ຫົວ​ຂໍ້ : ຫຼວງນຳ້ທາ ສະຫຼອງວັນສ້າງຕັ້ງໄອຍະການປະຊາຊົນ ຄົບຮອບ 30 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 28/01/2020 09:18:29 ຈຳ​ນວນ​ຜູ້​ເຂົ້າ​ຢ້ຽມ​ຊົມ 324 ຄັ້ງ

ອົງການ​ໄອ​ຍະ​ການ​ປະ ຊາຊົນ​ແຂວງ​ຫຼວງ​ນ້ຳທາ ໄດ້​ຈັດ​ພິທີສະເຫຼີມສະຫຼອງ​ວັນ​ສ້າງຕັ້ງ​ໄອ​ຍະ​ການ​ປະຊາຊົນ​ຄົບຮອບ 30 ປີ (9 ມັງກອນ 1990 ຫາ 9 ມັງກອນ  2020) ຂຶ້ນ​ໃນ​ວັນ​ທີ 23 ມັງກອນຜ່ານມາ ​ທີ່​ຫໍ​ວັດທະນະທຳ​ມິດຕະພາບ​ແຂວງ​ຫຼວງ​ນ້ຳ​ທາ. ໃຫ້ກຽດ​ມີ​ຄຳ​ເຫັນ​ໂດຍ ທ່ານ ໄຊ​ພອນ ຄຸນ​ສີ​ລິ​ເຮືອງ ຮອງ​ເລຂາ​ພັກ​ແຂວງ ປະທານ​ສະພາ​ປະຊາ ຊົນ​ແຂວງ ຊຶ່ງໄດ້​ຍົກ​ໃຫ້​ເຫັນ​ປະຫວັດ​ຄວາມ​ເປັນ​ມາ​ຂອງ​ວັນ​ດັ່ງກ່າວ ນັບ​ແຕ່​ມື້​ປະກາດ​ໃຊ້ດຳລັດ​ຂອງ​ປະທານ​ປະເທດ ເລກ​ທີ 05 ວ່າ​ດ້ວຍ​ການ​ປະກາດ​ໃຊ້ກົດໝາຍ​ອົງການ​ໄອ​ຍະ​ການ​ປະຊາຊົນ​ແຫ່ງ ສປປ ລາວ ສະບັບ​ທຳອິດ ແລະ ໄດ້​ກາຍ ເປັນ​ວັັນ​ສ້າງຕັ້ງ ອົງການ​ໄອ​ຍະ​ການ​ປະຊາຊົນ​ລາວ, ມີພາລະ​ບົດບາດ​ກວດກາ​ການ​ປະຕິບັດ​ກົດໝາຍ​ໃຫ້​ຖືກ​ຕ້ອງ  ແລະ ເປັນ​ ເອກະ​ພາບໃນ​ທຸກ​ກະຊວງ, ຄະ ນະ​ກຳມະການ​ແຫ່ງ​ລັດ, ສຳ ນັກງານ, ວິ​ສາ​ຫະ​ກິດ, ອົງການ​ຈັດ​ຕັ້ງ​ອື່ນໆ ຂອງ​ລັດ ແລະ ສັງຄົມ, ຄະນະ​ກຳມະການ​ປົກ ຄອງ​ທ້ອງຖິ່ນ, ລັດຖະກອນ ແລະ ພົນ​ລະ​ເມືອງ. ພາຍຫຼັງ​ປະເທດ​ຊາດ​ໄດ້​ຮັບ​ການປົດ​ ປ່ອຍ ແລະ ສ້າງຕັ້ງເປັນລະບອບ ສາທາລະນະ​ລັດ ປະຊາທິປະ ໄຕ ປະຊາຊົນ​ລາວ ຂຶ້ນ​ໃນ​ວັນ​ທີ 2  ທັນວາ 1975 ໄດ້​ຫັນ​ການ​ຄຸ້ມ​ຄອງ​ຂອງ​ລັດ, ຄຸ້ມ​ຄອງ​ສັງຄົມ​ດ້ວຍ​ມະຕິ​ຄຳ​ສັງ ຊຶ່ງ​ໃນ​ເບື້ອງ​ຕົ້ນ​ຖື​ເອົາ​ຄຳ​ສ່ັງ​ສະບັບ​ເລກ​ທີ 53/ ນຍ ລົງ​ວັນ​ທີ 15 ຕຸລາ ປີ 1976 ຂອງ​ນາ​ຍົກ​ກ່ຽວ​ກັບ​ການ​ຈັບ​ຕົວ, ການ​ສືບ​ສວນ-​ສອບ​ສວນ ແລະ ການ​ຕັດສິນ​ຜູ້​ກະທຳ​ຜິດ​ເປັນ​ບ່ອນ​ອີງ​ໃນ​ການ​ເຄື່ອນໄຫວ​ຂອງ​ອົງການ​ຕຸລາການ, ໃນ​ໄລຍະ​ດຽວ​ກັນ​ວຽກ​ງານ​ໄອ​ຍະ​ການ ໄດ້​ຮັບ​ການ​ສ້າງຕັ້ງ​ເປັນ​ກົມໄອຍະ​ການປະຊາຊົນ ສັງກັດ​ຢູ່​ກະຊວງ​ຍຸຕິ​ທຳຢູ່​ແຂວງ, ນະຄອນຫຼວງວຽງ​ຈັນ​ເປັນ​ພະ​ແນກ​ໜຶ່ງ​ທີ່​ຂຶ້ນ​ກັບ​ພະ​ແນ​ກ​ຍຸຕິ​ທຳ,  ສ່ວນ​ຂັ້ນ​ເມືອງ​ບໍ່​ມີ​ກົງຈັກ​ການຈັດຕັ້ງ​ຂອງ​ອົງ ການ​ໄອ​ຍະ​ການ​ປະຊາຊົນ​ແຕ່​ ມອບ​ໜ້າທີ່​ໃຫ້​ຂຶ້ນ​ກັບ​ກອງ​ບັນ ຊາ​ການ ປກສ ເມືອງ​ເປັນ​ຜູ້​ເຮັດ​ໜ້າທີ່​ແທນ​ໄອ​ຍະ​ການ. ຜ່ານ​ໄລຍະ 8 ປີ​ທີ່​ຂຶ້ນ​ກັບ​ການ​ຊີ້​ນໍາ-ນໍາ​ພາ​ຂອງ​ກະຊວງ​ຍຸຕິ​ທຳ ຂະແໜງ​ໄອ​ຍະ​ການ​ປະຊາຊົນ​ໄດ້​ຕັ້ງໜ້າ​ປັບປຸງ​ລະບົບການ​ ຈັດຕັ້ງ​ກໍ່ສ້າງ​ຖັນ​ແຖວ​ພະນັກ ງານ ແລະ ເຄື່ອນ​ໄຫວ​ປະຕິບັດ​ພາລະ​ບົດບາດ, ສິດ ແລະ ໜ້າທີ່​ເປັນ​ຢ່າງ​ດີ. 
(ຂ່າວ: ມຸນຕີ)

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ


ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ

ລຳ​ດັບ ​​ຄວາມ​ຄິດ​ເຫັນຕໍ່​ກັບ​ຂ່າວ ​ເວ​ລາ​


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 021336111, ແຟັກ: 021336113,ອີເມວ: pasaxonit@gmail.com, ຕູ້ ປ.ນ 1110