ຕັ້​ງພາຍ​ໃນ​ກະຊວງ​ຂອງ​ຕົນ​ເຊັ່ນ: ຕຳແໜ່ງ​ບໍລິຫານ​ປະເພດ 4 ແລະ ​ປະເພດ 5 ຂັ້ນ​ຫົວໜ້າພະແນກ, ຫົວໜ້າ​ສູນ​  ແລະ ​ຮອງ​ຫົວໜ້າ​ພະແນກ, ຮອງ​ຫົວ ໜ້າ​ສູນ​ຂອງ​ຫ້ອງການ, ກົມ​ ແລະ​ ສະ​ຖາ​ບັນ​ຕ່າງໆ
(ຂ່າວ​-​ພາບ:ພູ​ວຽງ​ຄຳ)