ໃນ​ທ້າຍ​ທິດ​ທີ່​ຜ່ານ​ມາ, ກອງ​ບັນຊາ​ການ ປກສ ແຂວງ​ສະຫວັນ​ນະ​ເຂດ ໄດ້​ຈັດ​ພິທີ​ປະກາດ​ເລື່ອນ​ຊັ້ນ​ໃຫ້​ນາຍ ຕຳຫຼວດ ໂດຍ​ເປັນ​ປະທານ​ຂອງ ​ທ່ານ ພັອ ສົມ​ໝາຍ ພົມ ມະຈັນ ຮັກສາ​ການ​ຫົວໜ້າ​ກອງ​ ບັນຊາ​ການ ປກສ ແຂວງ​ສະ ຫວັນ​ນະ​ເຂດ, ມີ​ກອງ​ບັນຊາ​ການ ປກສ ນະຄອນ, ເມືອງ​ທົ່ວ​ແຂວງ ແລະ ແຂກ​ຖືກ​ເຊີນ​ເຂົ້າ​ຮ່ວມ.
ທ່ານ ພັທ ຄໍາ​ຜາຍ ຄຸນ​ລາດ​ສຸວັນນະ​ວົງ ຮັກສາ​ການ​ຫົວໜ້າ​ຫ້ອງການ​ເມືອງ ປກສ ແຂວງ ໄດ້​ຂຶ້ນ​ຜ່ານ​ຂໍ້​ຕົກລົງ ຂອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ເລກ​ທີ 2856/ປກສ ລົງ​ວັນ​ທີ 31ທັນວາ2019 ວ່າ​ດ້ວຍ​ການ​ເລື່ອນ​ຊັ້ນ​ໃຫ້​ນາຍ​ຕຳຫຼວດ​ກອງ​ບັນຊາ​ການ​  ປກສ​ແຂວງ​ສະຫວັນ​ນະ​ເຂດ ແລະ ຂໍ້​ຕົກລົງ ຂອງ​ກົມ​ໃຫຍ່​ການເມືອງ​ປ້ອງ​ກັນ​ຄວາມ​ສະຫງົບ ສະບັບ​ເລກ​ທີ 4326/ກມປສ ລົງ​ວັນ​ທີ 17 ທັນວາ 2019 ວ່າ​ດ້ວຍ​ການ​ເລື່ອນ​ຊັ້ນ ໃຫ້​ນາຍ​ຕຳຫຼວດ​ກອງ​ບັນຊາ​ການ ປກສ ແຂວງ​ສະຫວັນ​ນະ​ເຂດ  ທັງ​ໝົດ 376 ສະຫາຍ ຍິງ 48 ສະ​ຫາຍ. ໃນ​ນີ້ເລື່ອນ​ຊັ້ນ ພັຕ ຂຶ້ນ ພັທ 31 ສະຫາຍ ຍິງ 1 ສະຫາຍ, ເລື່ອນ​ຊັ້ນ ຮທ ຂຶ້ນ ຮອ 108 ສະຫາຍ ຍິງ 13 ສະຫາຍ, ເລື່ອນ​ຊັ້ນ ຮອ ຂຶ້ນ ພັຕ 91 ສະຫາຍ ຍິງ 5 ສະຫາຍ, ເລື່ອນ​ຊັ້ນ ຮຕ ຂຶ້ນ ຮທ 95 ສະຫາຍ ຍິງ 22 ສະຫາຍ, ເລື່ອນ​ຊັ້ນ​ວາທີ ຂຶ້ນ ເປັນ​ຮ້ອຍ​ຕີ 51 ສະຫາຍ ຍິງ 4 ສະຫາຍ, ໃຫ້ ກຽດ​ປະດັບ​ຊັ້ນ ໂດຍ​ທ່ານ ພັອ ສົມ​ໝາຍ​ ພົມ​ມະ​ຈັນ.
ໃນ​ໂອກາດ​ດຽວ​ກັນ, ທ່ານ ຮັກສາ​ການ​ຫົວໜ້າ​ກອງ​ບັນ ຊາ​ການ ປກສ ແຂວງ ໄດ້​ສະ ແດງ​ຄວາມ​ຍ້ອງຍໍ​ຊົມເຊີຍ​ຜູ້​ທີ່​ໄດ້​ຮັບ​ການ​ເລືອນ​ຊັ້ນ​ໃນ​ຄັ້ງ​ນີ້ ແລະ ໄດ້​ເນັ້ນ​ໃຫ້​ເອົາໃຈ​ໃສ່ ເຮັດໜ້າທີ່​ວຽກ​ງານ​ປ້ອງ​ກັນ​ຄວາມ​ສະຫງົບ​ດ້ວຍ​ຄວາມຮັບ ​ຜິດຊອບ​ສູງ, ເປັນ​ເຈົ້າ​ການ​ປະ ຕິບັດຕາມແນວທາງ​ພັກ​-​ລັດ​ວາງ​ອອກຢ່າງ​ເຂັ້ມ​ງວດ ເພື່ອ​ເຮັດ​ໃຫ້ກຳລັງ​ມີ​ຄວາມ​ເຕີບ​ໃຫຍ່​ເຂັ້ມ​ແຂງ  ແລະ ພ້ອມ​ທັງ​ ຝຶກ​ຝົນ​ຫຼໍ່ຫຼອມ​ຕົນ​ເອງ ໃຫ້​ກາຍ ເປັນ​ກຳລັງ​ປະກອບ​ອາວຸດ ທີ່​ເຂັ້ມແຂງ​ຮອບ​ດ້ານ. 
(ຂ່າວ​-​ພາບ: ແຂວງ​ສະ​ຫວັນ​ນະ​ເຂດ)